Reimposta ricerca
2024 - Asien
  • Marco Berger
  • Marco Berger

2024 - Asien

~6 Monate Quer durch Asien.
Diving, Surfing, Wildlife, Camping
Ä mix zwüschä sparä & gönnä Leggi altro
+6
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
PanoramicaCalendarioFotografie
  • Marco Berger2024 - AsienMarco Berger
    Birds of paradise

    Raja Ampat II / Diving & Bird watching

    25–29 apr 2024, Indonesia ⋅ ⛅ 31 °C

    Zämä mit 2 Östricher hani no ä Birdwatching tour buechet zum dr säutnig "Bird of paradise" vogu z gse. D tour het am haubi 5i am morge gstartet mitem Boot u när wanderig. D tour isch rächt fürd füchs gsi😅 dr guide het KES einzigs wort gredt. Weder hallo no tschüss. Är isch eifach voragloffä u när heimer ufeme bänkli gwartet. I ha zwar churz vorem schluss no einä gse, aber z liecht isch schlächt gsi, är isch wit wäg gsi u es isch es Wiibli gsi. D wiibli si unspekakulär im gägäsatz zu dä männli😬 aber mir heis probiert ;-)
    Früecher hets schins viu meh gha, ds grücht geit ume, dass si während covid igfange u verchouft si wordä 😪
    Direkt nach dr tour simer aber wider ga dive 🤩
    Ha jede tag 2-3 dives gmacht. Einisch ono ä nightdive (muddive), wome viu chräbsli het gse. Dr guide het mir no ä coconut octopus zeigt, ds ischs highlight gsi 😍 ä chline cheib wosech ire muschle versteckt het. U är isch hässig worde ab mir wiu är nid het wöue gfiumet wärdä heter sang gäg d kamera gschossä 😅😂
    Ah u mi ersch agriff vomne fisch uf mi hani o überläbt: ä Triggerfisch woni nid gse ha isch vougas i mi regulator donneret. Het zimlech we ta, aber ha keni zäng verlorä🙈
    U schüsch bini no immer chli düre dschungu u ha papageiä gsuecht, ha viu gse aber kes guets föteli chönnä mache.
    Schiins gits hie o die monsterchräbsä (coconut crab, muesch mau google😬) aber die hani o nid gse.
    Dä ort isch wahnsinnig schön u sicher eis vodä highlights vor reis. Leider gani morn witer, i chönt no lenger blibä. Zum däivä wärs sicher vo vorteil wenme meh erfahrig het aus ig, i mues nach wi vor ungloublech gäg d strömig kämpfä zum teil 🙈 weme sech amne blöde ort loslat geits 10 sekunde u me isch wäg 😅
    Schad ou, dasi ke Manta gse ha :-( ha vorgester gseit dasi die no wet ga luege (git 2 divesites wos immer het) u si hei abklärt aber isch nid möglech wiume sech bi dene sites offebar mues ä platz reserviere wiusi beliebt si😪

    Luschtigerwiis simer im moment vo 9 Gest 4 schwizer 😂 mit dene ischs kuul, o wiusi im gegesatz zu de angere nid ussschliesslech vo fischä redä, u mit nämä umsech schlö woni no nie ghört ha😂

    Ah: u es hetmer no iz bungalow grägnet i eire nacht, ufs bett😂

    Raja Ampat isch definitiv es absoluts highlight und sehr empfehlenswert für aui wo touchä. Würd sägä dr schönst ort woni je gsi bi.

    Z ässä isch zwar fein gsi aber immer meh oder weniger z gliichä, iz fröii mi extrem uf chli abwächslig 😅

    Morn starti e müehsami areis richtig Borneo. Vor fluggseuschaft hani bis iz nume schlächts ghört, mau luege ob das klappet😅    Leggi altro

    Guarda la traduzione
  • Marco Berger2024 - AsienMarco Berger

    Indonesien / Verdikt

    30 aprile 2024, Indonesia ⋅ ⛅ 28 °C

    Mit dä boot bini zrügg uf Sorong u bi när miter "tolle" airline 'Lion air' gflogä. 2 flüg bis uf jakarta für äs paar stung schlaf vorem 3e flug nach Kuching (total 28 stung 'ungerwägs' fürne uf dr vharte chlini distanz 😅). Dr erst flug het 70 minute verspätig gha ohni infos, u dr 2 heisi um 2 stung gschobä ohni z informiere🙈 schiins standard.

    Weni zrügdänkä chuntsmer scho ewig lang vor siti in Indinesie glandet bi, drbi ischs "nur" 1 monet här.
    Ds land isch wunderschön, u bietet sehr viu, vo unzähligä vulkanä, touristischä hochburgä, sehenswärti tämplä bis zu abglägni insu regionä.

    Mir hets sehr guet gfauä, iirgendeinisch chumi zrügg ;-)

    Ä schattäsittä isch eich leider wider dr Müll, ou im meer. Uf dr fährä hani ä giiu beobachtet winer 2 fläschli casually is meer gschosse het, obwou dr küder 20cm näb ihm isch gsi 😪

    Wasi mir no überleit ha, isch no uf Komodo z ga, dert chame schins o super touchä und lut em internet gits dert " die grösste Echse der Welt". Hätmi wunger gno wi die usgset😜 Aber wär o wider e müehsami areis gsi u direkt nach raja ampat ane ähnleche ort.. lieber speter

    U iz zum eigentlichä:

    Menschen: 8
    Kultur: 8
    Essen: 4
    Natur: 9
    Temperaturen im April: 8

    Total: 8.5

    Ausgaben pro Woche exkl. Flüge: ca 650.-

    Highlights:
    - Raja Ampat
    - Ijen
    - Hot springs in Kintamani
    - Gseuschaft vo Jönu & Tschörtschi 😘    Leggi altro

    Guarda la traduzione
  • Marco Berger2024 - AsienMarco Berger

    Kuching / Bako NP

    30 apr–4 mag 2024, Malaysia ⋅ ☁️ 30 °C

    Scho usem flugi hani gmerkt, dass Kuching komplett angers isch ausi mirs vorgsteut ha (im positive Sinn). I ha denkt armuet dominiert, u das aus ähnlech dräckig isch wi in Sri Lanka etc. Aber nei, het sehr schöni hüser, sehr fründlechi lüt (ha über 1h philosophiert mit mim laundry man, wo komplett im hype isch gsi wiu är o Marco heisst😂) u bi nid einisch - nidmau woni usem flughafe bi cho - belästigt worde irgendöbis z choufe / bezieh. D strassä wärdä scho fasch singapurmässig putzt. Ä waarä sägä u so viu gmüetlecher 🥰.
    Ha z Fuess d stadt erkundet, bi nachem insuläbä mau wider mit chli abwächslig ga ässä u bi ds botschaftsgebäude ga todfotografiere 😂 dert hani no ä chines troffä, wo unbedingt es foto mit mir het wöue mache. Är het mi aus "Mr. Marco" gspicheret🫡

    Füre tag druf hani spontan ä doppubuechig vorgno - im Bako National Park. Eich hani speter wöu ga, aber isch aus usbuechet gsi schüsch.

    Nachere uber fahrt bini bimne chline hafe gsi, woni mir i mire naivität vorgsteut ha, dasi eifach es ticket choufe u när imne boot i park fahre. Leider ischs konplizierter 😂 me mues nämlech sägä, wenn gnau dasme zrügg geit, und me mues mit dä genau gliche lüt ufs boot für zrügg, wie wome härä geit 🤷 nach 30 minute warte ob äch öber chunnt wo o dinn übernachtet hani mi are gruppe agschlosse wo nur ä daytrip het gmacht. Das widerum geit, solang ig när morn alei ufem boot bi🤔, u dür das überrissä tüür (für malaysischi verhäutnis).

    Ha mir im Park när ä wanderig usgsuecht (zur dümmste zit, es isch sängendi hitz gsi 🥵🥵🥵).
    Ungerwägs isch när ä chinesin cho liirä, u si när dr trail zämä gloffä. Bim zrüggga womer nis ufeme hochplateau verloffä hei, hani gseit mou i weiss wo düre. Si het du gmeint i sig so guet wini das iz gfunge ha u dasi ä guetä orientierigssinn ha 😂😂😂😂 plotttwist: es isch ke wäg gsi🫡
    Si het när o immer meh afa jammerä wi heiss dases isch, bissis o uf schwizerdütsch immer wider gseit het "es isch heeisss" 😅😂
    Si isch du när uf aune vierä d holzstäggli ufkrochä plözlech, kes wunger weme bi gfüutä 37° ufne 3h wanderig nur 0.5l wasser mitnimmt 🙈 drfür isch d belohnig gägä schluss gsi dasmer glich no ä nasäbär gse hei😍

    Am aabä no äs nighttrekking mit guide. Spannend gsi, aber si z viu lüt drbi gsi.

    Am morge / mittag hani när nomau 2 trails gmacht bevori miteme Ami zrügg bi. Cheib het viu gwüsst über Flora & Fauna, Msc in Biologie. Är isch isch gloub sehr stouz daser vo Washington DC chunnt, säubst wenä locals gfragt hei vo wo daser isch, heter immer gseit 'I'm from Washington DC' 😂

    Iz blibi spontan no ä Tag lenger in Kuching wiusmer guet gfaut.
    Bi no iz Borneo Kulturmuseum, mau es nid-kunst museum wo glich sehr spannend isch gsi, chli d di verschidnige regione mit da lüt belüchtet. Inkl. dä Penang, dert wo dr Bruno Manser isch gsi. I die region gani demnächst ono.
    U iz machi no ä sunneungergangsschiffsfahrt.

    Ps: gits eich lüt wo di romän no würk läsä? 😂

    Pps: die wosech ab mim whatsapp status gfragt hei - zu rächt - i bi mit flipflops gwanderet wiui unsäglechi blatterä vom touche ha dasi keni schue cha aalegä    Leggi altro

    Guarda la traduzione
  • Marco Berger2024 - AsienMarco Berger
    Turnier ir MallDoktor 🙈Little boy het posiert 😂

    Miri / Niah National Park & Krank

    4 maggio 2024, Malaysia ⋅ ☁️ 28 °C

    Nacheme gmüetlechä (1h) inlandflug, näb öberem wo gschider 2 plätz buechet het ufgrund vor postur, bini in Miri glandet. Vo däm ort hani bis vorere wuche no nie ghört. Ghört isch zwar übertribä, i has eifach uf google maps gse, dases ä stadt ir "nöchi" vom Niah Nationaupark isch.
    D stadt säuber isch zwar nid ganz so "spezieu" wie Kuching, aber bietet doch o einiges zum zitvertribä.
    Ha denkt i mues chli pouse machä, damit mini wunde ar Värsä verheilt, leider ischs ging no glich, so dasi nid id schue cha. Aber ha äs Design entwicklet winis vilech glich cha machä😂

    In Miri bini i paar vo dä unzählige aneinandergreihtä restaurants ga ässä sowie am Sunnti bi rägäwätter ines shoppingcenter - wo dinne es basketballtournier stattgfunge het mits näb dä lädä - i chino ga Abigail luege. Ä film überne ballerinavampir😂 rächt amüsant u kreativ gsi.
    Znacht hani abwächslig brucht vo riis u noodles, so dasi spaghetti gsuecht ha. Di hani o gfunge ire Wii-bar, wo wii aber nur ir fläschä verchouft😂 drfür hani d bsitzer troffä u ihne vo mire ungwüssheit wasi ab mitti mai söu mache verzeut (i ha hüt ca. 4 stung probiert z planä, bi sogar ufne haubgrüenä zweig cho), u si hei du gfunge si chönge mi hurti telefonisch miter presidentin vom tourismus im staat Sabah verbinge zum fragä obsi mir ä tipp heig 😂 di hetmer effektiv 1-2 tipps gä, woni o scho bim schnöiggä drübergstoglet bi. Mau luege, söt gloub gli mau dr nächst internationau flug bueche wiu d priise eher stigä🙈 (ha mir fürd iireis sones "fake" flugticket kouft damit i bir iireis keni problem ha ohni onwardticket)

    Am nächste morge hani mi scho nid ganz so spriztig gfüut, bi aber ner zum eigentleche Grund gfahre, wiso i da here bi cho. Dr Niah National Park mit sine höhlinä.
    Allgemein bini in Miri ä exot gsi, i ha über 2 tag ke einzigä europäer oder schüsch nid asiat gse😂 zum nationaupark bini mit grab gfahre, 90 minute. D fahrerin het no es selfie wöue mache am schluss, aber di ganzi fahrt kes wort gredt. Gloub si chöi hie o nid so änglisch 😂
    Am 0830 bini aacho, dr park hät am 8i söue ufdue u denn isch mau no gar nüd gloffä😂 d arbeiter si langsam iitrudlet u i bi mitere 30 sekündige bootfahrt zum park bracht worde u ha mini 11km wanderig gstartet.
    Zersch düre dschungu (ke einzig mönsch gse). När bini zumne ort cho wo wine verlassne zwüscheverpflegigsposte het usgse, u gli mau när zur erste höhli. Scho die si beiidruckend gsi. Chli speter isch när dr gross cave cho, wome mit stirnlampe ine mues. Dür holzstägli abe ischme immer töifer ine, wahrlech beiidruckend und es spezieus gfüu 🤩 (Wi ä dark souls cave)
    Dr gruch isch weniger schön gsi, aus vou flädermuus kacke 🙈 me het o ging müesse ufpasse dasme nid uf so riisechäfer steit 😬
    Nach 90 minute bini dusse gsi u de isch no dr letscht bitz wider düre dschungu zumne letzä cave wos 12'000 jahr auti wandmalerie het gange.
    Dert si ono aktuelli usgrabigä, si hei dert dr eutist schädu gfunge wome inasiä entdeckt het, 45'000 jährig.

    Bim zrügg ga hei mi mini chräft langsam verla (dasi d schue nid richtig ha chönne alege het si biitrag ono treit), und denn si när o angeri bsuecher entgege cho, total aber nur öba 15. Aso würk ä wenig bsuechte park.
    I ha ner es grab wöue bsteue für hei, aber es het keni fahrer gha 🙈 ha ner eine gfragt wini zrüg chume, er het gseit normalerwiis machtme mitem fahrer wo eim härä bringt ä priis ab für das er wartet, wius hie keni taxis git 🙈 das het die äuä nid gwüsst.. zum glück het er mir när abote mi zrüg z fahre, während är uf angeri am warte isch gsi. Aso heter dopplet gäud wöu verdiene, mir ischs rächt, drfür ischer komplett gstresst gfahre wiuer so schneu wi möglech wider zrüg het wöue si 🙈
    Zrügg im hotel hani müese feststeue dasi fieber ha🥵 u wiui letscht wuche i malaria risikogebiet bi gsi, hani ä doktor ufgsuecht. Ha bluet gä u dr doktor hetmer am aabä spät per whatsapp mitteilt, dases nid malaria isch, aber irgend ä bakterielle infekt woni iz mit Antibiotika uf guet glück probiere z behandle 🙈

    Edit: i bi wider fasch gsung u de söt am kommende 5 tages-dschungutrip nüm im wäg sta🙌 2 flüg woni no gmacht ha vo Miri nach Kota Kinabalu u Sandakan si mit fieber aber ä chlini tortur gsi🥵🙈    Leggi altro

    Guarda la traduzione
  • Marco Berger2024 - AsienMarco Berger
    Ungerkinft

    Kinabatangan River / East coast wildlife

    8–11 mag 2024, Malaysia ⋅ ⛅ 32 °C

    Wi gseit, uf Sandakan bini fürne dschungutour, houbtsächlech um ä Orang Utan in freier Wildbahn z gse. Sandakan säuber isch sehr unspektakulär, auso o nid gad dr schlechtist ort gsi zum chrank si, verpasst hani gloub nüd.

    D tour hani bi River Junkie buechet. Gueti rezessione und dr billigst abieter woni gfunge ha (aber glich dr türst postä uf dere reis, mit 900.- für 5 tag u 4 nächt imne massäschlag).
    Ds abhole het aber guet klappet u mir si direkt nach Sepilok gfahre. Es rehabilitierigszenter für Orang utans und Sunnäbärä. Eigentlich hani das nid wöue mache, wiui lieber komplett wiudi gse hät aus ersts, aber wenigstens hani denkt fausmer keni fingä oder sä nid guet gse chani vilech paar gueti Shots machä. Isch recht touristisch gsi, aber spannend u lustig di cheibä z beobachte (1isch hingerere schibä wosi üs nid gse hei, u einisch vomene steeg wosi gfüeteret si wordä). D männli si riiisig, het no d lüt wöue aagriffä 🙈😅.

    Vo sunnäbärä hani vorher no nie öbis ghört. Si härzig, aber leider fasch usgstorbä 😔

    D tour machi mit 2 holländer (vater u tochter), 2 ängländer (päärli) und eim guide.
    Dr vater isch rächt luschtig 😂 cheibä holländer enttüsche eim nie.

    När simer 2h iz chrut usegfahre. Zum Kinabatangan River. Schiins es wildlife paradies.
    I ha ä rächt schäbigi ungerkunft erwartet, u bi sehr positiv überrascht gsi, sogar mit klimamaalag und 4er zimmer. Isch nur 1 ängländerin dinne gsi, aber lord isch die arrogant gsi 🙈

    När hets täglech 2-3 Flusssafaris gä mit üsere gruppe. Guet organisiert und hei ungloublech viu vom fluss us gse, krokodiu, unzähligi kingfisher, x hundert affä (nasäaffä und silverleaf oder so), hornbills, ir nacht schlangä, u kingfisher us dr nöchi. Ir nacht heimer 1isch es trekking u 1isch ä flussfahrt gmacht. D flussfahrt isch dütlech besser gsi.
    Einisch hetsnis no riiiichtig verschiffet 😅😂.
    Am morge isch nie öbis mit usschlafe gsi, di ersti tour het immer am 6i gstartet 🙈.

    Am aabe u zwüsch de toure heimer chli UNO u schüschtigi sache gspiut. Isch ä ganz gueti gruppe, abgse drvo das si gwinne im UNO 😡

    Nach 2 täg simer ufdi letschti flussfahrt, u nam zmorgä när zersch 2h nach Lahad Datu gfahre, bürokratie erledigt füre zuegang zum dschungu, nomau öbis gässä u när nomau 2.5 stung offroad iz Danum Valley. Empfang u wifi gits kes dert.

    Kinabatangan River isch absolut empfählenswärt für aui Wildlife entusiastä 👍    Leggi altro

    Guarda la traduzione
  • Marco Berger2024 - AsienMarco Berger
    Nacht jeep safari🐊 DundeeStudäntä.. 🤣

    Danum Valley / East coast wildlife adv.

    11–13 mag 2024, Malaysia ⋅ ☀️ 33 °C

    Danum Valley isch ä primary forest. Ä tropischä rägäwaud, wo nid dä unzähligä abholzigä isch zum opfer gfaue. Im moment wird er gad zum Unesco kulturerbe gmacht.
    Vo däm ort hani glese, woni googlet ha, wo das uf dr welt dr best ort sig, zum wildi orang utans gse.
    Dert hani o glese, das ds ganze sehr abglägä isch, und aus sehr eifach. Dasmau het mini befürchtig, wie schrecklech das z hostel mues sii, leider gstummä (siehe foto) 🙈 HORROR.

    Es hets nid besser gmacht, dases usnahmswiis fasch usbuechet isch mit ere gruppe vo 20 studente vo Oxford wo hie irgend öbis am forsche si.

    U die studente, es si würklech riiichtigi Bilderbuech studente 🙈🙈
    Was meini drmit:
    - ihri bett gse us aus wär ä bombä igschlagä
    - ab minute 0 wos z ässä git seklä si härä wi d russä imne resort u schufle so viu use dasme nach 5 lüt mues warte wiu aus wäg isch
    - mitem rangerhuet unger d duschi 🤷
    - Haar zämä bingä miteme Bleistift 🤣
    - Di wüsse aus, kennä jedes tier u jedi pflanze, aber wenn ä schmätterling uf ihne landet heisi ä haubi härzparaggä "oh my god oh my god what iiiisss it?"🤣

    Touris im ganze dschungi hets fasch keni, öbe 25 hie, und no paar imne luxusresort wome nid cha zahlä (600.- pro nacht??)

    Und ja, z hostel.. es isch plütterheiss, u stinkt. U me mues 15 minute loufe zum usgangspunkt und restaurant. Was weme so vergesslech isch wi ig no zum grösser nachteil wird: wi mängisch i die strecki bi gloffä wiui z.b. d stirnlampä vergesse ha 😅
    Und mit mim orientierigssinn hani mi bim erste mau 3x verloffä 🙈

    D luftfüechtigkeit hie im dschungu isch zwüsche 80-100%, me isch permanent pflotschnass.

    Ah u ä Australier gset us (u beninnt säch) wi Crocodile Dundee, siehe foto 🤣

    U när zum eigentlichä: hie isch d houbtaktivität trekking gsi. u sache wie Hornbills, wo i dä angere pärk ä säutäheit si gsi, gsetme hie direkt nebem hostel regumässig. Ufgrund vo unendlich viu blueteglä, muesme aber mit längä hosä u spezieuä sockä trekkä, was lieb usdrückt ä chliini pain isch bi denä temperature 🥵
    aber mir hei viu gse, säutnigi vögu, viu affä, inkl. ere art woni no nie gse ha: "Gibbons".
    Mir si viu gloffä, zum teil o off-trail miter macheetä🗡️
    aui wei sooo gärn ä orang utan gse..
    U nach ca. 10 stung heimer no ging kenä gfunge 😪😪😪

    U när doch no d erlösig 😍😍😍😍😍😍 2 orang utans relativ wit obe i dä böim. Es het sogar für paar akzeptabli föteli glängt, trotz dä umständleche bedingigä.
    Aso aus in auem: iz bini sehr happy, nach au dene wildlife misserfolge i denä ferie (ke blauwahl, keni manta rays, ke bird of paradise) het z wichtigste doch no klappet 🙌
    I chas sehr empfehle da here z cho, würd aber unbedingt di türeri version wählä miteme einzuzimmer.    Leggi altro

    Guarda la traduzione
  • Marco Berger2024 - AsienMarco Berger

    Kota Kinabalu & Mulu National Park

    13–20 mag 2024, Malaysia ⋅ ☁️ 30 °C

    Kota Kinabalu isch chli dr Usgangspunkt vom Malaysische Borneo, mit dä meiste destination wo chöi agflogä wärdä.
    Ha mir hie 4 nächt zum Stadt erkunde und erholig gönnt.
    Spezieus hani nid gmacht, z wätter isch o durchzogä gsi: Gwöschet, Kino (Fall guy, empfehlenswärt), Sabah state museum (chame skippä, nur äs skellet vomne bryde whale isch erwähnenswärt, aber wiviu das mitem state vo Sabah z düe het - abgse drvo daser hie gstrandet isch - weisi nid) u Shopping.
    U mau wider Spaghetti gässä, herrlech gsi 🥰 sogar es sri lankanischs restaurant hani gfunge, es isch immer no sooo fein, glichi stuefe wi indisch.

    När bini i Mulu Nationpark gflogä, ja, scho wider müesse flüge 🙈 git ke angere wäg inä.
    Isch aber nur 1h gange miteme chline flüger. Drfür bini zerst mau is schwize cho mitem flüge 😂 zu legere agreiset, u woni icheckt ha bini scho 15 minute nach boarding time gsi, u no dürd security müesse. Aber flüger het verspätig gha 🙈 när hani ewig gwartet 😂 im flüger si sage und schreibe 14 lüt gsi 😂

    woni d ungerkünft agluegt ha, hani viu eifachi homestays gse, und eis luxus 5* resort. Und ja, iz hani mer das mau gönnt, wiui gad ke lust uf schwize, ke empfang usw. gha ha. Aber het haut 5x meh kostet aus di angere 🙈 drum bini nur 2 nacht blibe. Si heimi no ine nechsti kategorie upgradet gratis, hei nid so viu gest gha.

    I däm park isch d houbtaktvität Höhläbesichtigung. Es git 4 wo eifach erreichbar si, die hetme mitere gfüehrte tour müesse bueche. Bim erste muesme zersch 4km düre jungle trekkä zum iigang, u es het gschiiiiiffet in strömä 😂 d rägächleider hätti chönn dehei la, hei nüm gnützt. Aber isch ä nice'i abwächslig gsi, bi froh hets grägnet 😜

    Eini drvo het di grössti Höhlechammerä vor Welt beherbergt, riiiisig 😱🤩

    Fötele ir höhli isch nid mini sterchi auerdings 🙈

    Ufem wäg zum flughafe hani ä luschtigä fahrer gha, woni gseit ha dasi vor schwiz bi, heter gmeint au sini angere gest vor schwiz sige au viu grösser aus ig, u ner heter immer wider gseit "you're so small, other swiss so tall". U immer meh afa lache biser fasch nüm het chönne fahrä 😂😂

    U im park isch uf dä toure u o ir nöchi vom hotel no ä Chines wo in Malaysia gebore isch und ir USA läbt umeglungeret. Cheib het AUS gfiumet, stunde! U d höhline (80m höch zum teil) mit dr taschelampe vom natel wöue belüchte 🤷 u miter angere hang heter ä taschelampe gha woner di ganz zit umegfuchltet het u aune is gsicht zündet, es isch müehsam gsi 😂 bim znacht bini no zunim ghocket, dr riis woner mit vouem muu unverständlech gredt het, isch bis zu mir gflogä 🤣
    Är seit, er wüss nid wime z natel am pc aschliesst, drum choufter immer es neus natel wenn sini videos ds natel gfüut hei, er het momentan 7 smartphones, u jederzit 2 drbi 😂

    Si no ane Penan-märit, ds isch z volk wo bruno manser isch gsi. Aber eher ä touri falle gsi, vo dä true-ä dschungubewohner gits schins mittlerwile no weniger 300, u die zie immer witer.

     Ir höhli si schiins 5 millione flädermüs, wo bi guetem wätter in schwärmä useflüge. Das chame beobachte, het aber 2 alöif brucht (2 tag jeweils 7km z fuess) wägem rägä.

    När bini bi guetem wätter - zum glück wiu schüsch flüge si offebar nid - wider uf kota kinabalu gangä. Ir nöchi vom flughafe übernachtet um hüt am morge am 6i uf Taiwan z flüge 🙌    Leggi altro

    Guarda la traduzione
  • Marco Berger2024 - AsienMarco Berger

    Borneo | Malaysia / Verdikt

    20 maggio 2024, Malaysia ⋅ ☁️ 26 °C

    Borneo hetmer super gfauä, vorauem aus destination zum tier beobachtä.
    D lüt si o sehr fründlech u 0 ufdringlech, wime witerwile weiss es rise plus bi mir ;-)

    Z Ässä isch nid sonderlech guet, aus chame nid ha 😅

    Menschen: 9
    Kultur: 8.5
    Essen: 5
    Natur: 9.5
    Temperaturen im April: 8

    Total: 8.5

    Ausgaben pro Woche exkl. Flüge: ca 700.-
    Ds isch eher höch, aber gschuldet dasi fasch aus mit gfüehrtä toure gmacht ha. Vorallem iz Danum Valley z ga isch recht tüür.

    Highlights:
    - Orang Utan
    - Kinabatangan River
    - Kuching    Leggi altro

    Guarda la traduzione
  • Marco Berger2024 - AsienMarco Berger

    Taipei

    20–22 mag 2024, Taiwan ⋅ ☁️ 28 °C

    Am morge am 3 ufmüesse füre flug nach Taipei, Taiwan 😴
    Ir Stadt hani 2 nächt buechet, u bi begeisteret 🥰 bi fasch aus z fuess ungerwegs gsi u het so viu sache, vorallem ässä, woni probiert ha, oder hät wöue, aber dr buch isch z vou gsi 😂
    Ha aber müesse feststeue, das hie 99% vo de lüt kes Wort englisch chöi, was ungwohnt und chli müehsam isch: mit google translate loufe au konversatione ab. Machts nid besser weme z alphabet nid cha entschlüssle 😂 wenigstens zahle füre priis si vrständlech 😜
    Hie isch aus chli türer aus i de länder zuvor, aber nid europamässig, und z esse isch relativ günstig.

    Am erste aabä bini ane Night market zim öbis snacke, u dürne riise zuefau hani ä Kanadierin troffe woni bire wanderig in Sri Lanka ha lehrä kennä 😂 hallelujah öber wome cha redä 🫡 hei am nechste tag nomau ä wanderig gmacht zum elephant mountain, ussichtapunkt über d stadt. Ah u no ä nationauspezialität probiert "Stinky tofu". Fermentiert, es es mit abstang z hässlechstä woni je gässä ha, respektiv probiert z ässä, ha ke biis abebecho 🙈 adje merci, einmal und nie wieder.

    Di angere sache woni bis iz gässä ha si aber super gsi 👍

    Ah u temple bini ono ga aluege, obwou i eigentlich z gfüu ha i ha iz de gnue gse 😂 die hie si aber zum teil recht massiv grösser aus i dä vorherige länder 😱

    Ah u übernachtet hani imne hostel, zum chli sparä. Und i mues zuegä, es isch gar nüm sooo schlimm mittlerwile😅 isch aber es recht subers u pingeligs hostel gsi, mit hunderte vo reglä . Ha uf mim dusche woni nebem bett here gleit ha ä chläber gfunge "Misplaced item. Found at 15:30" 😂 buess hets aber keni gä 😜    Leggi altro

    Guarda la traduzione
  • Marco Berger2024 - AsienMarco Berger
    Ci'en pagoda
    Lukong old streetSun moon lake

    Lukong & Sun Moon Lk / On the road again

    22–24 mag 2024, Taiwan ⋅ ☁️ 23 °C

    Füre rest vo Taiwan hani mer es auto gmietet, das bini am morge ga abhole, isch chli usserhaub vom Stadtzentrum gsi, bini no froh gsi zum usefahre 😅 d übergab isch harzig gsi u lang gange, aus mit google hin u här.
    Är redt u redt u redt, ner zeigtermers: "can i see your passport?" Gibinimnä 10 minute speter bechumi nä wider woner gstrugglet het di buechstabe abztippä, u när speter nomau: can i see your passport?😅😂 Mängisch macht d übersezig im app o absolut ke sinn, wahrschinlech uf beid wägä 😂
    Aber het aus klappet u i bi mit liecht erhötem puls ufd strasse vo Taipei gfahre 😅 am erste tag hani mi nur 1isch verfahre, het aber chli zit kostet wiui ufdr autobahn di fauschi usfahrt verwütscht ha🙈
    Id plaanig vo Taiwan hani leider nid auzu viu zit gsteckt, es isch ja o recht spontan gsi. Hetsech när grächt: am erste ort woni übernachtet ha, in Lukong, chame nid viu mache ussert ä Old street aluege, hani gmacht aber di restlechi zit hani när chli tod müesse schla 🤫

    Am nechste tag bini iz landesinnere gfahre, zum Sun Moon Lake. Lut verschidnige guides es must-see. Isch recht touristisch gsi, aber mir hets no gfaue. Wobi dr see an sich isch weme usdr schwiz chunnt eher mittumässig 🙊 drfür viu gueti essensstäng direkt vorem hotel🥲
    Und ä pagodä bini no ga aluege. D Sunne hani bis hie no nie gse, aber rägä in massä teilweise 🙈    Leggi altro

    Guarda la traduzione
  • Marco Berger2024 - AsienMarco Berger
    HostelVertrauter anblick

    Tainan, Kenting & Dulan

    24–28 mag 2024, Taiwan ⋅ ☁️ 28 °C

    Bi witer ar Westküste uf Tainan gfahre, di gloub 2t grössti und eutisti stadt.
    Dert hani mi wider düre nightmarket kämpft u verschidnigs neus esse probiert, nid aus guet gsi😂😅
    Bi ono ga Furiosa im Imax luege, für die wo fury road gfiiret hei: unbedingt luege, isch no besser 🤩
    Einisch churz hani d sunne gse dert😱 aber ja, schüsch rägä oder bewölkt.
    Ha us chöschtegründ wider es Hostel gno, e auti bibliothek wo umfunktioniert isch wordä, d bett si imne büecherregal 😂 aber sehr ruhig u o agnähm gsi, cha fasch nid gloube dasi die zile schribe u ärnst meinä 😂
    Dert bini 2 nächt blibe.
    Ha no ä bar ufgsuecht fürne cocktail, hami dürs menu kämpft u woni öbis usgsuecht ha, het dr bartender z natel gno u minutelang öbis iigä: "can I recommend you a wine that you Americans like?" 😂😂

    När bei Regen ganz i Süde i Kenting Nationaupark gfahre. Ungerwegs wos mau troche isch gsi, bini sit langem mau wider is meer gange 🙊
    Z hotel isch gad am nightmarket gsi.

    Am nechste tag ar Ostküste entlang, bi weni vercher dür schöni gägegende gfahre, teilweise bi rägä 🙌 ah, söti vilech no erwähnä, es isch rägäzit in Taiwan😂
    bi ungerwegs no ines Hot spring resort ga badä, isch super gsi mit verschidnige outdoor beder zwüsche 32-42°.

    Übernachtet när in Dulan, ds hani zuefausmässig aus stop ibout, u hetsech usegsteut dases es surferparadis isch. Dür das hets viu hostels gha wo o chli öbis gloffä isch, ha ner finally mau wider lüt troffä wo änglisch chöi u chli philisophiert 😂 z hotel isch rächt übel gsi, aber recht günstig mit 18.-    Leggi altro

    Guarda la traduzione
  • Marco Berger2024 - AsienMarco Berger
    So wärs mit sicht2

    Hualien & Taipei

    28–31 mag 2024, Taiwan ⋅ 🌬 24 °C

    Bi när richtig grösserem Ort ar Ostküste, Hualien. Ungerwägs (bi horrorwätter, siehe video) bini über ä bekannti brügg, wosmi fasch drabgluftet het 😂 di erste paar minute bi strömendem rege denki ging "scheisse, hoffe mini schue wärdä nid z fest nass", nach witere 5 minute loufi direkt dürd glunggä wius eh ke roue meh spiut 😂😂
    I gloub bi schönem Wätter wär ds sehr schön, ou ir region, ufgrund vom näbu gseni o schüsch nid viu 🙈

    Uf Hualien geitme im Normaufau, für i Taroko Nationaupark z ga. Dä isch leider aber recht zerstört worde vo dä erdbebe, u lut offizieuer website raatä si vo nid zwingende gründ ab inä z ga. De hanis la si.. u ha 2 gmüetlechi täg ir stadt gmacht, gässä u chli ga loufe (wider komplett verschiffet wordä). Ah und French Open gluegt ;-)

    Apropos erdbebe, jede tag gspüri 2-3 nachbebe, 2 drvo si einigermassä heftig gsi.

    Di einzigi strass ar ostküste wo zrügg uf Taipei geit isch ou zimlech in mitliideschaft zogä wordä vom erdbebe, dert wird no viu repariert u d strass isch nur 5h pro tag offe, jeweils 1-2h übere tag verteilt. Si heimer nid gnau chönne sägä, wo de dä checkpunkt isch wo ds fenster zeut, u de bini relativ früe losgfahre, u när logischerwiis recht lang dert gstangä🙈 bir fahrt härä ischs aber guets wätter gsi, und de hani festgsteut dases würk wunderschön wär hie 😱😂

    Bi när sidefiin z outo ga zrüggbringe, ke einzigi bränzligi situation gha, i häts nid denkt💪🤫

    Iz bini nomau ä (haubi) nacht in Taipei.
    am 4i bini z "zmittag" ga esse i Vege creek, @julien, würk geil 🥲 u am 7i när ines westlechs restaurant, wiui mau abwechslig vo dä noodles brucht ha. U dert hetmä mit bsteck statt stäbli gässä, ha müesse lachä wi si gstrugglet hei, u nä d spaghetti ab dr gable grütscht si. Wi bi mir ds riis ab dä stääbli 😂

    Mues am 2a.m. uf für i flüger nach Fukuoka 🫡    Leggi altro

    Guarda la traduzione
  • Marco Berger2024 - AsienMarco Berger

    Taiwan / Verdikt

    31 maggio 2024, Taiwan ⋅ ☀️ 26 °C

    Annektote vom hostel die nacht: dr horror gsi, es isch recht usbuechet gsi und wiu ig am 0230 am morge ha ufmüesse bini früe ga ligä, mit schlaf isch aber nüd wordä wiu die im zimmer i eirä lutsterchi bis am morge am 2 gschnurret hei 😡

    Äs spannends und schöns land mit viu (u guetem) Vegi -food.
    D sprachbarrierre und s schlächtä wätter hei z ganze aber chli trübt. Isch schad, hät gern chli meh vor natur gse. Vor paar tag hani no ä doku gse vo Pangolins in Taiwan, dr dschungu het hammer usgse, vermisse ne scho chli 🙊)
    Aso empfehlenswert sehr, aber eher nid aus solo-traveller. Und göt nid ir Taifunsaison 😂

    Menschen: ?
    Kultur: 8.5
    Essen: 7.5
    Natur: ?
    Wetter im April: 3

    Total: 7.5

    Ausgaben pro Woche exkl. Flüge: ca 800.-

    Sicher mitem Oman zämä z türste land bis iz, z ässä isch einigermasse günstig (ca. 7.- pro Meal), d ungerkünft eher chli türer (25-50.-), und i hamer haut o es auto gönnt (35.-/tag) 😜 benzin isch ca. 70.- pro volle Tank.    Leggi altro

    Guarda la traduzione
  • Marco Berger2024 - AsienMarco Berger

    Fukuoka I / こんにちは

    31 mag–14 giu 2024, Giappone ⋅ ☁️ 17 °C

    Japan, after all 😍
    Start isch in Fukuoka, ä ruhigi Stadt woni 2 wuche ire sprachschuu probiere d basics ufzschnappä.
    Aus vorbereitig heisi mir 2 basis alphabet (Hiragana & Katakana) und paar pdf gschickt. Die hani iz über öbbe 6 wuche immer wider chli glehrt, und i gloub langsam hani sä intus, z läsä isch aber no chli träg 🤣 u d ussprach, äuä dr horror 🙈

    D schuu startet aber ersch am mäntig.
    ds wucheend hani gmüetlech wöue nä, u am samsti bini ines Irish pub woni hurti 1-2 bier ha wöue nä u e pizza ässä. No bevori öbis ha chöne bsteue bini vo 2 abgfange u überredt worde i sone Karaoke koje z ga, isch ä langi u luschtigi nacht wordä , so loufts wemes nid erwartet 😂

    No zu wiso i die schuu bsueche:
    - Näbst dütdsch u englisch isch japanisch
    sicher di sprach woni im alltag am ehnste no konfrontiert wirdä, (ja.. anime 😂)
    - Mis hirn mau wider chli bruche
    - mau lenger amne ort blibe ohni dases längwilig wird (hoffentlich)
    - im land wo gloub nid so viu englisch gredt wird vilech o ohni google translate chönne fragä, wo das z wc isch etc.

    Leider isch dr ert schuutag id hosä, di liebi frou woni per mail immer kontakt ha gha, het mi vergesse z informiere, das dr ungerricht am 9i am morge, statt am 1 am namitag startet. Si hets gmerkt am 11:30 am mänti, u gieng bisem 12:20.. i bi när glich no gange, bi öbe am 11:45 dert gsi. Ineghocket, när hetsi mehreri wörter hingerenang greit woni nid verstange ha 😂 wi dr blick woni gerntet ha, woni ir BMS ir erste lektion ha gseit "i versta kes wort" im französisch ungerricht 😜
    Si het ä chlei änglisch chönnä, u häb chläb hani chönne fouge um wases geit 😂
    No 2 büecher becho, di hani so haub probiere z dürearbeite bis zum punkt wo di angere si cho zum ufholä.
    Mir si 4 ir klass, de chunntme relativ schnäu wider dra zum vorläsä (leider oder zum glück? I weisses no nid 😂). Aber di angere si vou easy vorallem ä dütschä.

    Lehrer isch jedä tag ä angere, dä womer morn hei cha schiins ke englisch 🫠

    Mit jedem tag schuu, bini weniger drus cho 😂 i ha zwar einigermassä chönne fouge, aber uf när abgänderti fraagä u so hani oft nid gwüsst wie antworte. Finges aber völlig ok, in anbetracht dasi mit abstang am wenigste vorwüsse mitbringe 😂

    Am mittwoch aabä heimer mit 2 "klassä" iz karaoke wöue. Nachdem si lang diskutiert hei wo ga ässä u ner no imne arcade si blibe stecke si plötzlech au hei ussert dr dütsch, hei när no chli witer gamet (hase vermichtet im mario kart und imne tanzspiu 😂)😆

    D stadt säuber isch eher ruhig, miteme riisigä restaurant pro quadratmeter ratio 😂 z ässä dünktmi recht priiswärt, hät denkt dases dütlech türer isch.

    Ha no es Velo gmietet (git es app wie fürd trottinet) und bi zum meer gfahre wo z wucheend am friti nami agfange het 🥳    Leggi altro

    Guarda la traduzione
  • Marco Berger2024 - AsienMarco Berger

    Fukuoka II / こんばんは

    13 giugno 2024, Giappone ⋅ ☀️ 28 °C

    Am Samsti hani mi ufne haubtagesusfluug gwagt, bi nach Dazaifu gange. Hetmer ä Pol empfohle woni am friti imne Irish Pub troffä ha.

    D areis isch erstundlech eifach gange 😅

    Dert hets paar tämplä und hügle. Isch rächt touristisch gsi, dür das hani nid gueti SHOTS chönne mache. Bi när ono ga wandere, respektiv has probiert. Mini fitness isch äuä ATL😅, bi nid wit gange. U het ono afa rägnä😓
    Aber isch glich schön gsi.

    Am aabä isch ä ustuschevent gsi wo d schuu organisiert het, zämä mitere gruppe Japaner wo englisch lehrä.

    Si ines irish pub. Ä japanerin het womer diskutiert hei wär was schaffet gseit, dassi game designer isch, da bini liecht häuhörig worde u ha gfragt für weli bude.. si schaffet für From Software 😱😱🤩🤩 bi richtig im hype gsi, wiusi zur zit di beste games produziere wos git 😍😍 Si hets aber gloub nid so chönne nachvouzie, dasi reagiert ha aus hätti dr Messiah troffä 😂

    Nach em Pub simer no witer aber immer meh lüt si abgsprunge, am 3a.m bini när o hei u dr dütsch isch alei no witer ine klub 😂

    D schuu isch immer wi asträngeder wordä, ha jede nami müese repetiere und vorschaffä 😅 Iz bini de froh wens düre isch, wiu z tempo ischmer z höch. Vilech fahri de dehei no witer, tendiere zumne ja.

    Am mänti när Malmö troffä 🤩 Isch eher schnäu eskaliert mit paar japaner wonis Highballs zaut hei 😂 (und si hei food gässä wosnis scho bim zueluege isch schlächt wordä)

    Am dsischti aabä no Spontan ä baseball match ga luege, Fukuoka SeaHawks gägä.. irgend ä angeri mannschaft 😂 super erläbnis gsi, viu besser aus i dä U-S-A.

    Fröiä mi iz uf wider abwächslig u z 2t Japan z erkundä 😉

    Morn nach dr schuu gömer uf Hiroshima.    Leggi altro

    Guarda la traduzione
  • Marco Berger2024 - AsienMarco Berger

    Hiroshima

    14–15 giu 2024, Giappone ⋅ ☀️ 29 °C

    Nach em letschtä schuutag Malmö am bahnhof troffä u ner mitem Shinkansen nach Hiroshima gfahre. Wi locals heimers gmeisteret mit tickets choufe und zug finge (inkl. Bentobox)😜

    Mir si rächt spät dran gsi u hei glich no wöue miter fährä zu dä shrines ga. Isch zitlech super ufgange u hetsech sehr glohnt 😍
    am aaabä no i Arcades ga game u is 🍻 ah und Okonomyaki ga ässä, uuungloublich Oishii (delicous) gsi 🤤🤤

    Am morge när no viu Schritte gsammlet bim bsuech vom Park, Castle und Atombombe memorial, sehr iidrücklech gsi.

    Next stop: Osaka    Leggi altro

    Guarda la traduzione
  • Marco Berger2024 - AsienMarco Berger
    Kyoto
    Osaka1Het probiert gumpibäueli z fischs, ohni erfolg 😂NaraRyokan ungerkunft

    Osaka,Nara & Kyoto

    15–19 giu 2024, Giappone ⋅ ☁️ 30 °C

    Mitem Shinkansen nach Osaka. Cheibä si no tüür, aber sehr schnäu 🫡

    Ir "plaanig" hani googlet obs öbis final fantasy mässigs in Japan git: es git 2 Eorzea cafes, 1 in Osaka u 1 in Tokyo. 😍
    Hei ds in Osaka bsuecht, hetmer gfaue, aber wahnsinnig spektakulär ischs nid gsi, u dr food eher unger durchschnitt.
    Drfür isch FF14 musig gloffä 🤩
    När simer desumegstoglet u si per zuefau ine bar wo mit "Doll bar" isch agschribe gsi😂 dinnä hets vou puppä gha u d lüt wo dinn si gsi si au fanatischi fans drvo, heisä zum teil o gstriichlet u d haar büschelet 😂👏

    Übernachtet in Osaka heimer (2 nacht) imne capsule hotel, sehr ruhig u gmüetlech gsi u super glägä im zentrum (busy area @jönu 😜).

    Dert simer no ines Onsen spontan nachem Sightseeing, isch super gsi, riisig mit viune beder, eifach zum teil fasch zuu heiss mit 42° wasser 🥵🥵

    När mitem Zug mach Nara, isch vo mim ungermieter empfohle worde. Dert hets ä grossä park mit unzähligä Hirschä, wome mit kracker cha fuettere 🙈 vorallem d ching si im hype, zmingst bis d hirsche chöme u sä biissä u a dä chleider zie wiusi meh wei, de grännä si när 😂😂😂😂
    Hetsech glohnt u isch meh oder weniger ufem wäg nach Kyoto gsi.

    Ner 2 tag Im Kyoto. Hei e traditionelli show bsuecht mit verschidmige churze uffüehrige inkl geisha show. Ha tickets mit "Teezeremonie" kouft ohni z wüsse wases isch. Womer si ine cho heisi üs agstart u glachet 😂 när heimer o usegfunge wiso: si hei bi üs no e tisch härägsteut und ä aleitig gä, wimer dr tee womer ir uffüehrig serviert bechöme müesse trinke, inkl "2x die tasse im uhrzeigersinn drehen" - hochkomplex 😂

    Si ono mau ines onsen bi durchzogenem wetter, sowie ga shrines bsueche.
    Am aabä no ine rooftopbar 🐅 und ines persisches restaurant wo Malmö sini karaoke künst entfesslet het 🎤

    U jede tag ufs nöiä pusche mir üs zum probiere dä tee wos überau git gern z becho, bisher ohni erfolg 🫣

    Next stop: Tokyo    Leggi altro

    Guarda la traduzione
  • Marco Berger2024 - AsienMarco Berger
    Steins gate, too-too-roo 🎤Alphinaud 🤩Ooooooo ooo oh oh ooooo 😂😂Cat cafeAbschiedsgetränk, mega-grapefruit 🫡🥲

    Tokyo / Spass & Abschied

    19–23 giu 2024, Giappone ⋅ ⛅ 28 °C

    Gueti 3 stung im zug speter simer in Shibuya, Tokyo usgstige und hei aus ersts gad dr Shibuya crossing überquert. Chli müehsam gsi mitem gepäck aber ungerwegs scho viu spannends gse ufem weg zum hotel.

    In unsortierter reihefoug heimer
    - Katzencafé bsuecht, es kafi wome chatzä cha strichele u fuettere, d chatzä düe eim aber chli leid, hei äuä ke ruhigi minute..
    - diversi arcades bsuecht und mehrmaus vergebens probiert mit dene griifzangene öbis use z fischä 😂 (und bisher bini ungschlagä i dä tanzspiu 😜)
    - 2x in Akihabara unzähligi lädä mit spielware, figure, toys usw. dürschnöigget
    - 3h Karaoke gsunge z 2t ire privatkooiä damit ds niemer mues aalosä, sehr luschtig gsi 😂 🎤🎤
    - mehreri rockkonzert imne chliinä lokau
    -Bad boys imne imeeens grossä Imax ga luege (recommended)
    - chlini bar bsuecht wosi japanische songs gsunge hei
    - imne vergnüegigspark es horrorhuus bsuecht, zimlech lame gsi 🙈
    - nebstem uber ou viu gloffä und ds schrittziu mehrmaus erreicht 😂

    Nach 4 nächt tokyo isch när Malmö wider richtig schwiz gflogä, hei ä super lustigi zit gha, gerne wieder mau so öbis 🤭

    Vor paar wuche, woni die iz abrechendi zit plaanet ha, ha ig bim tv luege (Samurai champloo) vom pilgerweg "Kumano kodo" ghört, u machem google bini im hype gsi u denkt das machi de nach Tokyo. Ha o aus buechet u plaanet, aber ei wichtige fakt hani nid prüeft 😂🙈 dä wird eim vor ouge gfüehrt weme "regenzeit japan" iigit. Die isch i.d.R vo afang / mitti Juni bis mitti Juli, und offebar würk sehr regnerisch jede tag. U denn ratä si o vom Kumano kodo eher ab, u uf das hani würk ke lust gha drum hanis storniert.

    Aber d regezit isch dieses jahr extrem spät, si het gloub no ging nid richtig gstartet. Drum blibi glich no chli lenger in Japan, witeri 5 tag gani i Onsen gebiet im süde, dert ischs ländlicher (ok, äuä aus isch ländlecher aus Tokyo, aber dir wüsst wini meinä 😜)    Leggi altro

    Guarda la traduzione
  • Marco Berger2024 - AsienMarco Berger

    Atami

    23–25 giu 2024, Giappone ⋅ ☁️ 26 °C

    Ha googlet wome gäbig vo Tokyo härächunnt unds onsen het zum chli chillä usserhaub vode grossstedt.
    Ha 4 tag (je 2 nächt) in Atami und Hakone designet.

    Bisi ds richtige zugticket ha gha und dr richtig zug gfunge ha ischs eeewigs gange, richtig gstrugglet 🙈 aber nach de startschwirigkeite ischs gange.

    Im erste hotel ar küste in Atami hets onsens gha wome online zur privatnutzig cha reserviere, het eis ufem dach gha woni buechet ha, aber es isch soooo heiss gsi, i ha nid inechönnä 😂 chli d füess drinne gha u si si fürroot gsi 🫣
    Äuä irgendwo bi 46-48°.

    Bi no chli d umgebig ga aluege und zumne castle miteme cablecar.

    Z wetter verhet bis iz 🫡    Leggi altro

    Guarda la traduzione
  • Marco Berger2024 - AsienMarco Berger
    D influencer am aasta hinger dran 🙈
    LootMount Fuji im Hintergrund

    Hakone

    25–27 giu 2024, Giappone ⋅ ☁️ 25 °C

    När mit 3 züg ids landesinnere, Hakone. Bi scho bim sueche vom hotel überrascht gsi wo gross ds isch, und dr ort woni ha usemüesse heisst Gora, aso isch hakone äuä es gebiet 😆 aber bi nid sicher 🤭

    Hie hani mi aber richtig wou gfüut, viu hügle, gwässer u eher ruhig (aber viu touris).
    Bi zumne see gfahre woni es Pirateschiff buechet ha (1. Klass - Gönnung).
    Het a 3e orte gstoppet u me het hop-on hop-off mässig drabchöne u speter ufnes angers. Bi drab u ha gondlä gse, u die gno zumne aktive vulkan. Dobä häts trails gha, aber di si zue gsi wäg zu starchem sulfur-gas. Aus Ijen-veteran hätti das sicher überstangä 😜
    Dobä hani gmerkt, dasi viu eifacher dert härä wär cho weni praktisch vor dr ungerkunft ä cablecar gno hät (siehe umwäg uf dr gps map).
    Egau, wider abä u witer mitem schiff. D strecki zwüschem 2. & 3. Schiffsstop bini gloffä dürne ruhige park. Krass wi viu weniger lüt dases het, wenme sech me aus 200m vo dä busstopps wägbewegt, wie i dä USA 🤔

    Gester hetmer einä no ä onsen empfohle, dä hani när agstüret nacheme richhautigä zmittag usem 7/11 🤭

    Hetsech glohnt, herrleche outdoor onsen mit ertragbar warmem wasser (43° C), isch o dr erst woni bis iz gse ha, wo tattoo-fründlech isch, drfür erntet er aber uf google maps vo tattoo-hasser aber o kritik 🙈
    Dinn isch no e erklärig ghanget, wiso das tattoos ir regu verbote si, und wiso si finge hie nid. Aber d gründ hani nid ganz chönne nachvouzie 😅

    zum abschluss gits hets no ä Pizza gä, dr japanisch food ischmer langsam verleidet 🙊

    Apropos food: leider hets in onsen ono ä waag gha, u i ha müesse prüeffe wiviu zoll dasi mues zahle bis iz: 6kg 🙈🙈🙈

    Iz bini wider in Tokyo u morn flügi nid id USA, sondern id UAE 😜    Leggi altro

    Guarda la traduzione
  • Marco Berger2024 - AsienMarco Berger

    Japan / Verdikt & Ungeplan. Zwischenstop

    28–29 giu 2024, Cina ⋅ ☁️ 33 °C

    Japan hetmer super gfaue, i fasch aune belange sehr angers aus die angere uf dere reis bsuechtä länder.
    D sprachschuu isch es sehr guets erläbnis gsi woni wider würd machä, d reis mit Malmö isch super gsi und die abstrusä shops, cafés, arcades und karaoke lö la drüberwägluege dases, zmingst was ig gse ha, landschaftlech & wildlifemässig nid soo viu z biete het.
    Kultur isch sicher gwöhnigsbedürftig, u ha scho vo lüt ghört dases aus störend isch empfunge wordä, mir hets nüd gmacht. Mitem wätter sicher sehr glück gha, das d regesaison bis zur abreis immer no nid richtig igsetzt het.

    Menschen: 9.0
    Kultur: 8.5
    Essen: 8.5 (okonomyaki vor allem🤤)
    Natur: 7.0
    Wetter im Juli: 7.5

    Total: 8.5

    Ausgaben pro Woche exkl. Flüge: buuchgfüu würdi sägä 800.-

    Für uf dubai hani e stopoverflug gha wo zitlech knapp bemesse isch gsi, aber di einzigi verbindig wo nid tür und zu unzite isch gsi, und am nöchere vo de beide flughäfe in Tokyo.
    Het aus tip top agfange u mir si pünktlech ufd abflugsbahn grollt, u ner si d lüt hektisch immer hin u her u au hei hingere gluegt, de hani gse das ä junge typ hinger mir bewusstlos isch wordä. Ha gstuunet wi langs ner isch gange bissi mitere durchsag nacheme doktor gfragt hei. U bis er duss isch gsi usw. isch so viu zit vergange das klar isch gsi dasi dr aschluss verpassä. De bini 24h in Guangzhou, China gstrandet gsi.

    Z beste drus wöu mache aber aus in auem ischs sehr müehsam gsi, me cha nienä mit kreditkarte zahle, o nid im 7/11 u im flughafe o nid 🙈 ds hotel, esse und transfer isch zmingst vor airline überno wordä. U cash usela bi 24.- gebühre mit dere kreditkarte woni no ha ischmer z blöd gsi. Drum hani mi mit stillem wasser düregsücht 😂🙈 d lüt mit 1e usnahm würdi aus unfründlech und unhiufsbereit betittle, sorry 🙈
    U zum glück bini ging mit mim Wireguard VPN zum Talgut verbunge 😜

    Mini Verdikt zu China: i bi froh chani wäg 😂

    Iz warti nomau ufe flug.
    Z touche woni in dubai hät wöue mache keit is wasser wiui iz nüm gnue lang dert wirde si zum dörfä touchä (24h vor u nacheme flug darfme nid).    Leggi altro

    Guarda la traduzione
  • Marco Berger2024 - AsienMarco Berger
    Etiopischä food #1

    Dubai / Lost baggage & extreme

    30 giu–3 lug 2024, Emirati Arabi Uniti ⋅ ☀️ 38 °C

    Dubai. Wi bini druf cho? I ha gluegt wini langsam zrüg mach Europa cha traversiere ohne ä zu längi reis z ha. Viu flüg agluegt u di meiste flüge via Dubai oder Singapur. Chli googlet u när buechet.

    Initiau wäre 4 nächt planet gsi, aber si haut när (leider) nur 3 wordä.
    U glich ischs dr lengst flug gsi mit 7.5h bis iz (und wird dr lengst blibe).

    När isch mini befürchtig wahr wordä: mis gepäck isch nid aacho 🙈 has z china nid becho, si hei gseit es wärd am nächste tag automatisch ufd umbuechig icheckt. Ha denn scho vor geistigem oug ds lärä gepäckband gse 😅

    Bi zum schauter ga luege obi sone report cha usfüue: wartezite vo gschetzt 2h. Nei merci, scho gnue gstresst u müed acho, dasi mi entschide ha eifach iz hotel z ga u mis glück per mail z versueche. Es riskants ungerfange bire airline wo nid dr best ruef het (China southern).
    Long story short: am aabä vor em witerflug hanis effektiv am flughafe chöne ga abhole, hätti nüm dra gloubt. Einigi neui chleider usw. hani aus ersatz müese choufe, und ä witeri stung vertubblet wiu offebar ä fähler im KPT system drzuegfuehrt het das mini reiseversicherig nid isch abgschlosse wordä 🤔 aber zaut hanisä, telefonisch müesse flickä 🥵 ha nüm mögä 🫠

    Soviu zum negative.

    Dubai isch hammer geil 🤩 chunnt äuä id top 5 vo dä stedt.
    Überau steit u sägä si: "the worlds largest xy" mit völlig abstrusä sache, wie "dr grösst bilderrahme vor welt" - wo begehbar isch mit 150m höchi.

    Am erste vou tag hani ä hop on hop off tour im moderne Dubai gmacht bi sengender hitz. mehrmaus hani müesse sägä "unbelievable was die da ir wüesti i bode gstampft hei😍😅"

    Einisch hani es geböide gse woni denkt ha "wow, was isch äch das?". Es isch es spitau gsi 😂

    Am 2e tag bini wider mitem hop-on bus i äuter stadtteil inkl. Autstadt. Dert hetsmer sehr gfaue, aber chli müehsam gsi mit dä verchöifer womer aus hei wöu adräiä (womer einä 50g paprika für 25.- het wöu verchoufe hani scho recht müesse lachä).
    I bi 1h gloffä u ha nüm chönnä wäg dr hitz bi 40°, am schluss bini am bodä glägä wiui so kabutt bi gsi (ha leider o nüd z trinke drbi gha)😂 aber när druf higwise worde dasme das nid macht 😅 Offebar geitme aber o nid im hochsummer uf Dubai 😅 ds erklert o di sehr günstige luxushotelpriisä, ha 40.- pro nacht imne 4* hotel zahlt.

    Z ässä isch mit orientalischer chuchi unbelievabli fein, sit afangs reis hani immer widr mach Äthipischä restaurants gsuecht, u iz endlech eis gfunge, es het nid enttüscht😍 bi 2x gange, u bim erste mau hani ä Amerikaner troffä womi gad iiglade het, u mir no äthiopische kafi wöuä gä zum probiere, ha gad 5 tassli gsnackt 😂 nid verwungerlech, bi mir aus kafikenner & liebhaber 😜

    Nomau long-story short: i würd gern lenger blibä, aber wirdes sicher nomau ine reis iiboue.    Leggi altro

    Guarda la traduzione
  • Marco Berger2024 - AsienMarco Berger
    😍
    Wednesday, Nevermore academyDrakulaWanderig

    Rumänien

    2–8 lug 2024, Romania ⋅ ☁️ 24 °C

    So nach emne 5.5h flug imne horror-chliinä sitz bini in Bukarest, Rumänie aacho.

    U bereits am erste tag hani gmerkt, dasi mit 3 Nächt ir stadt ä fähler ha gmacht - z lang 😂

    has gmüetlech gno u chli di kommendä täg plaanet, Le TOUR und Wimbledon gluegt u fein gässä: Sarmale, Rumänischi Chabis-Rollä. UNBELIEVABLE fein. Eifach dr gross nachteil: äs wird mit Polenta serviert🤮🤮🤮

    Am 5. Juli hani när mis buechte Outo chönne abhole. Isch ä müehsami gschicht gsi.. dä typ vor vermietig het mir nid wöue gloube, dass mini MasterCard ä kreditkarte isch.. grund: es steit nid uf dr chartä säuber, dases ä kreditkarte isch. de chönts nach ihm o ä debitcharte si. Das ig sicher bi, dases ä KK isch, ischim relativ egau gsi. Är het gseit ohni das igs cha bewiisä, bechumi kes outo 🙈 d damä ar leitig vor KK firma het sone blödsinn ono nie ghört.. nachdem ig ihm i aune details d website vo swisscard zeigt ha, heters du widerwillen la düre ga🫣 är hetmer aber es 2'500 euro deposit abzoge, u irgendwie hani z gfüu das wird no müehsami konsequenze ha, dasi das geld wider bechume. Vorallem wiu dr charä 1000 chräblä scho het uz dokument wo die beschribt cha niemer entziffere..

    När bini us dr stadt wäg, miteme rise umwäg wiui 2 usfahrte verpasst ha.. immer am afang imne neue land bini nervös u finge mi nid so z rächt 😅

    Isch aber schneu besser wordä.
    Ungerwegs bini per zuefau am schloss verbi gfahre wosi Wednesday dräit hei, hani auso müesse ga uscheckä 🤩

     Z nechste ziu isch när z Drakula Schloss gsi. Sehr überloffä, und vo ussä wärs nid so öbis spektakulärs, weme nid wüsst das dr einzig wahr Nosferatu drin gläbt het 😜🤪

    Woni vo dert wäg bi, hani no 2 hitchhiker mitgno wo am gliche ort hei härä müesse.

    Nach total 4h fahrt bini in...
    iz muesi hurti luege wo acho, bi hingerdrii mit schribä 😂😂
    ...in Brasov aacho

    Gfautmer aus viu besser aus budapest 😍 härzigs stedtli.. am aabä no ga d EM matche luege. Mi erst berüerigspunkt mit dere meisterschaft.
    När im hype ines indischs restaurant.. ha dr kellner überzügt, dasi wüürklech scharf cha ässä.. är hets ä bitz zuärnst gno, u 6 haubi ghost pepper dri da.. mi buch het am morge (gar) ke fröid dran gha 😅

    Nechst tag: wider 4h reini fahrzit bis uf...Hunedoara. dert hani no z schönste schloss besichtigt woni bisher je ha gse 🤩
    Zmingst vo ussä, vo inne.. chame o skippä, si au immer chli glich 😅 het no ä kunstusstellig dinne gha, d künstler si mit azug dinne gsi, wobi i anhand vo dä bilder nid sicher bi obsä äch ihri ching gmalt hei 😅

    Nechst tag: 3h fahrt nach Baile Herculane. Ganz chlises dörfli imne Tal. Bi ga wanderä resp. Has probiert.. total 2h, 8km u 450hm hani gschafft.. Fitness=0, und drzue hani o dr weg nüm gfunge wos witer wä gange 😂 guete moment zum umcherä.

    Morn fahri bereits nach Serbiä    Leggi altro

    Guarda la traduzione
  • Marco Berger2024 - AsienMarco Berger

    Serbien & Mazedonien I

    8–13 lug 2024, Macedonia del Nord ⋅ ⛅ 29 °C

    Am nechste Tag bini relativ schnäu überd Grenze nach Serbie. Sofort faut uf: hie fahre si nüm wi di hohlä (sondern sehr aständig) 🙊 und viu weniger vercher.

    Bi uf Nis gfahre, e Stadt scho eher südlech in Serbiä. Chli sightseeing und per zuefau gad amne Tag wo Djokovic in Wimbledon match het gha dert gsi, de hani mi zur abwächslig mau wine Djokovic fan verhaute u ha a eim vode zahriche orte wosinä zeigt hei match gluegt 🙊

    Nechst tag witer i süde gfahre u zmittag gesse in Vranje. D lüt allgemein heimi sehr fründlech dünkt, ou hie im Kontrast Zu Rumäniä wome im Uber ir regu kes wort usem fahrer cha chützlä🫠

    Am nami direkt witer uf Mazedoniä, ewig lang im stou gstange u chli heimat gspürt woni es Berner outo gse ha. Soon.

    Übernachtet ir Houbtstadt, Skopje. Het paar nice'i geböide gha u fürne churze ufenthaut hetsmer gfauä.

    Am morge früe ner i naheglägnig Matka Canyon, einä vo mehrerne tipps woni vo @Livia becho ha ;-)
    Sehr schöns tau gsi u bi ga wandere - no 2 franzosä troffä wo dert wildcampet hei ufem hügu bimne chloster, u a minä Kajakkünst gschliffä 😂
    Hetsech sehr glohnt 👏

    När uf Krushevo driftet, holprigi strass gsi 🫣 schöns, abglegnigs, weniger touristischs bergdorf. Eifach ds checkin hie i de ungerkünft siti im Balkan bi isch sehr müehsam, i liebes weme cha bueche u ner eifach id lobby u 30s speter ds chärtli idä finger het. Hie isch entweder niemer ume u me mues müehsam umetelefoniere u hoffe das öber abnimmt, oder mit x chat nachrichtä gnau sägä wenn dasme de achunnt 🥵

    Nechst tag witergfahre uf Ohrid. Hie blibi 3 nächt. I ha mir es einzuzimmer imne hostel gno wiui verlange ha gha widermau mit öberem lenger aus 10 minute z redä 😂
    Es het nid enttüscht: dr host isch ä komplett verrückte typ womi churz nach akunft gad ufne sightseeing tour mit 2e neue volunteers het mitgno😂 füre nechst tag heter mer no ca. 15 google maps points gsaved🫣😂

    Am tag vor akunft het no z Ohrid summer festival agfange, am erste tag si 2 piani u 1 violinkonzert vo jugendleche ire chiuche gsi, ds hani natürlech müese gse 😍

    Am nechste tag bini schlussendlech ner o fasch au di pünkt abgfahre, u no vomne thurgauer zueparkt wordä, ä richtigä heud gsi 👎

    Hüt am aaabä gits ni es symphoniekonzert imne amphitheater womer gö ga losä, aso zmingst vo usserhaub, wiu dr verrückt typ röit jede rappä 😂    Leggi altro

    Guarda la traduzione
  • Marco Berger2024 - AsienMarco Berger
    Dr verrückt im hingergrund, erinerrt mi a Trevor vo Gta 5 😂Hümpu het mini neue schue verhützt 😂

    Mazedonien II & Griechenland

    14–19 lug 2024, Grecia ⋅ ☀️ 34 °C

    Ds Orchester isch super gsi, si z 5t gange. No mit dä 2 volunteers wo x länder bereise zum usefinge wo si wei häräzüglä.
    Am nechste tag bini i Galicier Nationalpark ga wanderä, mit 8km u 700hm mau wider öbis sportlechs gmacht 😅 d heufti vom wäg isch einbahn, u ner chunt ä abzweigig wo a beidne schilder dr glich ort "Magaro peak" agschribe isch. Dert hani öbbis gsnackt u ner si 3 euteri wanderer cho woni ufe erst blick denkt ha dassi erfahre si, aber si heimi gfragt, wele wäg si äch müese nä zum dr blick uf beidi seeä z ha.. ehm, egal? Wiu es isch ä loop. Hanes sogar no ufdr charte zeigt vo komoot, dases ä loop isch ab hie, aber si heis nid begriffe u wider gfragt ja aber wo me de d ussicht uf beidi seeä het 😅😂
    Sehr schöne park gsi, schönsti natur vo de letschtä paar wuchä.

    Imne irish pub hani ä mazedonier troffä wo bi Megadeth mitgsunge het, aso simer säubstverständlech is gspräch cho🤭 är het aber ou es metallica shirt an gha 🤔🤔 (insider, sorry).
    U när heter no vo tennis afa redä, dä cheib weiss aui resultat no vor x jahre uswändig 😱

    När no id "stube" vom hostel, isch viu los gsi u lustig gsi (ussert woni gseit ha, dasi Djokovic nid gärn ha, ischs für paar sekunde chli agspannt gsi bi dä locals 😂). Wenn jedes hostel privatrüm hät, wäri äuä mehrheitlech so übernachtet.

    När bini 2 tag ines berghotel im Pelister nationalpark. Plaanä, Wimbledon, tour de france und wanderä. 11km u 500hm. Agnähmer gsi wäg dr stigig u em ungergrund, aber me het nur 2 viewpoints gha wius düre wald isch, und bärä hani leidr keni gse 🥲

    När ungspitzt witer nach Griecheland, Thessaloniki. Uf google maps hani nebem meer zum luege wis usgset ufnes resti drückt, u het nach schönem sandstrand usgse 🤩 aber die gits dert nid 😂 isch äs catering ungernähmä gsi 😅 de bini am 2e tag ner witer i süde ane strand fürne tagesusflug zum läsä a ne schöne strand. (Ja, King het wider es buech usepusht 😅)

    Next stop: Bulgariä    Leggi altro

    Guarda la traduzione