Pembroke Junction

Hüt Morge isch dReis wiitrgange nach Pembroke.. uf dem Weg simmr nomal dur de Algonquin Park, i de Hoffnig paar Wildtier zsgeh.. leidr ohni Erfolg, amel ned die wo mer ghofft hend😅🤷🏽‍♀️
De Tag isch natürlich trotzdem Ihdrücklich gsi.. demit mer au nochli öbis körperlichs undernehmed, hemmr eus churzerhand es Kanu gmieted und de „Canoe Lake“ mid dem Erkundet.. entlang vo de Wälder, vielne Insle und Wellene simmr öbe 2 Stund unterwegs gsi.. de Rege hed eus au da bits verwütschd😅
Troche ahgleid simmr wiitr richtig Pembroke, immrwidr simmr bits weg vom Highway, i de hoffnig no öbis i de Natur usse zentdecke.. 🧐 au da hemmr gmerkt, dass dLüüt überall ihri Hüüsli baut und ihri Quartierli‘s hend.. spannend die Hüüser zbetrachte.. üsi gsehnd irgendwie vo use scho stabiler us.. abr uf jede Fall sinds zimli Chic..😊
In Pembroke ahcho simmr no go spaziere am Ottawa River, go poste und hend ahschlüssend es feins Znacht im Hotel gässe, mid farbige Nacchos zur Vorspiess🫠
Denn no en coole Lastwage entdeckt ufem Parkplatz verusse und Chance gnutzt zum Fötele😍Read more