Aramayı sıfırla
'Murica
En yenisi başta
  • Gezinin başlangıcı
    8 Ekim 2019
    'Murica
    Griffith observatory
    Griffith observatoryGriffith observatoryGriffith observatoryGriffith observatorySanta monica

    Guet aacho

    10 Ekim 2019, Amerika Birleşik Devletleri ⋅ ☀️ 22 °C

    Vor 2 täg simmer vom chalte züri über barcelona uf LA gfloge. Nach em lange flug und de ewige warterei am flughafe hend miers denn irgendwenn todmüed is bett gschafft.

    Letscht nacht hemmer s erschte mal im camper gschlafe und sind vom griffith observatory us de sunneufgang ga luege 😍 und hend en chliine spaziergang in richtig hollywood sign gmacht.

    Itz liggemer in santa monica am strand und gnüssed s nüt mache 🌴🍹    Okumaya devam et

    Çeviriyi gör
  • 'Murica
    Highway 101
    Highway 101Highway 101San FranciscoSan FranciscoSan FranciscoSan FranciscoSan FranciscoSan FranciscoSan Francisco

    If you're going to san francisco

    15 Ekim 2019, Amerika Birleşik Devletleri ⋅ ☁️ 11 °C

    Vo üsere schöne siesta in santa monica simmer ufde 101 de küste entlang richtig norde gfahre. Underwägs hemmer ade küste übernachtet und det en superkitschige sunneundergang gseh (ihr wüssed sicher weles föteli dass ich meine) ☺️

    Am sunntig mittag simmer in san francisco acho und grad zersch mal überforderet gsii mit de ganze iidrück i dere stadt... Für die vile lüüt, strassemusiker, schöne hüser, steile strasse, alte cable cars, grunzende seelöie und di ganze beizli wo so fein hend gschmöckt bim verbii laufe hättemer meh ziit bruucht als nur 2 täg! Aber für en schöne (chli länger als plante) spaziergang de bucht entlang zude golden gate bridge hets zum glück glängt 😊

    Die nacht schlafemer scho ufde andere siite vode golden gate bridge und gnüssed morn bim zmorge nomol d ussicht uf san francisco bevor mir in richtig lake taHoe losfahred...    Okumaya devam et

    Çeviriyi gör
  • 'Murica
    Lake tahoe
    Lake tahoe1Extraterrestrial highway (ide nöchi vo area 51)Zion national park1Zion national parkZion national parkZion national parkZion national parkZion national parkZion national park

    Aliens und canyons

    20 Ekim 2019, Amerika Birleşik Devletleri ⋅ ☀️ 10 °C

    Womer sind aacho isch de lake tahoe mit rauch vom caples-fire (waldbrand) überdeckt gsi. De rauch isch am nächste tag verschwunde und mir hend zum erschte mal d ussicht chönne bewundere. Nach spaziergäng mit chipmunks und gäns und pause mit änte und grosse tannzäpfe und 2 iischalte nächt hemmer üs uf e wäg zum walker lake gmacht.
    De walker lake isch en salzsee wo so fescht spieglet, dass mer nid gnau weis wo s wasser ufhört und s land afaht. Det hemmer zum erschte mal ufde reis riiiichtig schön vill stärne gseh ⭐🌠😍

    Denn simmer wiiter quer dur nevada gfahre... Über ewig langi gradi flachi strasse durs nüt dure, und über de extraterrestrial highway
    (ja mir hend gluegt, und nei mir hend kei ufos gseh, und ja mir hend wük guet gluegt und ja mir sind au enttüscht gsii)
    bis zum zion national park in utah. Det hemmer en tolli wanderig gmacht und wülls so schön isch gsii hemmer die nöchschte täg grad no meh canyons ufem programm 🤠🏞️🏜️    Okumaya devam et

  • 'Murica
    Glen canyon
    Horseshoe bendHorseshoe bendDeath valleyDeath valleyJoshua tree national parkJoshua tree national parkJoshua tree national parkJoshua tree national park

    Vill natur und chli las vegas

    3 Kasım 2019, Amerika Birleşik Devletleri ⋅ ☀️ 25 °C

    Vo zion us simmer langsam uf flagstaff (arizona) gfahre, wo mer die allerbeschte feinschte zartischte ribs hend gässe wos git. Underwägs simmer de glen canyon und de berüemti horseshoe bend am lake powell ga aluege, und natürlich simmer au es stück em grand canyon entlang gfahre. A allne orte hemmer en spektakuläri ussicht gha, emel nachdem mir üs dur di ganze asiatische und kanadische touris hend durekämpft 😄

    Nach einere nacht am lake mead simmer uf VEGAS BABY!!! Die stadt isch definitiv es erläbnis, aber die vile vile lüüt, liechtli und de ganz lärm sind üs schnell mal ufd närve gange und mir sind froh gsii womer is death valley hend chönne flüchte (wo definitiv weniger lauft als in vegas)...

    Geschter simmer de joshua tree national park go aluege mit sine berüemte bäum und kaktee. Dä park het mir bis itzt am beschte gfalle und ich wär am liebschte no es paar täg det blibe zum alles aluege :)
    Itz simmer grad am zmorge ässe und spöter fahremer zrugg uf LA, gönd morn de camper go abgäh und denn flügemer scho glii uf hawaii ☺️🌺    Okumaya devam et

    Çeviriyi gör
  • 'Murica
    Waikiki beach (oahu)
    Haleiwa (oahu)Haleiwa (oahu)Kona (big island)Holualoa (big island)

    Aloha

    8 Kasım 2019, Amerika Birleşik Devletleri ⋅ ⛅ 28 °C

    Mir sind itz sit 4 täg in hawaii und völlig inere andere wält... Wo mer in honolulu sind glandet simmer fascht erschlage worde vode höche luftfüechtigkeit. Aber chuum hemmer de strand, d palme, d wälle und di grüene hügel gseh isch alles wider guet gsii 😍🌴
    Die letschte 3 täg hemmer es hotel in honolulu diräkt am waikiki beach gha. Ei tag simmer i norde vode insle gfahre und hend det de surfer chönne zueluege und hend in haleiwa s berüemte matsumoto shave ice gässe.
    Hüt simmer vo oahu ufd big island gfloge, das heisst die nöchschte täg stönd näbe schöne stränd au no vulkän ufem programm 🌋    Okumaya devam et

    Çeviriyi gör
  • 'Murica
    Pu'uhonua o honaunau national historical park (big island)
    Pu'uhonua o honaunau national historical park (big island)Waipio valley (big island)Kilauea iki krater (big island)Kalopa (big island)Waialea beach (big island)Kaihalulu beach (maui)Waianapanapa (maui)1Waianapanapa (maui)1Kipahulu (maui)

    Big island und maui

    17 Kasım 2019, Amerika Birleşik Devletleri ⋅ ☀️ 30 °C

    In hawaii gits so vill z gseh dass d ziit vill z schnell verbii gohd. Inzwüsche hemmer scho d big island und maui agluegt und morn flügemer für 3 täg zrugg uf oahu, bevors uf mexiko wiitergohd.

    D big island isch genau so gsii wie mir üs hawaii hend vorgstellt ☺️🤩 s dunkelblaue meer mit schöne wälle, denn en wiisse, grüene oder schwarze sandstrand, und denn urwald zwüsche de bärge. Mir hend es airbnb ide nöchi vo kona gha, emne superhärzige städtli, und hend vo det jede tag en andere teil vode insle chönne erkunde. Mis highlight isch natürlich di schwitzigi wanderig dur de kilauea iki krater gsii 🌋!
    Maui isch s komplette gägeteil vode big island, aber irgendwie au genau so wie mer üs hawaii hend vorgstellt. Fasch die ganz insle sind hügel und bärge, und alles isch grüen 🌴🌳🌿. Und mmmmh s ässe.....
    In maui simmer vo kahului die berüemti road to hana gfahre (vill kurve, wald, brüggli und rägefäll, und vor allem vill touris), und denn am haleakala national park verbii i süde vode insle und zrugg uf kahului. Underwägs hemmer zältet und die schönscht ussicht gha womer sich cha vorstelle, emu bis mir so richtig verrägnet sind worde 😄    Okumaya devam et

    Çeviriyi gör
  • 'Murica
    Mexico city
    Mexico cityMexico cityCelaya mit carolina und remoGuanajuatoGuanajuatoSan miguel de allende"swiss enchiladas" zum zmorge, danke carolinaEl rosario butterfly sanctuaryEl rosario butterfly sanctuaryEl rosario butterfly sanctuary

    Hola us mexiko

    1 Aralık 2019, Meksika ⋅ ☀️ 25 °C

    Itz simmer scho über en wuche in mexiko und hend scho ganz vill döffe gseh, erläbe, und natürlich ässe :)

    Die erschte paar täg hemmer in mexico city verbracht. Da simmer 2 täg lang mitem hop-on hop-off bus underwägs gsii und hend so gmüetlech d sehenswürdigkeite chönne aluege... Iidrücklech isch vor allem de templo mayor zmitts ide stadt gsii😍
    Womer scho mal da sind gsii simmer natürlich en namitag lang mexikanischs wrestling ga luege... Ihr wüssed scho was ich meine, mit de verchleidete wrestler wo enand durd luft rüered und defür fascht en oscar verdiened 😄

    Am ziistig simmer mitem bus uf celaya, wo mer 2 fründe hend troffe und es paar täg bi ihne hend döffe wohne. De remo und d carolina hend üs ganz vill vode stadt und de umgäbig zeigt, und d carolina het üs ganz vill mexikanischi spezialitäte gchochet, mir lauft s wasser im muul zäme weni nur dra dänke 😍😍😍
    Am letschte tag bi remo und carolina simmer ines tal gwanderet wo ganz vill schmätterling überwintered... Die ganze böim sind voll gsii und sie sind überall umegfloge, mir sind üs vorcho wie imne märli :)

    Wiiter gohts in tulum und cancun am strand 🌴😊    Okumaya devam et

    Çeviriyi gör
  • 'Murica
    Coba
    CobaCobaCobaPlaya del carmenCancunCancunCancunCancunCancun

    Vo cancun uf cuba

    11 Aralık 2019, Küba ⋅ ☀️ 28 °C

    Üsi letscht wuche in mexiko hemmer in tulum und cancun verbracht.
    Mir sind d maya ruine vo coba go aluege und sind 120 (gfühlt öppe 1000) stufe uf en pyramide ufegchlätteret. Vo det obe het mer bis a horizont nume wald gseh...und touris.
    Ufem rückwäg uf tulum simmer inere cenote ga bade. Mir sind über en steili holzstäge fasch ohni liecht is dunkle abe gstige und womer dunde sind gsii hemmer gseh dass mer inere riesige höhli sind mit ganz vill stei und stalaktite und ganz klarem wasser. Mir hend glück gha, dass mir eleige det unde sind gsii und richtig d rueh hend chönne gnüsse! 🐟🌊
    In cancun hemmer im wunderschöne casa tortugas gwohnt. Mir hend üs wie dehei gfühlt und sind richtig truurig gsii womer hend müesse abreise...

    Itz simmer siit 2 täg in havana und bis itz isch alles z heiss, z luut, z dräckig und mir sind no chli überforderet wüll eifach alles so andersch isch als bi üs... Morn fahremer uf vinales, und ich bi mer sicher dass üs cuba vill besser gfallt wemer mal chli ufem land usse sind ☺️    Okumaya devam et

    Çeviriyi gör
  • 'Murica
    Viñales
    ViñalesViñalesTrinidadTrinidadCienfuegosCienfuegosCienfuegosVaraderoVaradero

    Kuba

    27 Aralık 2019, Küba ⋅ ⛅ 27 °C

    Nach emne ruppige start in havanna het üs kuba denn gliich no guet afo gfalle :)

    Vo havanna simmer imne coole alte ami-auto uf vinales gfahre. Die region isch berüemt für ihri tabakfarme, mir hend natürlich zigarre und rum probiert, wie chönntemer au nid...
    Wiitergange ischs in trinidad, es härzigs städtli mit schöne farbige hüser und änge strössli.
    Cienfuegos isch ganz en schöni stadt mit französischem charme, wo üs sehr het gfalle.
    In playa giron hemmer s erschte mal päch gha mitem wätter (und mit de mietvelos, aber das isch en anderi gschicht).
    Itz simmer imne dörfli underhalb vo varadero und gnüssed die letschte paar täg mit cocktails am strand 🌴🍹    Okumaya devam et

    Çeviriyi gör
    Gezinin sonu
    28 Aralık 2019
  • 2025© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga