Barrio El Golf

Barranquilla isch eigentli eher en durchfahrtsort gsi. aber per zuäfall hemmer gseh as det ganz en grossä carnaval gfiret wird. anschinend nebä rio dr zweitgrössti.
also los gahts, das muss me doch definitiv mal erlebt han. wänn nöd rio de barranquilla. 💃🕺
am erstä tag simmer de aber eigentlich doch eher enttüscht wordä. me gaht natürli irgendwiä miterä gwüssä vorstellig dethi, aber sie isch definitiv nöd würgli erfüllt wordä.
ider stadt selber merktmä nüt gross öppis erst wänn mä id d nächi vudr umzugsstrass chunt. überall wird öppis verchauft essä, bier, fasnachtsschmuck etc. überall lauft musik, aber wüürgli viel viel z lut. kostümiert sind d lüt grundsätzli nöd, da isch z motto öppis farbigs aleggä = kostüm.
dr umzug finded anerä abgsperrt strass mit tribünä statt. uhni ticket fürd tribünä gsehsch nüt. leider bisch aber so irgendwiä zwit weg vu allem. du gsehsch kostüm und tänzer z wenig. und es chunt eifach nöd überä. bi üs im hotel hets geheisse umzug fangt zwüsched 1 und 2 ah. mir schwizer natürli am halbi zwei det gsi nunig glernt as da ziit anderst gaht. agfange hets de öppä am halbi 4🤣🤣
irgendwiä isch das ganzä lebebsgfühl nöd überächu.

am zweitä tag het sich de aber doch no zeigt was fasnacht für si heisst.
per zuäfall simmer amne riesä strassäumzug (gratis) vrbi glofä mit unglaublichä tänz, kostüm, musik woow würgli eimalig gsi. eb jung oder alt alli sind am start.
alli hend gfieret, gsungä und der umzug gnossä. so hend mir üs das vorgstellt.
definitiv glohnt und glernt as nöd alles wo zahlsch guät isch.
riiiesigi umzüg sind das gsi wo mehreri stund gangä sind mit wahnsinnig vielä gruppänä. kei ahnig we viel gruppe diä hend.
🕺💃Read more