- Show trip
- Add to bucket listRemove from bucket list
- Share
- Jul 11, 2024
- ☁️ 18 °C
- Altitude: 4 m
DenmarkCapital RegionDragør KommuneStore Magleby55°36’14” N 12°38’4” E
So viel Flüssigkeit
![](http://d2k8htqlk8yn1a.cloudfront.net/img/flags-png/dk.png)
Es letschts mal sind mir us euse Zelt usekroche, und hend zeme am Füür nomal Zmorge gesse und die mystischi Stimmig und d Natur ufgsoge. Denn isch es aber au scho zum Zemeruume gange. Debi isch ab und zue au Material (d Poulet-Folie) uftaucht. Das die no e relevante Part spiele wird, isch eus da nanig bewusst gsi. Mit em ganze Material isch es zum letschte Iboote gange. Im Reisefüehrer isch d Streck wie folgt beschriebe worde: Der Helge nimmt an diesem Tag nochmals an Fahrt auf. Wie au erwähnt hets es paar schwierigi Stellene mit Stromschnellene geh. Churz vorem erste Hinderniss hets en churze Stau geh gha. All sind guet dure cho bis ufs zweitletschte Boot aka de chli guagligi Flitzer hett mit de Spitze es Hinderniss unmittelbar vor de Schnelle verwütscht und isch somit quer cho. Dass das nöd all zu optimal isch, hett sich imne Überlebenskampf vode Bootsfüehrerinne zeigt. Zwar sinds nöd kenterert, defür aber, hends mit guet 20 cm Wasserstand es eignigs Fuessbad im Boot dörfe gnüsse. S Gepäck isch natürlich au es bitz mitgschwumme, die vorher abracjti Poulet-Folie isch aber debi meh Dekoration als e nützlichi Hilfestellig gsi.
Am Schluss vode Route hets nomal ei heruseforderndi Stell gha im Form vonere Brugg. Die isch so tüüf gsi, dass es chlises Chopfihzieh nümm glanget hett. Das Physik nöd für all isch, hett sich zeigt, wo de Fordermann vomne Boot über d Brugg het welle springe. Das denn natürlich s Gwicht nach hinte verlagert wird und sich de Spitz vom Boot ahebt, isch nöd bedacht worde. Somit isch dass Boot leider ade Brugg mit de Spitze hange bliebe.
An Land ahcho, hend all no schnell ghulfe d Boot verlade, oder au em Premium-Bus-Chaffeur us de Patsche zhelfe. De isch doch ernsthaft blind nachem Navi gfahre und isch ufemne meh schlechte als rechte Waldweg steckebliebe. Zum glück hett er aber au dasmal de Ahänger di Hei glah und mit Hilf isch er det au wieder usecho. Nachemne churze Stopp imne Coop (es git lüüt wo zerst 17 Zimtschnegge müend esse bis de Glust gstillt isch), simmer in Kopenhagen ahcho. Nachere Duschi i eusem Hotel simmer uf d Non-Camper—Gruppe gstosse. Ab isch es zum Apero, wo die wilde Räubergschichte vode letschte 3 Täg verzellt worde sind. Gesse worde isch amne mega coole Ort mit ganz viel verschiedene Street-Food-Ständ. Natürlich hett s Ahstosse uf die letschte 3 Jahr nöd dörfe fehle. Das adem Tag gwüssi fast im Fluss, anderi ide Bar vetrunke sind, muess mer glaubs nöd wieter usfüehre. Uf jedefall isch de Abig super schön gsi und mir hend d Gmeinschaft mitenand gnosse.Read more