Cancun-Tulum-Bacalar

Halli Hallo Freunde, i bins wider amol dor Rene, und a desmol erzehli enk wider awia fa insere Reise... Flug und die komplette unreise hot erstaunlicherweise ohne Probleme funktioniert. (ins hots selber gonz gewundert😉)
Losgongen isches in Cancun wo mor ins des Stattl awia ungshaug hoben und ins die ersten eindrücke fa Mexiko gemocht hoben... Mir worn afm mercado 28 und a awia afn Strond. Kulinarisch homor ims a shum awia weitergebildet indem mor a poor typische sochen wia Tacos und Burritos und awia exotische Früchte probiert hoben... Weiter sein mor mit an groaßen Bus (so wia a Flixbus ba ins) noch Tulum.
Sem isches zimlich tuir (so wia ba ins) es gib iberoll coole lokale und man konn viel Feten, wos mor a abisl hoben... Suscht wormor sem viel mitn Radl unterwegs, wenn a awia wirderwillig weil mor ob und zua in weg ohgfahlt hoben ober bis zumschluss homor olls gfuntn... Af Strond wormor ah, sem hot ins ober dor Wind komplett verblosen. A shian Cenota (groaßes loch mit glosklarem wosser drin) homor a gfuntn wo mor nor a schwimmen gongen sein.
In Tog drauf sein mor mit a Taxi colectivo (so kloane Buselen oder groaße Autos wo viele einheimische fohren um in die negste groaße Stott zu kemmen) noch Bacalar gfohren wo mor in Foschingsumzig awia ungshuag hoben und die dorzua gehörige Show, wos wirklich net dor wahnsinn wor, ober fir die einheimischen do wia a nationalfeiertog😅😅
Weil Bacalar wirklich schian wor und weils bei der Lagune so gemiatlich wor homor ins spontan emdschieden no a Nocht länger zu bleiben und hom sem in gnzn tog gschwummen, gechillt und homs ins awia guat gian glossen. Tacos und einheimische Biere hots a in gnzn Tog gebn...
Iaz grot wobl i des schreib sein mor in bus richtung dor Grenze noch Belize, und wia sel gekloppet, oder net gekloppet hot kenntes enk ins negste mol durchlesen...

Enkre Mexikaner Lisa und RenéLeggi altro