Ohhh Belize

Yooo i bins dor Rene, i wer enk awia eppes über Belize erzehlen, und joh des wert awia länger dauern weil mors so mega schian do kop hopen, und so viele mega Leit kennen glernt hoben, desholb umbedingt durchlesen bis zum Ende...

Es hot shun recht interessant af dor Grenze zwischen Mexiko un Belize ungfongen, wenn ins de Typa af dor Grenze erklären gewellt hot dass mir die Ausreisebestätigung (inkl. Bezahlung) ihr schriftlich ausgedruckt geben miasen... ober mir ca 15 Backpacker sel olle net ghop hoben, sondern mir hobens lei afn Handy kop... mir hetns nor nomll zohlen gsollt, sel hot ober koaner gekennt weil mor koane mexikanischen Pesos mehr kop hoben und mit Korte hot men a logisch net zohlen gekennt... noch über 3 Stunden ummer diskutieren hobense ins oanfoch durchglossen und gsog mir miasen is negste mol wenn mor ausreisen fa mexiko is doppelte zohlen (also ob sel oaner tat oder des sich oner irgentwo notieren tat...

In dor ersten Stott Orange Walk town wormor zimlich Planlos ohne Geld und Internet, ober a sympatischer einheimische namens Denis hot ins gholfen insere Unterkunft zu finden, indem er se erster mitm Moto gsuacht hot und ins jocherit sein Truck sem hin gebrocht hot. Er hot ins di gonze Stott gezoag, ins in Ort hin gebrocht wo olls lei Menonieten wohnen (Selbstversorger, wos auskemmen ohne Strom, Auto, Handy usw.) Lustigerweise reden die sem Plattdeutsch, also die meisten hoben ins verstian gekennt. Herschaugn tianse wia Deitsche aus die 80 Johr. Es wor so lustig, weil men des oanfoch no nia ghert hot und de leit oanfoch gefühlt mit dor Zeit stiangebliebn sein...) Mir sein sem ober ah no mitn Bot zu a rieser Mayastätte gfohren und hoben Krokodiele gsegn.

Weiter isches gongen mitn local Bus noch Belize City und fa sem mit dor Fähre af die mini Insel Caye Caulker. De isch so kloan dasses do net amol Autos gib... Mitn Radl fohrt men fa dor oan af die ondere Seite lei so 10 minutn, so dasses enk vorstellen kennt wia kloan de isch... Und joh wos solli sogen sem homors ins amol 4 Toge long guat gian glossen. Fa schnorcheln, mit Haie tauchen, Rochen fiatern, rießen Fische fiatern, Cayak fohren und oanfoch af Strond liegen, homor olls getun wos des Insele so zu biaten kop hot...Es wor zwor awia tuir ober wirklich traumhoft shian..

Weiter seinmor wider mitn Einheimischenbus durch a poor Stattler über dor bekonnten und shianen Hummingbird Road noch Hopkins. Hopkins lieg direkt an dor Südküste, isch mega kloan und net so touristisch wia de Insel. Sem homor ins mit a 5er Gruppe junge Brieten ungfreundet und hoben mit die sem a diretto in negsten Tog a Tour gemocht zu a Nationlapark voller Wosserfälle. Sem seinmor unter Regen durchen Regenwold stopft und hobens sogor bis zu a richtigen shianen Pool gschofft direkt oberholb fa an Wosserfoll. So guat wia koane Leit sein sem gewesen, es wor gonz mystisch...

Wieder Weiter isches zu inseren lesten Stopp gongen, San Ignacio. Sem homor ins wider getroffen mit insere Britschen Freunde und sein mit 3 fa die sem mit inser ausgeliehenen Jeep, firn sem Tog, die gonzn guaten Platzler in dor nähe ohgforen. Mir worn ba dor rießegn Rio Frio Cave, Rio Pools und Big Rock Waterfall... Olls extrem shian Orte, gonz unberührt und wirken wirklich einzigartig af dor Welt. Sem sprechen die Fotos fir sich. Is Marktl homor in der kloane Ortschoft a no ohgeklappert bis mor ins a shun afn Weg af die Grenze noch Guatemala gemocht hoben.

Joh, und wennes wissen wellt wias ins af dor Grenze von Belize noch Guatemala ergongen isch, und ob mor de extreme Hitze sem ausgholten hoben, kenntes enk is negste mol wider durchlesen.

Enkre Abendteurer Lisa und ReneRead more