Pointe Paharire

Gester Abig hani vo mim Hostel usegfunde, das mini Ferry am Mändig nid gad, da die Woche revisione stattfindet. Irgendöppis will nid dasi mit de Färry Islandhopping mache. Kurzerhand hani de müsse mi ganz Plan übere Hufe rühere und mich nü orientiere.
Ich muss sege mier isch wiedermal bewusst worde, me cha nu sone guete Plan ha, mängisch macht s'Lebe eim e Strich dur d Rechnig, aber i dene Moment muss mer e küehle Kopf bewahre und offe sie, sin Plan de nüe Gegebeheit azpasse.
Ich ha de also e Flug buecht für am Sonntig zum uf Huahine z'flüge. De Weg zum Flughafe hani mitere Ferry chönne mache, wie cool?! De Flughafe isch ufere Motu - Insle nur us Strand. Wunderschön echt! Es gid kei Securitykontrolle und de Sitz im Flugi chammer fri uswähle. Bim Gwicht vom Gepäck sinds eher sträng glaubi, ich has nid welle teste und ha de paar Sache kurz de Maria geh, grad gnueg das mis Gepäch gnau nu 14.9 KG gsi isch - 15 ischs maximum gsi, phuu Schwein gah.😅

In Huahine acho, hani mini Nachrichte checkt, doch mis Hostel hed mer nid gantwortet, ich ha kes Taxi gah zum Hostel und laufe wär drüehalb Stund gsi. Ich ha de biz umegfragt, am Flughafe heds ke Taxi gah, und es isch irgendwo im nirgendwo gsi. Ich ha de en andere Backpacker kenneglernt wo au s gliche Problem gah hed. Mier hend de mega liebi Locals troffe wo üs zu üsem Hostel gfahre sind. Obwohl sie ide nöchi vom Flughafe wohned - die Polynesier sind eifach so netti Lüt! 🤩
Per Zuefall hends de au nu üsi Hostelbsitzerin kennt und üs ihri Nummere geh, falls mer wieder es Taxi zrug a Flughafe bruched. Wow!
De Weg is Hostel isch atemberaubend gsi, mer hend es frilebens Ross krüzt😂

S' Hostel isch richtig herzig, local und s hed alles wo mer brucht (okey AC oder en Venti wär scho nu nice😅🔥). Bevor mer de all is Bett sind hemmer "zum Glück" nu en riesige Tusigfüessler gseh. Mer hend öppe 1h gah zum de fange, alli Lüt vom Hostel hend üs gholfe 😂 was fürne Adrenalinschub.
Ja ich wür sege hüt isch wiedermal so e richtige Backpacker Tag gsi. Ich bi gspannt wasi morn alles wird erlebe.Les mer