Mattes Overstolz / Matthias Overstolz

De Overstolze

Wat hät dä Habeck, dä Baas vun de Gröne, om Parteidag gesaht? „Maach, dat es en unsem Kosmos off en Bah-gangk-mer-fott-domet-Begreff, ävver ‚Maach‘ kütt jo vun ‚maache‘.“. Hät hä jo fröh erkannt, dä Habeck. Ene Kölsche woss dat vür 800 Johr ald. Hä wor am Maache, domet hä Maach kräg un wor der Kopp vun ener beröhmte Famillich: de Overstolze. Alsu, bei denne weiß ich nie, woröm mer uns en der Flimmerkiss de „Tudors“ ov „Medici“ aanlure, wo mer doch en Kölle locker methalde künne un bovvendren die Nohkumme och noch uns Nohbere sin.

Der Mattes Overstolz

Der Mattes Overstolz hät ävver och vill zo verliere gehat: de Overstolze sin, wie der Mattes Overstolz vermodlich esu öm 1215 eröm gebore weed, villleich et vürnähmste Geschlääch vun dä steinriche Patrizierfamillie, die met de Ääzbischöff em 13. Johrhundet öm de Maach en Kölle ringe. Der Mattes Overstolz, dat es beläg, wor en alle Intrige un Kämf gäge de Ääzbischöff beteilig. Ävver ging et dem Mattes öm Kölle ov öm dat Vermöge, dat perdu gegange wör, wann hä verlore hätt?

Woröm heiß dat „Geschlääch“ un nit „Famillich“?

Wie dä kleine Mattes op de Welt kütt, es singe Besteva, dä als Stammvatter vun däm Geschlääch gild, grad drei Johr dud. Dat wor der Gottschalk Overstolz. Hä wor ene Gewandschnieder, dä durch en kloge Hierod esuwie sing Hängche för et Immobiliegeschäff un der Handel, rich gewoode es. Hä allein hatt aach Pänz, die vun im erve un die aach Sträng wiggerführe, esu dat en Großfamillich en Kölle entsteiht. Hüggzedags dät mer villleich „Clan“ sage. Dat schaff en Kölle nor ene kleine Rötsch Famillie. Ich meine, dat rich un vill sin. Un evvens för die säht mer met der Zigg dann „Geschlääch“. Dat sin jo eigentlich ganze Püngele vun Famillie, die mer op ein Päärche zoröckverfolge künnt, wann mer der Üvverbleck behalde künnt.

Un all wolle se Maach han

Haupsächlich welle de Geschläächter vür allem rich blieve un doför bruche se Maach. Maach kritt mer durch Pakte. Esu kütt et en Kölle zo enem große Zosammeschluss, der Richerzeche, die sich ungereinen hilf.

Die eigentliche Maach üvver Kölle hät zo dä Zigg ävver der Ääzbischoff, dä se üvver Schöffe usübe lööt. Die Schöffe weede vum Ääzbischoff us der kölsche Bürgerschaff berofe. Se spreche Rääch un han och de städtische Verwaltung unger sich. Wann mer sich jetz esu verhäld, dat der Ääzbischoff Lück us der Richerzeche zo Schöffe beröf, kann mer och do Maach usübe. Un genau dat passeet. Bürger us der Richerzeche halde baal die Hälvde vun de Schöffesetz un ringe dem Ääzbischoff av, dat de Richerzeche Maach en der Enneverwaltung usübe kann. För e Beispill han die flöck de Kontroll üvver de Määt en Kölle – un se welle mih. Se belde et Patriziat, se sin Patrizier.

En lästige Feindschaff

Wann mer jetz an einem Strang trecke däte, wör et jo leichter, däm Ääzbischoff Maach zo nemme un sich selvs zo gevve. Ävver sujet es jo Wunschdenke. Wohr es, dat die Geschläächter vun de Overstolze un vun de Weise sich nit ligge künne. Ich mööch vun Feindschaff spreche. Wie dat gekumme es, ich kann et nor rode. De Overstolze gelde zo dä Zigg als et richste Geschlääch un Richdum bedügg Enfloss. Nor die Weise stelle ze baschte Schöffe. Jetz nemmen ich aan, dat de Overstolze mih met andere Patrizier geklüngelt han un de Weise sich vun Aanfang an mih mem Ääzbischoff verdrage han, domet se Enfloss krähte. Dat dat knalle moot, es klor.

Der Ääzbischoff versök et…

… mer kann sage „immer un immer widder“. 1252 lööt dä Ääzbischoff Konrad von Hochstaden Münze schlage, die nit mih dat wäät sin, wat drop steiht. En Handelsstadt wie Kölle kann sich dat nit beetd looße. Dä Strigg eskaleet esu ärg, dat der Konrad von Hochstaden die Stadt vum Rhing us met Brandfackele beschüüß. Dä „kleine Schied“ schaff koot Fridde. Der Ääzbischoff muss ävver op e paar Stüüre verzichte un weed beim Präge vun Münze vun de Kölsche kontrolleet. Vürre op der Sigg vun der Stadt met dobei: der Mattes Overstolz.
1257 hät der Ääzbischoff sich erhollt un sök ald widder Strigg. Hä es wäge ener Ööschelei vür singem Palass en der Stadt beleidig! Et Kamffeld litt dismol en Freche. Kölsche Zaldate verkloppe de kurkölnische Zaldate vum Ääzbischoff.

Der Mattes Overstolz, widder vürre met dobei, mäht ene Fähler: Wie die Kurkölnische ald geschlage sin, es hä su wandrosig, dat hä zo wigg nohsetz un gefange genomme weed. En der Godesburg sitz hä en der Blech, kann ävver baal avhaue. Der „große Schied“ em Juli 1258 deit eigentlich nix anderes, wie dat bestätige, wat es: der Ääzbischoff hät de Maach üvver Kölle, soll ävver der Verwaltung em Ennere nit erenschwaade. De Zoständigkeite weede quasi klorgestallt.

De Bürger vun Kölle sin ävver och met der Herrschaff vun de Patrizier em Ennere nit glöcklich, wat der Konrad von Hochstaden em Geklüngels gewetz usnötz. Am Engk vun däm Gedöns steiht 1259, dat de Patrizier - un zo allereesch der Mattes Overstolz – die Ämter verleere, die se aangehäuf han.

Dä Zostand duurt ävver nor koot. 1261 kütt der Konrad von Hochstaden öm et Levve un der Engelbert II. vun Falkeburg üvvernimmp. Dä Aanfänger lööt sich em Johr drop en der Schlaach öm der Bayeturm fottjage, en dä die Kölsche et eeschte Mol „Kölle Alaaf“ rofe... Natörlich hollt der Mattes Overstolz sich met singe Fründe die Ämter widder.

Em Johr 1265 belagert der Engelbert II. Kölle, muss ävver noh drücksehn Dage avbreche, weil singem Verbündete, däm Graf vun Cleve, de kölsche Schotzhellige erschunge sin un in der Mod verlooße hät. Do hät sugar ene Bischoff kein Chance, wann Hellige em Spill sin. Ich meine nor, mer weiß doch, bevür mer gäge Kölle trick, dat mer hee Schotzhellige han? Kann et sin, dat der Schotzhellige der Mattes Overstolz wor un singe Helligesching e Säckche Geld? Vürsich, dozo gitt et keine Beläg, ich denke nor laut.

En halv Johrhundert Kamf fingk en Engk

Koot donoh prügelt der Mattes Overstolz met singe Fründe, dä Patrizierfamillie, die zo im halde, de Weise blodig us der Stadt. De Weise flüchte noh Bonn, wo se sich mem Engelbert II. verbünde un met mih wie 5000 Kämfer widder op Kölle trecke. Die beröhmte Schlaach öm de Üülepooz, die ich ald beschrevve han, fingk hee en der Naach vum 14. op der 15. Oktober 1268 statt. Ganz vürre met dobei – Ehr wesst dat ald: der Mattes Overstolz, villleich öm 53 Johr ald.

Tirek beim eeschte Aangreff weed hä schwer verwundt un weiß, dat hä sterve muss. En däm Momang reech hä si Wood an die Kölsche, die noch zögere, de Overstolze zo helfe: Hee geiht et jetz öm Kölle. Bliev Kölle frei ov deene mir Kölsche dem Ääzbischoff, dä grad sing eige Stadt plündere well? Dat wirk, och bei singem Sonn: der Gerhard Overstolz schnapp sich sing Ax un jöck durch die Reihe vum Feind…

Mechel

-

Die Overstolzen

Was hat Habeck, der Vorsitzende der Grünen, auf dem Parteitag gesagt? „Macht, das ist in unserem Kosmos oft ein Igitt-Begriff, aber ‚Macht‘ kommt ja von machen.“. Hat er ja früh erkannt, der Habeck. Ein Kölner wusste das vor 800 Jahren schon. Er machte, damit der Macht bekommt und war der Kopf einer berühmten Familie: die Overstolzen. Also, bei denen weiß ich nie, warum wir uns im Fernsehen die „Tudors“ oder „Medici“ angucken, wo wir doch hier in Köln locker mithalten können und obendrein die Nachkommen auch noch unsere Nachbarn sind.

Matthias Overstolz

Matthias Overstolz hat aber auch viel zu verlieren gehabt: die Overstolzen sind, als Matthias Overstolz vermutlich um 1215 herum geboren wird, vielleicht das vornehmste Geschlecht der stinkreichen Patrizierfamilien, die mit den Erzbischöfen im 13. Jahrhundert um die Macht in Köln ringen. Matthias Overstolz, das ist belegt, war an allen Intrigen und Kämpfen gegen den Erzbischof beteiligt. Aber ging es Matthias Overstolz um Köln oder um das Vermögen, dass verlorengegangen wäre, wenn er verloren hätte?

Warum heißt es „Geschlecht“ und nicht „Familie“?

Als der kleine Matthias auf die Welt kommt, ist sein Großvater, der als Stammvater des Geschlechts gilt, gerade drei Jahre tot. Das war Gottschalk Overstolz. Er war ein Gewandschneider, der es durch eine kluge Heirat sowie sein Geschick für das Immobiliengeschäft und den Handel, reich geworden ist. Er allein hatte acht Kinder, die von ihm erben und die acht Zweige weiterführen, so dass eine Großfamilie entsteht. Heutzutage würde man vielleicht „Clan“ sagen. Das schafft in Köln nur eine kleine Anzahl an Familien. Ich meine, das reich und viel sein. Und eben für diese setzt sich mit der Zeit der Begriff „Geschlecht“ durch. Das sind ja ganze Bündel von Familien, die man bis auf ein Pärchen zurückverfolgen kann, wenn man den Überblick behalten könnte.

Und alle wollen sie Macht haben

Im Kern wollen die Geschlechter vor allem reich bleiben und dazu brauchen sie Macht. Macht bekommt man durch Bündnisse. So kommt es in Köln zum großen Bündnis, der Richerzeche, die sich untereinander hilft.
Die eigentlich Macht über Köln hat zu dieser Zeit aber der Erzbischof, der sie über Schöffen ausüben lässt. Die Schöffen werden vom Erzbischof aus der Kölner Bürgerschaft berufen. Sie sprechen Recht und haben auch die städtische Verwaltung unter sich. Wenn man sich jetzt so verhält, dass der Erzbischof Leute aus der Richerzeche zu Schöffen beruft, kann man noch mehr Macht ausüben. Und genau das passiert. Bürger aus der Richerzeche halten bald die Hälfte der Schöffensitze und ringen dem Erzbischof ab, dass die Richerzeche Macht in der Innenverwaltung ausüben kann. Zum Beispiel haben sie schnell die Kontrolle über die Märkte in Köln – und sie wollen mehr. Sie bilden das Patriziat, sie sind Patrizier.

Eine störende Feindschaft

Wenn man jetzt an einem Strang ziehen würde, wäre es ja leichter, dem Erzbischof Macht zu nehmen und sich selbst zur geben. Aber sowas ist ja Wunschdenken. Fakt ist, dass die Geschlechter der Overstolzen und der Weisen sich nicht leiden können. Ich möchte von Feindschaft sprechen. Wie dies gekommen ist, ich kann es nur raten. Die Overstolzen gelten zu der Zeit als das reichste Geschlecht und Reichtum ist Einfluss. Nur die Weisen stellen reichlich Schöffen. Jetzt vermute ich, dass die Overstolzen mehr mit den anderen Patrizierfamilien geklüngelt haben und die Weisen sich von Anfang an mehr mit dem Erzbischof vertragen haben, damit sie Einfluss bekommen. Dass das knallen musste, ist klar.

Der Erzbischof versucht es…

…man kann sagen „immer und immer wieder“. 1252 lässt Erzbischof Konrad von Hochstaden Münzen schlagen, die nicht mehr das wert sind, was drauf steht. Eine Handelsstadt wie Köln kann sich das nicht bieten lassen. Der Streit eskaliert so weit, dass Konrad von Hochstaden die Stadt vom Rhein aus mit Brandfackeln beschießt. Der „kleine Schied“ schafft kurz Frieden. Der Erzbischof muss allerdings auf ein paar Steuern verzichten und wird beim Prägen von Münzen durch die Kölner kontrolliert. Vorne auf Seiten der Stadt mit dabei: Matthias Overstolz.

1257 hat der Erzbischof sich erholt und sucht schon wieder Streit. Er ist wegen eines Streits vor seinem Palast in der Stadt beleidigt! Das Kampffeld liegt diesmal in Frechen. Kölner Soldaten verprügeln die kurkölnischen Soldaten des Erzbischofs. Matthias Overstolz, wieder vorne mit dabei, macht einen Fehler: als die Kurkölnischen geschlagen sind, rast er so, dass der zu weit nachsetzt und gefangen genommen wird. In der Godesburg sitzt er ein, kann aber bald fliehen. Der „große Schied“ im Juli 1258 macht eigentlich nichts anderes, als das zu bestätigen, was ist: der Erzbischof hat Macht über Köln, soll aber der Innenverwaltung nicht hereinreden. Die Zuständigkeiten werden quasi klargestellt.

Die Bürger von Köln sind aber auch mit der Herrschaft der Patrizier im Inneren nicht glücklich, was Konrad von Hochstaden im Geklüngel geschickt ausnutzt.
Am Ende des Ränkespiels steht 1259, dass die Patrizier – und zuallererst Matthias Overstolz – die Ämter verlieren, die sie angehäuft haben.

Der Zustand dauert aber nur kurz. 1261 stirbt Konrad von Hochstaden und Engelbert II. von Falkenburg übernimmt. Dieser Anfänger lässt sich im Jahr darauf in der Schlacht um den Bayenturm fortjagen, in der die Kölschen das erste Mal „Kölle Alaaf“ rufen… Natürlich holt sich Matthias Overstolz mit seinen Freunden die Ämter wieder.

Im Jahr 1265 belagert Engelbert II. Köln, muss aber nach dreizehn Tagen abbrechen, weil seinem Verbündeten, dem Grafen von Cleve, die kölschen Schutzheiligen erschienen sind und ihn der Mut verlassen hat. Da hat sogar eine Bischof keine Chance, wenn Heilige im Spiel sind. Ich meine nur, man weiß doch bevor gegen Köln zieht, dass wir hier Schutzheilige haben? Kann es sein, dass der Schutzheilige Matthias Overstolz war und sein Heiligenschein ein Säckchen Geld? Vorsicht, dafür gibt es keinen Beleg, ich denke nur laut.

Ein halbes Jahrhundert Kampf findet ein Ende

Kurz danach prügelt Matthias Overstolz mit seinen Freunden, den Patrizierfamilien, die zu ihm halten, die Weisen blutig aus der Stadt. Die Weisen flüchten nach Bonn, wo sie sich mit Engelbert II. verbünden und mit über 5000 Kämpfern wieder gegen Köln ziehen. Die berühmte Schlacht um die Ulrepfor te, die ich schon beschrieben habe, findet hier in der Nacht vom 14. auf den 15. Oktober 1268 statt. Ganz vorn mit dabei – ihr wisst es schon: Matthias Overstolz vielleicht um die 53 Jahre alt.

Direkt beim ersten Angriff wird er schwer verwundet und weiß, dass er sterben muss. In diesem Moment richtet er sein Wort an die Kölner, die noch zögern, den Overstolzen zu helfen: Hier geht es jetzt um Köln. Bleibt Köln frei oder dienen wir Kölschen diesem Erzbischof, der gerade seine eigene Stadt plündern will? Dat wirkt, auch bei seinem Sohn: Gerhard Overstolz schnappt sich seine Axt und pflügt durch die Reihen des Feindes…

MichaelRead more