Nulstil søgning
Horsefly‘s Winterdream!?
  • Carpe Diem 6100
  • Carpe Diem 6100

Horsefly‘s Winterdream!?

Et 48-dags eventyr af Carpe Diem 6100 Læs mere
FølgOversigtOversigtKalenderKalenderBillederBillederDelDelTræskoliste
OversigtKalenderBilleder
  • Carpe Diem 6100Horsefly‘s Winterdream!?Rejsende

    Williams Lake zum 2. ……

    17. januar 2025, Canada ⋅ ☁️ -2 °C

    Was geschter nid klappet het, wird hüt wahr! Oder öppe doch nid.
    Ir Nacht isch d‘Schnutzi über Gravelroad gfahre u het üsi Ifahrt mit ä mä herte Schnee-Ischwaum vermacht. Wo ig mit üsem Subaru (PW mit 4x4) uf Gravelroud ha wöuä fahre heter zersch vorn ä chli agsteut u wo i de drüber „gchrauet“ bi, hani gmeint itz blibi ufem Schneewaum hocke. Het doch no klappet u bi Beat heimer ds Outo gwächslet (Ford Explorer 4x4).
    Ds Williams Lake heimer zersch im Canadien Tire (wie ä Jumbo) no äs paar Sache ikouft.
    Nächhüär ändläch ga dr Pckup hole. Garage het üs erklärt, das nit ds Gaspedau mit Sensor am Problem, sondern äs Kabu wo dür Steischlag kaputt isch gange verantwortläch für die Fählerazeig gsi isch. Das länge Warte uf ds Ersatzteili wär nid nötig gsi! Da ds Wächsle vo däm länge Kabu nid verrächnet worde isch, isch o d‘ Rächnig nid türer worde. (Arbeit vo 4,5 Std.).
    Tip top itz i Fox Mountain Brewing ga z’Mittag ässe.
    Bim Abefahre (5 Min.) hani no schnäu wöuä dSchibe mit äm Wüscher putze. Aber hoppla, Wasser isch cho aber Gwüscht hets nid.
    Bim Reschtaurant acho u gluegt , warum äs nid gwünscht het!? Dr Fau isch klar gsi. Äs het gar keni Schibewüscher me dran gha. Beat u ig hei üs nume agluegt u hei unglöibig dr Ranze vou glachet.
    Nachem Ässe wieder zur Fordgarage. Die heis nid chönne gloube was da passiert isch. Dr Mechaniker het d‘ Schiebewüscher abmontiert u vergässe wieder z‘montiere!?!?!?!🥵🤣
    Während äm Warte si mir dusse no ga Neuwage aluege. Ha eine gfunge: Ford F-350 Super Duty Platinum für schlappi CAD 131‘000.00. (CHF 82‘000.-)😜🤩
    Z‘Heifahre mitäm Pickup hani gnosse.

    Dr Schneewaum het am 🛻 nüt gmacht. Sicherheitshauber si dMartina u ig du dä Schneewaum ga wägschufle, isch fei ä Chrampf gsi.    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    äs isch…

    18. januar 2025, Canada ⋅ ☁️ -13 °C

    wis isch, di erschti chauti Nacht u ä chaute Tag, da muesch heize…
    Ä neue Bsuech hets o gä uf dr Terasse bim Voguhüsli.
    D‘Martina isch mit Froue vom „Schuechoche“ ga äs Spaziergängli mache u ids Cornerhouse Cafe ga zMittag ässe. Beat u ig si de o no dert ga Ässe.Læs mere

    Se oversættelse
  • Carpe Diem 6100Horsefly‘s Winterdream!?Rejsende
    211

    Usflug….

    21. januar 2025, Canada ⋅ ☀️ -7 °C

    Hüt am Morge früsch verschneit. Gseht zouberhaft us! Settige trochene Schnee hani scho lang nüm gseh. Eifach furtblase.

    Die geschtrige Wanderig het guet ta. Hüt no grad einisch.
    Aber das Mau gömer uf Williams Lake. Nach äre Stung Outofahrt heimer am haubi Eufi dr Bull Mountain Cross Country Ski Trail erreicht. Super Langlouf -Löipe, Langlouf-Löipe mit Hung oder Schneeschuehtrail.
    Mir hei dr Schneeschuetrail aus Winterwanderwäg brucht😜😅.. Super gsi. Villächt gömer no einisch u mache de dr läng Schneeschuetrail.
    We mir no mau im Winter uf Horsefly sötte ga, wird d’Langlouf-Usrüschtig (ohni Schi, chame miete) mitgnoh!

    Uf dr Rückfahrt simer ds Williams Lake öppis chlise ga ässe (Fox Moutain Brew ) u nächhär no ga ichoufe. Isch scho fischter gsi wo mir du daheim si gsi!    Læs mere

    Se oversættelse
  • Carpe Diem 6100Horsefly‘s Winterdream!?Rejsende
    1

    Choche u Wärke u no…

    22. januar 2025, Canada ⋅ ☁️ -12 °C

    D‘Martina isch hüt wieder id Schueh ga choche.
    Näbe Salat, Frücht. Brot hets no feins Pullet Pork ghä. Wie bi üs ir Schwiz gits bi de Ching verschiedene Choschtgänger….
    Pullet Pork hets zviu gha u mir hei du zum Znacht o no chönne ässe.

    Euche si hüt am Morge o wieder z`Bsuech cho. Ha hüt wieder d`Wiudkamera kontrolliert u ä si fei viu Euche ufgno worde. Fasch jedi zwöiti Nacht gäge Morge chöme die Tier cho Sauz läke.

    Am Mäntig hani agfange für Box vom Pickup ä chline Trenntrennlade zmache. So verrütscht bi wenig Ladig die ganze Sach nid nach füre. Ds Ipasse isch nicht ganz eifach gsi,
    Dr Temperaturungerschied macht cheibe viu us. Was am Mäntig no tip top passt het, isch wos wermer isch worde cheibe äng gsi. Da das Teili im Summer o söt inepasse hani ds Ganze no chli kürzt. Agstriche wird das dä Lade de o no.

    Am Namittag heimer ä neue Bsuecher bir Sauzläcki entdeckt. Ä junge Hirsch het gnüssläch am Stamm Sauz gläcket.

    Äs söt morn wieder Schneie. Vorsichtshauber isch üses Zuefahrtsträssli zur Gravelroua gschnutzet worde.    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Tier beobachte u d‘Sunne gniesse…

    23. januar 2025, Canada ⋅ ❄️ -4 °C

    Hüt hets am Morge fei gschneit, het super usgse wo nächhär d‘Sunne cho isch.
    5 jungi Hirsche hei sich o zeigt u am Waudrand unger dä Tanne nach Frässe gsuecht.
    Äs chöme nume ei „Sorte“ vo Vögu cho Fueter hole, äs si Schwarzchopfmeise.

    Am Namittag heimer d‘Sunne uf dr Terrasse gnosse. Hesch di aber warm müesse alege.

    Mi Pickup-Box-Lade hani no agstriche, bi de gspannt wis de usgseht. Am Fritg weis i de meh.

    Hei äs „Schwinsporterhouse/T-bonesteak
    (Pork Chop Central Cut) zum Znacht gha. Natürläch o Gmües (Fänchu) u Härdöpfu (Pommes Lyonnaise).

    Ds Liecht am Tanneboum isch immer no am Lüchte, wes de glägentläch sött ä chli wermer wärde, so 2 Grad über Nuu, probieri mau ds Verlängerigskabu zum Schnee useznäh!🫤    Læs mere

    Se oversættelse
  • Carpe Diem 6100Horsefly‘s Winterdream!?Rejsende
    äs Hillbilly blonde 🍺 please, aber tepmeriert🤣🤣

    Horsefly…..

    24. januar 2025, Canada ⋅ ⛅ -8 °C

    Ä Schönwätertag isch agseit gsi. Mir hei wieder ä chline Spaziergang ds Horsefly gmacht. Dä Wäg heimer scho einisch gmacht, das mau ir umgekehrter Richtig. Het viu Neischnee gha u drum asträngender aus letschtes Mau.
    Nächär simer no öppis chlises i Clark Store ga ichoufe.

    Dr Pickup-Box-Lade gseht agmahle nid schlächt us!?!    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    uHu-Spaziergang u Raclette speziau….

    25. januar 2025, Canada ⋅ ☀️ -13 °C

    Hüt wieder ä sunnige Tag. Si ufem Fluchtwäg düre Schnee gschtapft. Isch cheibe asträngend gsi. Het meh Schnee gha aus mir dänkt hei. Si sehr viu verschiedeni Tierspure umenang gsi.

    Äs chlises Apero ar Sunne uf dr Terrasse gno. Si üs vorcho wie bir Bägrhütte imene Schigebiet, aber viuuuuu ruhiger😜.

    Zum Znacht simer bi Esti u Beat zu Raclette iglade gsi. Äs isch äs Raclette sehr riche gsi!    Læs mere

    Se oversættelse
  • Carpe Diem 6100Horsefly‘s Winterdream!?Rejsende
    5Wettbewärbsfrag: was isch das?

    Ichoufe u Sunntigswettbewärb

    26. januar 2025, Canada ⋅ 🌙 -15 °C

    Chaut isches wieder gsi, o düre Tag!
    Ichoufe isch agseit gsi. Ja sicher, ds Williams Lake hei di grosse Gschäft o am Sunntig genau glich offe wie dür dWuche. Hei no ä chline Spaziergang düre Park u vor 1st Ave bis zu 4th Ave gmacht. Hei mau die viele Gschäfter beguetachtet.

    Bim Heifahre heimer Schneebärge gseh wo im Summer o gsehsch, aber dir nid bewusst si.
    Churz bevor mir hei müesse i üses Strässli abbiege isch no d‘Schneeschnutzi ungerwägs gsi.

    Znachtässe isch wie immer super gsi! D‘Wettbewärbs-Frag isch:

    Was hei mir gässe? ( zwöitletschte Foto)

    1. Pris: äs Nachtässe bi üs daheime (ds‘Wichtrach)
    2. Pris: äs Kanadisches ZMorge (ds‘Wichtrach)
    3. Pris öppis us Canada

    Uslosig unger dä richtge Antworte findet am Samschtig, 31. Januar 2025 am Abe bi üs in Canada statt!
    Glücksfee sueche mir bis no.

    Gäbet eue Tipp unger Bemerkige oder uf WhatsApp ab!

    Viu Glück    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Gavin Lake

    27. januar 2025, Canada ⋅ ☁️ -13 °C

    Hüt isch üses Wander-Ziu dr Cavin Lake gsi. Nachere 1-stünige Outofahrt dürs kurveriche, aber schöne Beaver-Valley, simer im Cavin Lake Forest Education Society Center acho. Äs chlises „Dörfli“ mit verschiedene Cabins. Das „Dörfli“ chasch nume aus Ganzes miete u wird vorauem vo Schuele, Sportvereine etc. gmietet.
    Dert hets o ä a Wanderwäg wo ume See chasch loufe. Mir hei dä schön gspuret Wäg i Agriff gno. D’Natur hie het fantastisch usgesh. Mit -7 Grad aber o ordeli chaut. Nachere haub Stung loufe isch dä gspuret wäg fertig gsi u Schneeschueh wäre nötig gsi. Mir si wieder retour u hei üs ds Dörli agluegt. Ä Souna u ä chlini Schlöfbahn hets o gha.
    Ä Frou wo dert imene Cabin isch gsi het üs mitteut , das mir o chönnte Langloufschi oder Schneeschue miete. Aber für das isch Zyt z‘churz gsi. So simer wieder dür ds Beaver Valley zrügg nach Hordefly. Wär weiss, villäch gö mir nächscht Wuche aus chrönende Abschluss vo üsem Canada-Ufenthaut no ga Schneeschue miete u mache dä Trail!?!    Læs mere

    Se oversættelse
  • Carpe Diem 6100Horsefly‘s Winterdream!?Rejsende
    1

    Zämerume, Pork Belly u…..

    28. januar 2025, Canada ⋅ ☁️ -11 °C

    Sit am Samschtig am Abe isch üsi Wiehnachtsboumbelüchtig nüme gange. Da mir die Belüchtig so oder so hüt hei wöue abrume, heimer däm fischtere 🌲 ke Beachtig gschänkt.
    Wo ig dr Boum hüt ha „abschmückt“ isch mir klar worde wärum d‘Belüchtig nüm brönnt het.
    Euche hei sich ar Liechterchetti vertörlet u d’Ketti usenanger gschrisse.
    Ds Izie vom Verlägergskabu isch nid ganz eifach gsi. Isch doch ds Kabu uf dr Terrasse richtig im Isch igfore gsi.

    Nid nume hie ds Canada isch Pork Belly ä Gnuss.
    Hüt hani mi o a das Fleischgricht häregmacht. Äs git verschideni Variantenre i ha die vor Marion Grabsy gno. Ds einzige wo ig angersch gmacht ha, isch Zytdur vom Isauze. Nume ä Namittag lang u nid ä ganzi Nacht. Aber ds Ärgäbis isch o fein gsi. Daheime wird i de ds Rezäpt richtig mache! Mau luege……

    Morn Donnschtig u o Frittig söus chli wermer wärde. Mir freue üs, wiu ab Wucheänd söus wider viu cheuter wärde. Äs git zwe Variantene, bi gspannt weli das mir wärde ha!🥶🥶❄️☃️    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Choche, Büro, Wärke….

    29. januar 2025, Canada ⋅ ☁️ -10 °C

    Hüt am Morge isch d‘Martina wieder id Schueh ga choche.
    Zersch hani no äs paar Mails gmacht u nächhär mi Pickup-Lade no ergänzt, so das me no öppis cha fixiere z.B. ä Ghüdderchübu.

    Das hüt nid so chaut isch gsi (0 Grad) heimer wieder mau äs Füür ir Füürschale gmacht u no grad dusse Znachtgässe. Hei kanadischi Cervelat am Stäcke brätle u Brötli derzue gässe. Fasch wi ar Aare😜🤣

    Hüt no chli üsi nächschte Canada-Ferie detaillierter planet.    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Ichoufe u …

    31. januar 2025, Canada ⋅ 🌙 -1 °C

    Hüt am morge hets wieder wisser usgseh. Aber immer no agnähmi Teperature.

    „Gmeinsams“ Ichoufe in Williams Lake isch agseit gsi. Am Nüni bini Esther u dr Best ga abhole.
    Schneebedeckti Strass bis Williams Lake.
    Bim zrüggfahre isch d‘Schtrass nume no nass gsi. Das het viu Schibewüschwasser brucht, vorauem we ä Logtruck äntgäge cho isch.
    Auso, daheime Schiebewüschwasser uffüe. Nid bis -20 Grad, nei nis minus 50 Grad het das Wasser stand (äuä 50 Prozänt Aukohou).
    Ha no grad dr Stecker für Motorblockheizig kontrolliert, sött äuä nid nötig wärde.

    D‘Martina isch daheime blibe u het unger angerem d‘Fänschterschiben inne putzt.

    Am Abe am Nüni isch immer no drü Grad warm gsi, Ä Stung speter scho minus füf unger Nu! Bi gspannt wie chaut äs de am Morge isch…    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Chaut o … u ….

    1. februar 2025, Canada ⋅ ⛅ -19 °C

    Hüt am Morge früsch verschneit u mit minus 20 Grad ordeli chaut. Düre Tag ische ni wermer aus minus 11 Grad gsi. Mi gwanet sich o a Keuti.😜🇨🇦

    Wieder isch am Morge ä Hirsch ar Sauzläcki gsi u am Namittag sogar zwe.

    Zum Znacht si Esther u Beat cho u mir hei ä gmüetläche Abe gha. D‘ Esther isch Glückfee vom Sunntigswettbewärb gsi.

    Bim Wettbewärb si füf Antworte igange. Zwöi si richtig gsi.
    D‘Uflösig isch: Maisflade/Polänte us dr Bratpfanne.
    Der erscht Pris äs Nachtässe, dr zwöit Pris a Brunch, beides bi üs ds Wichtrach natürläch für zwöi Persone.
    Heiters usegfunge wär die Gwinner si?
    We nid, morn me🤣    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Sunntig…

    2. februar 2025, Canada ⋅ ☁️ -25 °C

    Hüt am Morge si minus 25 Grad gsi ,öppe 5 cm Neuschnee hets o wieder gä. Düre Tag isch Temperatur nie über minus 19 Grad gschtige.
    Sogar d‘Schibe si inne gfrore.🥶

    Dr ganz Namittag hets starch gschneit. Ha äs Video gmacht, dr Schnee isch wäge dr Cheuti so fin u troche gsi, dass dr Schnee ufem Video gar nid gseh hesch (ds Video grad wieder glösche).

    Hei dr ganz Tag dr Ofe im Wohnzimmer igfüret!🔥

    Für die wos no nid usegfunge hei, d‘ Gwinner vom Sunntigswettbewärb si.

    Nachtässe für 2 Persone: Rüedu
    Brunch für 2 Persone: Katrin

    Für die wo leider dr näbe tippet hei gits de no ä Troschtpris.

    Abem Dsichti 4. Februar hei mir im Huus ke Internet meh. Für 5 Tag hei mir nid wöuä CAD 210 (CHF 130) zahle, si aber sporadisch, we mir ds Williams Lake si „online“.    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Williams Lake u de äbe…

    3. februar 2025, Canada ⋅ 🌫 -22 °C

    Mir hei no äs paar Bsorgige müesse mache.
    Ufem Touist Center si mir o no verbi. Ungerlage für im Summer hei no gfäut.

    Churz vor de Viere simer wieder daheime gsi, hei no einzelni Sache über Internet wöuä mache, aber o ha lätz, Starlink het am drü pm abgschaute gha. Das wär 24.00 h Schwizer Zyt. mues de mau reklamiere wieso das passiert isch!

    Müesse das de haut öppe bi Esther ‚su Beat‘ wlan erledige.    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Ufrume, Putze u….

    4. februar 2025, Canada ⋅ ☁️ -26 °C

    Dr Dsischti isch für di erschte Putz- u Ufrumarbeite dänkt gsi.
    D‘Martina het mau no gwöschet u ir Chuchi dr Herd, Abzug etc. gründläch putzt.
    I ha d‘Wärchstatt ufgrumt u dr Subaru, so guet wis bi -20 Grad geit, vorauem inne putzt.

    Hüt ische o wieder chaut gsi, am Morge -22 Grad u am Namittag wo d‘Sunne chli cho isch, -18 Grad.    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    z‘letscht mau Choche….

    5. februar 2025, Canada ⋅ 🌙 -26 °C

    Bir Martina isch zletscht mau Choche ir Schueh agseit gsi.
    I ha dr Bachofe gründlach mit Ofespray putzt u die letschte hartnäckige Fläcke vom Truthahn brate eliminiert. Iz gseht dr Ofe us wie nue😜🤣

    Wägem zfrüeche Absteue vom Internet bi üs, bini zu Beat hei, äs wichtigs Mail ga mache.

    I bi d‘Martina ir Schueu ga abhole u hei bo dr Ghüdder ufe Dump bracht u no im Store öppis ikouft.    Læs mere

    Se oversættelse
  • Carpe Diem 6100Horsefly‘s Winterdream!?Rejsende
    am Zäh vor Achti am Morge

    Wiudkamera, Rattenäscht u no…..

    6. februar 2025, Canada ⋅ ☀️ -24 °C

    Zum Usegah am Morge nachem Zmorge isches no chli zchaut gsi.
    Öppis nach dä Zähni si mir du use a di „früschi“ Luft. D‘Wiudkamera heimer inegrumt. Sit das äs so chaut isch worde, si keni Tier meh bir Sauzläcki gsi.

    D‘Führschale o no inegrumt. Zwüsche dä Schitterbigene hets äs Rattenäscht gha, wo aber nüm bewohnt isch gsi. Das heimer wäggrumt ir Hoffnig, we mir nüm da si, dass d‘Ratte nüme zrügg chöme?! I frage mi ob di cheibe 🐀 üsi Huus-solation brucht hei für ihres Näscht.

    Da äs gäge Mittag wäge dr Sunne chli wermer isch worde (-18 Grad), heimer no äs chlises Spaziergängli ar Strass entlang gmacht.
    I dä Birkeböum hets Räbhüehner gha, wo Fueter uf de Escht gfunge hei. Isch scho spezieu, heimer doch die Vögu bis itz nume am Strasserand gseh.

    Hei no ä Abstächer a Horsfly Lake gmacht. Afangs Januar isch no nüt vo Seegfröri gsi. Itz aber ischer ganz zuegfrore. Gseht irgenwie spezeu us.

    Zum Znacht simer bi Esther u Beat iglade gsi. Isch wie immer sehr fein gsi.    Læs mere

    Se oversættelse
  • Carpe Diem 6100Horsefly‘s Winterdream!?Rejsende
    1

    Wandere u de no…

    7. februar 2025, Canada ⋅ ☁️ -23 °C

    Ds Wätter sött hüt schön wärde. Wei ä chlini Wanderig in Williams Lake mache.
    Zersch ids Tourist Center ga frage wo mir so ä Wanderig, nid zläng, bi -18 Grad, chöi mache? Ds Williams Lake isches cheuter gsi weder ds Horsefly. Im Scout Island Nature Center (ä chlini Haubinsu) isch dr Vorschlag gsi.

    Hei no grad einisch Ungerlage vo Vancouver Island u Northern BC mitgno.
    Ganz schöni Wanderig, um die Insle ume, teuwies sogar ufem See.
    Im Summer söus dert no schöner si, we Pflanze blühe. Viu verschiedeni Tier söu me o gseh.

    Nach üsem stündige Spaziergang simer no zur Outoversicherig. D‘Martina het no müesse aus zuesätzläche Fahrer vom Pickup itreit wärde. Bi Kontrouene etc. söus besser si we si itreit isch. D‘Erklärig lani la si, wär viu zläng.    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Neui Ougelinse….

    8. februar 2025, Canada ⋅ ⛅ -17 °C

    Hüt hets früeh Tagwach gä. Am Sächsi bi Beat abgmacht. Är überchunnt hüt in Williams Lake o no am rächte Oug ä nöi Linse igsetzt.
    Da ir Nacht Schnee agseit isch gsi simer chli früecher gfahre. Am haube Achti het är Termin gha. Pünktläch im Spitau dracho.
    I bi no schnäu ga tanke (100 lt).
    Am zwänzg vor Nüni isch är scho fertig gsi.

    Sofort ga Zmorge ässe u de no ga Ougetröpf choufe.

    D‘ Martina het am Morge Wösch gwäsche.
    Am Namittag simer uf Horsefly chli ga spaziere.

    Äs isch wermer worde hie in Horsefly.
    Am Morge nume no - 15 Grad u am Namittag, bi Sunne, -10 Grad. Cha scho i dä churze Hose use ga Houz hole. Mi gwannet sich schnau a di „Cheuti“    Læs mere

    Se oversættelse
  • Carpe Diem 6100Horsefly‘s Winterdream!?Rejsende

    Its geit hei….

    10. februar 2025, Canada ⋅ 🌙 -22 °C

    Itz geits los. Pouschter vor äm Stoub schütze, Zmorge ässe, abwäsche u Goffere zue am haubi Nüni bi Esther u Beat ga dr Pickup abgä. Mit Esther‘s Outo simer du zviert a Flughafe in Williams Lake gfahre. Zur Zyt der gsi, mit äre Stung Verspätig nach Vancouver abgfloge.
    Ä chline Troscht , äs isch äs grössers Flugzüg gsi mit meh Komfort u nid so lut. Het sogar Sauzbrätzeli u Minerauwasser gä👏🏻
    Ä schlne Flug über Coast Mountains gsi.

    YVR South acho, mit äm Shuttle zum YVR International Airport, dert Goffere im CDS Baggage abghä. So müesse mir die cheibe Goffere nid immer umeferge.

    Hie ds Vancouver isches scho fasch „heiss“, grad mau 0 Grad. het sogar Schnee gha!

    Nachere 30 minütige Taxifahrt simmer bi Erika u Walter acho. Dert übernachte mir de o.

    Sehr guet u günschtig bimene Chines Znacht gässe.    Læs mere

    Se oversættelse
  • 2026© FindPenguins
  • Hjem
  • Om os
  • Gruppesporing
  • Presse
  • Betingelser
  • Privatliv & Cookies
  • Hjælpecenter
  • Aftryk