Reset search
Hawaii 🌞🌸🌊🥥🏄‍♀️
  • Livia Betschart

Hawaii 🌞🌸🌊🥥🏄‍♀️

A 30-day adventure by Livia Read more
FollowInsightsInsightsCalendarCalendarShareShareBucket list
Newest first
  • Livia BetschartHawaii 🌞🌸🌊🥥🏄‍♀️Traveler
    1

    Roadtrippin' in den Norden🌧️☕️

    November 29, 2023 in the United States ⋅ ☁️ 24 °C

    Hit Morgä simmer s‘Aito go holä. Dasmal gids ä VW, dä fiährt ys diä nechschtä zwei Täg dur d‘Inslä. So hemmer ys ufä Wäg i Nordä gmacht & d‘Grossstadt hinder ys gla. S‘Wätter isch glich wiä gester Morgä, äs rägnet! Ah diä 6 spuirig Aitobahn hani mich definitiv zerst miässä drah gwehnä. Bi dä North Shore ahcho heds wiä immer zerst äs Kaffi gä, i dä Hoffnig dass dä Rägä nah gid - isch aber leider nid dä Fall gsi. Dä Rägäschirm isch d‘Investition vom Tag gsi. Guäd uisgristet hed ys dä Rägä kei Bang meh gmacht und miär hend dä Surfer zuägluägt, d‘Wällä ah dä North Shore sind i dä Wintermenet riesig hech, bis zu 10 Meter, hiä surfid also nur d‘Profis. Am Meer hemmer paar scheeni Muschlä gfundä🐚 Am Namitag hed dä Rägä immerhin bitzli nahgä, so hemmer ah diverse Spots halt gha & d‘Uissicht gnossä. Dä letschdi Halt isch bim Tantalus Lookout gsi, det gsehdmä uf Honolulu, dä Krater isch dä Diamond Head (wo mr gärn nu dä Sunnäuifgang wend go luägä). Dä Whirlpool ghert afä zu ysem fixä Tagesprogramm, s‘isch amä sehr lustig da machtmä Bekanntschaftä us aller Wält mit jung & alt 🦦Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Roadtrippin‘ in den Osten🌊⛰️

    November 30, 2023 in the United States ⋅ ☁️ 25 °C

    Hit simmer dä Ostä vo dä Inslä O‘ahu go erkundigä. S‘Wätter hed hit guäd mitgmacht, was ys sehr gfräit hed. Nachem obligatorischä Kaffistopp simmer ufnä Ranch chli go nissä. Wiiters hemmer einisch meh das wunderscheenä Meer & diä wildä Wällä bestuint. Froh um bewölkts Wätter simmer uf dä Wanderig zu dä Pillboxä gsi, d‘Wanderig isch nämli ziemli stotzig gsi (zum Glück hemmer d‘Trekkingschuäh mondiärt). Pillboxä sind Bunker vom zweitä Wältchriäg, eignit sich hit aber als coolä Spot zum
    paari Fotänä z‘machä. D‘Ahstrengig heds sich definitiv glohnt🫠😍 Nachärä churzä Aitofahrt hemmer diä zweit Wanderig ih Ahgriff gnu & zwar zumänä Lüchtturm. Dä Sunnäundergang hemmer bi dä China Walls gluägt. Diä Wällä da sind scho schiär aggressiv gsi & mä hed chli miässä uifpassä. Ai da heds Local Liit gha am Surfe, sehr imposant gsi dänä zuäzluägä..
    Ungärn hemmer dä VW wieder zrugbracht, diä restlichä Täg vo ysärä Reis simmer nu ohni Aito unterwägs.
    Mit dänä vielnä Ihdrick gemmer ez go pfuisä, wenn s‘Wätter morä mitmacht gahds fir ys nämli friäh los😊    Read more

  • Livia BetschartHawaii 🌞🌸🌊🥥🏄‍♀️Traveler

    Delfinschwimmen🐬

    December 1, 2023 in the United States ⋅ ☁️ 23 °C

    Am Morgä am 6i isch hit dä Bus los gfahrä, zum Hafä im Westä vo dä Inslä. Det simmer ufs Boot umgstigä & sind los düsed. Um diä Ziit isches nu ziemli frisch gsi ufem Boot, s‘hed ai ziemli diä ganz Fahrt biz grägnet. So simmer wiit i Ozean uisä gfahrä. D‘Crew hed debii immer nach Delfinä gluägt. Als Ritual hemmer alli ä Bluämä ubercho, d’Hymne (oder epis ähnlichs) gsungä & de d’Bluämä uber Board griährt - das sell Glick bringä. Miär sind sicher epä ä Stund umänand gfahrä bis mr diä erstä Delfinä entdeckt hend. Äs sind epä um diä 15 gsi, sie hend ai d‘Babys debi gha die sind so härzig gsii😍 Delfinä sind sehr schnälli Tiär, drum sinds amä gschwind wieder fort gsi. Z‘Hawaii isch vom November bis April Walsaison. Diä nämid dä langi Wäg vo Alaska uf sich um hiä i dä Winterziit ihri Babys uf d‘Wält zbringä & sie grossziäh, diä hemmer hit leider nid gseh. Chli necher am Ufer hemmer amänä Riff halt gha & hend det chenä go schnorchlä, isch bis ez dä scheenschti Riff gsi🤩🐠🐡 S‘Boot hed nu diversi Wasseraktivitäte ahbotä wo sehr lustig gsi sind zum uisprobiärä & ys warm phaltä, wiä ä Rutschbahn, Paddle Board, Luftmatratze & nu meh. Dä Yuya (Fotograf) hed cooli Fotis ufem Boot wiä ai under Wasser gmacht, diä Fotis hemmer leider nunid ubercho..
    Zrugg bim Hotel hemmer ys erstmal im Whirlpool miässä uifwärme. Am Namitag simmer numal chli dur d‘Stadt glufä, sind go käffälä & hend dä Volleyballer zuägluägt. Spannend hiä in O‘ahu isch, dass egal wiä wiäscht s‘Wätter durä Tag isch am Abig duäds immer uif & gid ä scheenä Sunnäundergang. Jedä Fritig gids äs Fürwärch, das hemmer ys natürlich nid chenä la entgah🎇 Spontan hemmer diä bekannti vo Alpnach glich nu troffä & dä Abig so lah uisklingä. Miär frääid ys morn mal wieder chli länger z‘schlafä😊    Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Beachday & surfen 🏖️🏄🏻‍♀️

    December 2, 2023 in the United States ⋅ ☀️ 25 °C

    Dä Wätterbricht hed fir hit wieder einisch Rägä gmäldet, drum hemmer käs Programm plant & uisgschlafä. Wo miär verwached sind, isch aber s‘scheenschti Wätter gsi. So simmer schnäll usem Bett gsi & churzi Ziit später im Kaffi. Da miär scho viel vo dä Inslä O‘ahu gseh hend hemmer ys ä gmiätlichä Tag am Strand gmacht. S‘hed so guäd taa diä warm oder besser gseid heiss Sunnä gniässä. Hit heds ai dä erscht Sunnäbrand gä🫣 Am Namitag simmer nu go surfe. Diräkt am Strand chamä Surfboards miätä. Da miär beed scho sind go surfe hemmer kei Kurs buäched sondern sind älläi uisä. Das isch ziemli lustig gsi. Hend aber ai diä eint oder ander Wällä verwitschd. Diä Sunnäundergäng hiä am Meer sind ein absoluter Gaumenschmaus. Am Abig heds äs feins Znacht & äs Dessert gää. Nach däm Tag isch ysä Sunnätank ziemli gfillt☀️☀️ Hit gads wieder chli friähner is Bett, morn warted numal richtig cools Programm uf ys🤩Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Last Day Hawaii🌞🌄🌺

    December 3, 2023 in the United States ⋅ ☀️ 25 °C

    Am Morgä am 5ii isch hit Tagwach gsi. Dä Bus hed ys zum Startpunkt vo dä Wanderig ufä Diamond Head gfahrä. So simmer ca 50 Minuitä obsi gwanderet. Det ahcho hemmer ä scheenä Sunnäuifgang gnossä🌞 Äs isch am Morgä friäh scho sehr warm wordä. Zrugg i dä Stadt hemmer ys äs feins Zmorgä verdiänt. Firnäs letschds Mal simmer ah Strand go sünnälä & im himmelblauä Meer go badä. Da d‘Wällä hit chli hecher gsi sind hemmer ys surfe nid lah entga. Wills hiä am Waikiki Beach zum Teil chle komischi Gstaltä umä hed hemmer s‘Natel zum Surfe im Hotel glah & drum gids käs Fotis devo. Am spätere Namitag simmer vom Car abgholt wordä fir as Luau. Det heds zur Begriässig ä richtigi Bluämächetti gää (wo miär leider nid derfid mit is Flugziig nää..). Det hedmä diversi traditionelli Aktivitäte chenä uisprobiärä wiä Ukulele spielä, Bluämächetti machä, lerä Fischä, Tanzä & nu viu meh. Vorem Znacht heds numal bitzli grägned, wo‘s nah aber ä Rägäbogä gä hed🤩 Am Buffet hemmer eiditig gnuäg feins Ässä ubercho. Wo all fertig gässä hend, hed diä offiziell Luau Show ahgfangä, sehr spannend gsi d‘Kultur & d‘Gschicht vo Hawaii zkennälerä. Das hemmer hiä sehr spontan buäched, was sich aber sehr glohnt hed, isch äs wiiters Highlight vo därä Reis😍🌺 Zum letschdä Mal hemmer ysi Rucksäck packt, will äs gad heizuä. Diä nechschtä zwee Täg (mit Ziitverschiäbig) sind miär am zrugg reisä, da nimm ich ych ai nu bitz mit, bevor diä Reis hiä definitiv z‘Änd gad. Miär sind sehr dankbar fir diä toll Ziit hiä im Paradies & sind uberglücklich🌴🌞🐬🐢🐚Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Mahalo Hawaii🫶🏼

    December 4, 2023 in the United States ⋅ 🌙 23 °C

    Sitem 6i simmer am Flughafä. Braun gebrannt stigemer ezde is Flugziig & lehnd Hawaii hinder ys. Das warmä Wätter wirdemer definitiv vermissä😢
    Ademercii & bis zum nechschtä mal😊

    See translation
  • Livia BetschartHawaii 🌞🌸🌊🥥🏄‍♀️Traveler

    Zwischenstopp San Francisco🌉

    December 4, 2023 in the United States ⋅ 🌙 15 °C

    Guät simmer am Flughafä San Francisco ahcho. Ä 5 stündigä Uifenthalt hemmer da. Das isch tiptop zum epis Ässä, chle umälaifä & das mr dä Ahschlussflug sicherlich nid verpassid. Hiä isch scho wieder ä anderi Ziitzonä & d‘Sunnä isch ez grad undergangä.. komisch zum gseh will sie bim Abflug erst grad uifgangä isch. S’Gepäck wird automatisch i nechscht Fliiger transportiärt so chemmer numal chli relaxe. Ez wartemer am Gate G13 ufä Heiflug nach Zürich✈️🇨🇭 Byebye USA 👋🏼Read more

    See translation
  • Livia BetschartHawaii 🌞🌸🌊🥥🏄‍♀️Traveler

    Hallo Schwiiz🇨🇭

    December 5, 2023 in Switzerland

    Nachärä langä Reis simmer guäd in Züri am Flughafä ahcho. Ufem Wäg hei hemmer nu ä Abstächer ah Wiähnachtsmärt gmacht und hend mim Gliähwii uf diä glungnig & unvergässlich Reis ahgstossä. Ja ah diä Temperatuirä miämer ys diä nechschtä Täg nu dra gwehnä & nei diä warmä Chleider hemmer uf dä Reis nid mitdrbiä gha😅 So gad diä Reis z‘Änd. Dankä firs mitverfolgä🥰 Adeemercii👋🏼Read more

    See translation
    Trip end
    December 5, 2023
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice