Hola Nativo - Hola Santa Catalina

Nach ere rund 6 stündige Outofahrt mit em Chago si mer hüt am Namitag, pünktlich zum ichecke in Santa Catalina acho. Aus ersts hei mer mau uf der Therasse bi herrlicher Ussicht öpis trunke und üs ir Hotelalag chli umegluegt. Im Pool mit Meerblick müesse mer üs de scho mau no go abchüele, vorerst wei mer aber is Dörfli füre spaziere und üs im Divecenter go amälde. Vom Herr am Checkin isch üs e Schlichwäg am Strand entlang empfohle worde wo me bi Ebbe guet chönn näh und viu schneuer devore sig. So hei mir üs uf e Wäg gmacht und si ca. 10 Minute später vor üsem Divecenter gstande. Drinne hei mir de aui Formalitäte usgfüllt und scho mau üsi Flosse aprobiert, z rästliche Equipment chönne mer de vor üsem erste Touchgang aprobiere. I däm Büro isch es so heiss xi, das es üs schier umghoue het 😵‍💫. Im Kafi näbedra hei mer üs zum glück chönne erfrüsche und scho mau luege was d Zmorgecharte so härgit. I üsem Hotel chöi mer drum nid zmörgele wiu mer scho so früech müesse im Divecenter si.Read more