Entspannte Tag am Pool und guets Znacht

Zum chli acho in Santa Catalina hei mer hüt mau e Tag ohni Aktivitäte gmacht. Eifach chli am Pool chille und s üs la guet ga. 😎 Ds Hotel het e chline "Strand" wo bi Ebbe begehbar isch, es isch sehr felsig, für e chline Namitags Spaziergang hets aber glängt. Da der Food bi üs im Hotel eher tür und qualitativ mässig isch, si mer für z Znacht es paar Hüser witer zoge, was sech definitiv glohnt het! Im AI MAMITA hei mir trotz fählender Reservation no e Tisch übercho und si voll uf üsi Chöste cho! Scho z Ambiente und die tagesaktuelli Menutafele het üs überzügt, die servierte Menu si mindistens so guet xi wie sie usgse... 😋 hie si mer sicher nid z letscht mau xi, d Nadine het ja scho gli Geburtstag, dä chönnt me hie sicher würdig fiire 🎉 Czytaj więcej