Letschti Abig in Panama City

Es isch leider scho so wit, üsi Ferie in Panama neige sech langsam aber sicher em Ändi zue... 😢 Es letschts mau schlendere mer dür d Altstadt und gönne üs aschliessend e Drink ir Rooftop Bar. Mir gniesses nomau so richtig, was für ne Ussicht über d Altstadt und zur Skyline übere!

Zum chrönende Abschluss gö mer is Benihana go Teppanyaki ässe. Mir si mit der Charte chli überforderet und chöme nid ganz drus was bi dene Gricht aus derzue ghört und was nid... und der Chälner isch chli überforderet mit üsne bescheidene Spanischkentnis. 🙈 Mir bstelle mau uf guet Glück und si gspannt was üs aus uftischet wird. Chli Sushi zur Vorspis, für mi der Hummer mit Shrimps und Muschle und d Nadine het sich für e Thunfisch entschide. Derzue je no chli Ris und Salat. We mir hätte gwüsst wie gross d Portione si hätte mer üs chli zrug ghalte bim bstelle 🙄 mir merke scho bir Vorspis, das mer üs äuä chli übernoh hei. Schlussändlech hei mer üs masslos überfrässe und glich d Helfti müesse la stah...
Ä schöne letschte Abe, z friede rugele mer is Bett ☺️Читать далее