Reset search
Hrvatska - Kroatien
  • NadineLovesTravelling
  • Alex Weber
  • Nico K
  • NadineLovesTravelling
  • Alex Weber
  • Nico K

Hrvatska - Kroatien

A 9-day adventure by NadineLovesTravelling, Alex & Nico Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    September 11, 2025
  • Hrvatska - Kroatien
    Lobby... nöd schlächt 😅
    1Das isch mal King-Size 🤭Ussicht vom BalkonHappy 😊

    Aminess Khalani

    September 12, 2025 in Croatia ⋅ ☀️ 25 °C

    Nach äre guete, aber beängende Uber-Fahrt (mir händ natürlich nöd dra dänkt en Uber-XL z bstelle 😅), simmer öppe nach 1.5h diräkt vor eusem Hotel acho. Hinder dä Bergä häts no mega fest grägnet und zägg eimal durs Tunnel, Sunneschii!
    Vo eusem Hotel simmer grad biz gflasht 😆
    mir sind alli nöd so die 5-Stern-Hotel-Type, aber d Alex hät es unschlagbars Agebot entdeckt gha, da hämmer müässe zueschlah.
    Mir händ es super Studio mit Meerblick und sind happy 😊    Read more

    See translation
  • Hrvatska - Kroatien
    Abig-Spaziergang nach Makarska
    Überall uf em Wäg häts gmüätlichi Beizli a dä PromenadeD Gässli verleitet zum verwiile und schneugä 🤭Schön, wär öppis für dihei aber leider bi wiitem nöd im Budget 😟Gmüätlichs Resti hämmer gfunde 🤩

    Makarska

    September 12, 2025 in Croatia ⋅ ☀️ 23 °C

    Vo eusem Hotel us chammer öppe 2km a dä Promenade alles am Meer entlang füre is Städtli Makarska laufe.
    Unterwägs häts villi Restauräntli und dä eint oder ander Souvenir-Stand. Was sicher isch, das mer sicher nie kei Bargäld hät... uf em Wäg is Städtli zellt mer mind. 24 Bankautomate 😅
    S Städtli sälber isch au mega schön und spontan höckled mer ines Beizli und werdet det vom Martin us Züri-Affoltäre bedient 😂
    Bime spontane Schritt inen Kleiderlade verblüfft d Alex no die zwei Dame det. Beidi, jünger als sie, aber bearbeitet mit Botox, Facelifting und Co. krieged sich nüme ih, wos ghöred wie alt das d Alex isch. Dä einte entgleist grad s Gsicht, also das was no beweglich isch und die ander macht au grossi Auge. Und dänn gahts los, es riise geplapper und gejohle, dä Nico und ich verstönd keis Wort, aber mir lached eus trotzdem schlapp. D Alex, ungwollte im Mittelpunkt, versuecht ihne biizbringe, das sie würklich nüt mache lah hät. Kei Alkohol, nöd rauche und nöd z vill Make-up langed ihne nöd als Begründig. Sie meined dänn, das wahrschindli s Läbe i dä Schwiiz d Alex so jung und glatt laht usgseh 😆🤭 Sie chönds nöd fasse und wänd es Selfie mit ihre, um das ihrne Familie z zeige 😂😂😂
    Irgendwänn cha sich d Alex dänn los riisse und mir lönd die no immer verwunderte Ladies zrugg 😅

    Än gmüätliche, ruhige (ohni wiiteri Botox-Wiederleggigä) Verdauigs-Spaziergang zrugg und dä Tag gaht z änd.    Read more

    See translation
  • Hrvatska - Kroatien
    Weg vom Masse-Tourismus 😊
    Eifach schön 🥰1Hoooi Aleeeeex 🤗

    Beach-Time

    September 13, 2025 in Croatia ⋅ ⛅ 25 °C

    Dä Hotel Strand isch zwar mega näch aber nüt für eus... z vill Mänsche und z luut, da simmer eus alli einig.
    Mir händ es wunderschöns idyllischs Plätzli gfunde, mit nur paar wenige Lüüt. Da lohnt sich au dä 1.4km wiiti Fuessmarsch allemal.

    Meh mummer nöd däzue säge, mir lönd Bilder spräche... 🤩    Read more

    See translation
  • Hrvatska - Kroatien
    Trotz bewölktem Himmel löh mirs üs la guet ga i üsere privat Bucht
    Chli Fischli luege vom Stei usChli Fischli luege under WasserNo es Selfie ar StrandpromenadeLokali Spezialitäte gniesse 😋

    Strand Tag 2

    September 14, 2025 in Croatia ⋅ ☁️ 26 °C

    Hüt isch z Wätter chli dürzoge xi aber trotzdäm warm gnue das mer nomau der Wäg uf üs gno hei und a gmüetlich Strand si chli absits vom Hotel Trubel. Chli si, chli schnorchle, em Meeresrusche und de Grille zuelose, ab und zue es paar Site läse... Am spetere Namitag si mer de wider zrug und hei üs ar Poolbar (es het e Bar im Pool, wie geil isch das!) E Pinacolada gönnt. Mit em Sunneundergang im Rügge si mer de nomau is Städtli füre flaniert, si dert no chli go lädele und als krönende Abschluss vom Tag guet go ässe. Aus i auem e glungnige Tag!Read more

    See translation
  • Hrvatska - Kroatien
    Es geit los, mir lege ab! 🚤
    Üsi Logeplätz uf der Rückbank 🤩Erste Stopp Pokrivenik BayLittle Blue Cave3Der Hafe vo JelsaHärzigi GässliDie malerischi Chile in JelsaUnd witer geitsBlue LagoonRöhrewurm ir Blue LagooStudena Bay1

    Insel-Hopping

    September 15, 2025 in Croatia ⋅ ☀️ 27 °C

    Nach de erste entspannte Täg si mir hüt mau chli aktiver gsi und hei üs für es Inselhopping per Schnällboot agmäldet. Träffpunkt isch am haubi 2 im Hafe vo Makarska. Mir wärde zersch i drü Gruppe à 10 Lüt ufteilt und bestige när mit üsem Captain z Böötli. Da mir z dritt si chöi mir uf em Rückbank grad hinger em Captain und sire Begleitig platz näh. Aus ersts peile mir d Insle Hvar a, dert hets e härzigi Bucht wo mer e erste Halt mache zum schnorchle. Nach guet 20 Min. geits o scho wider witer zur little Blue Cave, e chlini Höli wo me cha ine schwümme und wo dür z ifallende Sunneliecht blau erlüchtet wird. Aschliessend geits witer nach Jelsa, es chlises Hafedörfli uf Hvar. Dert hei mir e Stund zit zum umeflaniere und öpis trinke. Es het mega härzigi Gässli und ig shoppe mir wider mau es T-Shirt im ne abgfahrne Comic-/ Poster-Lade wo mir im Dörfli entdecke. 🙈 Nach em Sightseeing geits o scho wider witer uf znächste Inseli Zečevo wo die malerischi Blue Lagoon uf üs wartet. D sicht i däm Büchtli isch mega klar, ideali vorussetzige zum schnorchle und mit der GoPro paar föteli z mache. Dr letsch Spot uf üsere Tour isch d Studena Bay uf Brač. Da die Bucht chli i de Hügel ibettet isch und d Sunne scho nüm so höch steit isch es chli e schattige ufenthalt. Mir hüpfe zwar no hurti is Meer si aber ziemli schnäll wider dus. Bevors wider zrug nach Makarsks geit fahrt üs der Captain güetigerwis no es paar Meter us der Bucht a d Sunne damit mir üsvor der heifahrt no chli chöi ufwerme. Nach es paar Minute chunnt es zwöits Boot vo üsem Abieter und mir fahre zäme zrüg. Üsi zwöi Boot lifere sich es Chopf a Chopf Renne und versueche enand gägesitig azsprütze mit der Wasserverdrängig vom Boot. Zu üsem leidwäse het der ander Captain z bessere Händli, bim dritte Alouf schwappt e rise Wälle über üses Boot und mir si aui tropfnass... Mir si froh wo mer wider im Hafe achöme, schnäu zrug is Hotel, warm go dusche und trochni Sache alege... 🙈Read more

    See translation
  • Hrvatska - Kroatien
    D Fähre wo üs nach Sumartin bringt
    D Fischer si am Morge scho ihre Fang am verchoufeIfahrt i Hafe vo SumartinSehr es härzigs DörfliWider mau es Instaselfie #Sumartin1D Nadine vou i ihrem ElemäntDer Strand näbem Hafe isch sehr schönZ Wasser isch extrem klar hieSo viu feini Sache hets hie... 😋

    Usflug nach Sumartin

    September 17, 2025 in Croatia ⋅ ⛅ 24 °C

    Hüt hei mer wider mau e Usflug gmacht, uf d Insel Brač isches gange is pitoresque Dörfli Sumartin. Üs isch das Dorf scho bi üsere Bootstour ufgfalle wo mer si dran verbigfahre. D Fähre fahrt diräkt vo Makarska nach Sumartin i 45 Minute. Damit mir no chli öpis vom Tag hei näh mir die ersti Fähre am 9.00 und da mir 45 Minute vorhär scho müesse dert si, müesse mer hüt chli früecher us de Fädere... Es lohnt sech aber, Sumartin isch überschoubar aber härzig und bietet e schöne Strand grad näbem Hafe. Nach em ne Schwumm und chli Sünnele gö mir üs im Fischresti vor Ort go sterche und gönne üs no es Gelati zum Dessert. Uf die 3 geits wider zrug nach Makarska wo mir üs uf em Märit und i de Lädeli mit lokale köstlichkeite idecke.Read more

    See translation
  • Hrvatska - Kroatien
    Letschte Sunneundergang
    Parade in MakarskaAbschieds Konzärt

    Letschte Abe in Makarska

    September 18, 2025 in Croatia ⋅ 🌙 23 °C

    Hinech isch leider scho üse letscht Abe wo mir in Makarska hei 😭 es letschts mau der Sunneundergang gniesse, es letschts mau am Meer entlang is Stedtli flaniere, es letschts mau kroatischi Chuchi gniesse... wo mir is Städtli füre chöme chlepfts und tätschts, und mir ghöre wie e Blasmusig spilt. Ar Hafestrass marschiere Matrose und Pirate, e Parade mit Seeschlacht und Musig isch grad in vollem Gang. Mir blibe e Momänt stah und gö aber zügig witer, das isch üsi Chance no e Platz i üsem Lieblingsresti z ergattere, we aui ar Parade si 😋. Nach em fantastische Ässe schlendere mir wider zum Hafe abe wo inzwüsche e kroatischi Band am spile isch. Mir lose no es paar Minute zue und mache üs de langsam uf e Wäg zrug is Hotel.Read more

    See translation
  • Hrvatska - Kroatien

    Letschte Tag in Kroatie

    September 19, 2025 in Croatia ⋅ ☀️ 25 °C

    Üsi Ferie neige sech leider am Ändi zue 😩 Da mir vo Split us wider zrug Flüge und üse Flug ersch am Abe isch, entscheide mir üs der letsch Tag no i dere Stadt z verbringe. Mir bstelle üs es Taxi uf die 9 zum Hotel und fahre über d Landstrass am Meer entlang wider zrug. In Split gäh mir üses Gepäck bim e Lugage Store uf em Märit ab und mache üs uf, d Altstadt go entdecke. Es het vili schöni Gässli und no viu meh chlini lädeli... Mir shoppe hie und dert chli öpis und hoffe das mir am Schluss nid üsi Gwichtslimit bim Fluggepäck überschrite 🙈 es chunnt nämmlech einiges zäme... 🤭 nach der Shopping Tour sueche mir üs am Hafe es Beizli und ässe öpis chlises. D Alex het no mit em ne alte Bekannte abgmacht wo sie sit 15 Jahr nüm xe het. Mir warte no bis är mit sinere Frou achunnt. Die drü hei sich einiges z verzelle und ig und d Nadine gö nomau d Altstadt go unsicher mache. D Nadine fingt no zwöi paar Chucks und ig es T-Shirt. Mir wärde vo Alex's Bekannte nätterwis no zum Flughafe gfahre und gö de uf üse Flug.Read more

    See translation
    Trip end
    September 19, 2025
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice