Milford Sound

zrugg vu stewart island holed mir üserä küddä bim trudi ab und mached üs ufä weg uf te anau. Te anau isch z tor zu milford sound en wunderschöne nationalpark mit imposante fjords😍
mir wänd eigentli gad am nächstä tag gu. leider macht üs da z wetter aber e strich dur d rechnig. am abed fangts a regnä und hört bis zum nächstä tag am abed nöd uf. es regnet nur eimal.
mir hend zum glück bi dem camping es hüsli drzuä. es het kei free camping plätz ka. und z hüsli het nur 10.- me kostet as nur en platz. hemmer mösä sägä, da säged mir ned nei. und mir sind de defintiv froh gsi. so simmer ider wärmi gsi und hend üs besser bewegä chänä.
mir buäched also zu de zwei nächt numal eini drzuä.
am nächstä tag zeigt sich de z wetter vu sinerä bestä sitä.
mir mached üs fruäh ufä weg. nöd würgli mitemä plan. mir wänd chli wanderä und paar highlights abklapperä.
mir merked de schnell as e schiffsfahrt idä fjords ein muss isch, also buäched mir spontan nu eini, womer d hindä sind. d fahrt dahi duret 1.5 stund und schiffahrt gaht 2.5 stund. warteziit bis z schiff gaht überbrücked mir mit chlinä wanderigä und highlights ider nächi.
d fahrt selber isch eifach atemberaubend mit eimaligä wasserfäll und mir bereueds null hemmer das nu gmacht.
und mir gsehnd nu delfin, wo lut kapitän nur 1-2 mal im munet vor chunt.
mir chend zuä luägä wes jaged und bim witerfahre schwimmeds mit und gummped usem wasser hammer😍 riesä spektakel🐬Read more