Ko lan - endlech bade

Man glaubt es kaum aber mir hei hüt nach ere ganze wuche thailand ferie z erste mou badet *schock* u das z ko lan oder koh larn, niemer schint so richtig z wüsse was stimmt. Häre simer mit ere persone fähre wo eue o mit loch gschwumme wäri dank de viele schwümmweste 😄 der nächst strand ca 10 minute z fuess entfernt, simer so uf die 3 z erst mou im wasser gsi. D freud isch schneu i gwunder übergange wius im wasser chlini stückli vo qualle (vermuetlech?) gha het. Hei emu aui haub zfriede plantschet, üs inklusive. Dr höhepunkt vom strand si d hünd gsi wo haub uf der strass läbe u haub unger der obacht vo de restaurant bsitzer si. Ufs znacht simer ganz romantisch ufere dachterasse mit meerblick u der skyline vo pattaya im hingergrund. Ufem weg derthere heimer no e stop ire coole bar ihgleit u üs öbbis z trinke gönnt. Abgschlosse heimer der tag mitem ne spaziergang dürs "dorf" u are churze fishing session im dunkle 😄Read more