Ho chi minh city - cu chi tunnels, loufe

Gester am 11i im hostel in ho chi minh city ahcho u no ar reception gfrogt worde ob mer mit uf ne tour wei. Nid lang überlege u zuesege, so ischs richtig cu chi tunnels gange. Es ehemaligs chriegsgebiet mit no instand ghaltne tunnle vo denn. Dr guide, e lustige typ mitem name sunny (ober würk so heisst werde mer nie erfahre), het viu hingergrundwüsse u gschichte parat gha zum chrieg u de überlegige wo denn e rolle gspiut hei. Diversi falle u wie si funktioniere heimer gseh u schlussendlech simer no dür ne (um 30%) vergrösserete u befestigte tunnel meh kroche aus gloffe. Sehr ihdrücklech u beengend gsi. Dr abe lo usklinge heimer mit neue hostelbekanntschafte bim znacht u paar bierli.
Am nächste tag heimer d umgebig vor innestadt und z chriegs museum weue go luege u hei 6 angeri reisendi gfunge wo sech üs ahgschlosse hei. Z fuess simer los dür parks, chaotischi strasse u zu de paar sehenswürdigkeite wo planet si gsi. Viu ihdrück u nid aui eifach z verarbeite aber gsamthaft e sehr coole tag u viu spannendi gspräch mit lüt us verschiedne egge vor weut gsi.Read more