Wo isch denn ez de Swimming-Pool?

De Flug uf Singapur isch laaang gsi. Nebt mir hani en junge Typ gha, de Silvan. Er het mi denn bin usstige gfreget obi na wiiterflüge, denn hemmer usegfunde dasmer uf de glich Flugi nach Brisbane gönd. Ab det ah hemmer ois zeme dur de Singapur Flughafe kämpft. Nacheme Iiskaffi hemmer entli mal usegfunde, zu welem Terminal mir nacher münd. Mir hend aber soviel Ziit gha, dasmer na sind de Sunneblueme- und Schmetterlingsgarte go aluege. Ich ha glaub meh froid gha a dene als er. Aber das isch mer denn au glich gsi 😄
Eigentlich hani ja extra na mis Bikini iipackt, wil mer all gseit hend ich mun in Swimming Pool am Singapur Flughafe gah. De Swimming Pool hemmer denn aber erfolglos gsuecht. De wird wohl ufem Terminal 1 siih, womer nid gsi sind. Vilich ja denn ufem Heiweg :-)
Uf jede Fall hemmer ois denn na en Donut und es Bier gönnt, oisne Liebschte gschriebe dasmer wohl uf sind & sind den pünktlich im Flugi nach Brisbane ghocket.Read more