Tetapkan semula carian
Europatour
  • Pföschtäontour

Europatour

Eigentlich wäremer ez grad in Alaska oder Kanada… eigentlich… Aber d Situation machts leider nöd möglich. Mer möched aber glich sbeschtä druus!
Hallo Europa ✋🏽 Baca lagi
+8
IkutiRingkasanKalendarKongsiKongsiSenarai baldi
Terbaru dahulu
  • Permulaan perjalanan
    30 Jun 2021
    PföschtäontourEuropatourPengembara

    Und tschüss 🚌💨

    30 Jun 2021, Switzerland ⋅ 🌧 18 °C

    3..2..1.. Los ✌🏽

    Lihat terjemahan
  • PföschtäontourEuropatourPengembara

    Heidelberg

    1 Julai 2021, Jerman ⋅ 🌧 13 °C

    Oisi erschte zwei Nächt hämmer in Heidelberg direkt a de Neckar ufeme Camping verbracht.

    Leider het s wätter nöd ganz so mitgspilet wie ghoft, aber zum Glück gitts ja rägejagge und alternativ Programm.

    (Föteli: Campingplatz, Schloss Heidelberg, branksy ustellig)

    Memo a ois:
    - Abkläre bis wenn Check-in isch (sind am 4ab 8ti vor de zuene schranke gstande, durs flirte aber doch no ine cho;-) )
    - wänns Rägnet de Karl nöd under de Baum stelle (nur es bizlii luut wänns vo de Äst abetropft)
    - immer am ahfang gad oisi Souvenirchläberli go chaufe (susch laufsch d stadt 2x ab)    Baca lagi

    Lihat terjemahan
  • PföschtäontourEuropatourPengembara
    22

    Bremen

    3 Julai 2021, Jerman ⋅ ⛅ 20 °C

    Vo Heidelberg ohni halt nach Bremen.
    (Bis jetzt isch nur de Michi fahrer gsi 😉)

    Uf em Stellplatz ahcho hämmer dänn eus gad mit de Nachbere ahgfründet (au Schwiizer gsi) so das mer de Match (sui-spa) hend döfe bi ihne luege.

    Zwei Nächt hemmer in Bremen verbracht, was glanget het um eus bizli id Bremer Altstadt z’ verliebe. Empfehlenswert!

    (Föteli:
    Stellplatz, Schnoor, Bremer Stadtmusikanten)

    Memo a ois:
    - Stellplatz mit abwäschplatz sueche (oder zersch i formiere und sicher kein 5-Gänger choche)    Baca lagi

    Lihat terjemahan
  • PföschtäontourEuropatourPengembara

    Bremerhaven & Region Cuxhaven

    5 Julai 2021, Jerman ⋅ 🌧 19 °C

    Nach Bremen chunnt Wremen.
    Uf de hiifahrt hemmer no en abstecher nach Bremerhaven gmacht inkl. enere chline Hafebootstour.

    De Stellplatz in Wremen isch gad am Wattemeer gsi. Drum hemmers eus au nöd entgahlah en chline Spaziergang usezmache (de horror gsi für d Ines)
    Leider het bis jetzt s wetter noni so mitgmacht. Jede Tag hetts mind. eimal grägnet. Und wänn dänn richtig!

    (Fotis: Polarstern, Wattenmeer, Wattwurm, Stellplatz, Sturm ☔️)

    Memo a ois:
    - de Karl in Windrichtig stelle (es windet nur es bizli fescht am Wattenmeer, kaffichoche und im stuehl chille wird susch zur heruseforderig)
    - immer sunnebrülle, chäppli und regejagge debii ha (wetterumschwung isch wie i de alpe)
    - moin ist moin. Für morgen mittag und Abend (meh lerned die norddeutschen ned)
    - boot ist boot und schiff ist schiff (und nöd anders!)    Baca lagi

    Lihat terjemahan
  • PföschtäontourEuropatourPengembara

    Husum

    7 Julai 2021, Jerman ⋅ ⛅ 21 °C

    Vo Wremen ischs wiitergange nach Husum. E „Grossstadt“ da in Nordfriesland. Da mir ja nur 100 fahred hemmer eus für de Landwäg entschiede (hettet susch müsse über Hamburg ho chehre) was eus die erscht Fährefahrt bracht het.
    Ei Nacht hämmer in Husum verbracht. Es wunderschöns Städtli.

    (Föteli: Fähre, Campingplatz, Husumer Altstadt, etc.)

    Memo a ois:
    - immer schön d Türe uf de Fähre zue mache (es chönnt ja e Wälle cho wo de Michi und de Karl Nass sprützt 💦)    Baca lagi

    Lihat terjemahan
  • PföschtäontourEuropatourPengembara

    Rømø

    8 Julai 2021, Denmark ⋅ ⛅ 20 °C

    Adieuu Dütschland (und günstigs Bier) Hallo Dänemark und 🦀
    Es gaht direkt uf Rømø, e wunderschöni Ferieinsle womer mitem Auto Kilometer wiis ufem Sandstrand derf fahre, entli chamer de Allrad mal bruuche meint de Tschimbel, nope… da fahrt jede mit sim Auto am Strand als obs en Allrad wär.
    Defür hets imene Flomihüsli na en super Chueche geh.
    Und ja, adiö Maske 😷. Weder im Restaurant no i de Läde Pflicht)

    Fotis: (Strand Rømø, Stellplatz, Chuechehüsli)

    Memos a eus:
    -Panaché in Dänemark isch gruusig
    -Allrad isch geil, au wemers nöd bruucht
    -Viiiiel Muschle am Strand (Flipflops mitneh)
    - Abwäsche isch leischtigssport (Zeit läuft)    Baca lagi

    Lihat terjemahan
  • PföschtäontourEuropatourPengembara
    111

    Aarhus

    10 Julai 2021, Denmark ⋅ 🌧 18 °C

    Dänemark und ihri Hafestellplätz. Mer fiiräds 😍 immer gueti Infrastruktur rächt günstig und die schönstä Sunneundergäng inklusive 🌅
    Ja und das Fischässe würkli nüt für d Ines isch hämmer ez definitiv au abghaget.

    Aarhus die zweitgrössti Stadt vo 🇩🇰 hätt ois nöd so gflashd (sött mitlerwiile en Gheimtippfür en Städtetrip sii) okey es het e schöni Shoppingstrass (wo nüt bringt will d Ines nüt shoppä döf) 🤪 und e richtig chilligi Dachterasse wo über ganz Aarhus gsehsch, aber meh kuuls hemmer i dere churze Ziit nöd entdeckt.

    Übrigens het d Ines de Job Fahrer über noh will de Michi schmerzä im lingge Arm het 🤨

    (Fotis: Stellplatz, fiskeplatte, wickingeramplä, Aarhus)

    Memo ois:

    Fisch nur als Fischstäbli
    Freiliechtmuseum hämmer au die hei    Baca lagi

    Lihat terjemahan
  • PföschtäontourEuropatourPengembara
    2

    Skagen

    12 Julai 2021, Denmark ⋅ ⛅ 19 °C

    Nach Aarhus hämmers eus wieder churz für ei Nacht ufeme neuä Hafestellplatz „gmüetlich“ gmacht.
    Im Internet isch no inere Bewertig gstande, das de Stellplatz nöd toll isch wenns windet… ja nu😅… mer sind also nöd die einzige dusse gsi, eusä Nachber het eus denn defür no en Tipp zum Bike gäh. Mer sind scho rächt skeptisch gsi (in Dänemark Bike? Und de Tipp no vome Dütschä? 🤨) hend eus dänn aber glich uf de Weg det hii gmacht wills eh i de nöchi vo eusäm nöchste Ziel gsi isch. Es isch denn au en meeega kuule Endlostrail, wo ca. 8km lang isch, gsi. Högerli ue höherli abe und d Ines & de Michi sind glücklich 😎

    Die letschti Nacht in Dänemark hemmer natürlich au wieder uf eme Hafestellplatz verbracht.
    Wil eusi Fähri nach Norwege ersch am Abig los gfahre isch hemmer eus no wellä dä Ort ahluege wo sich zwei Meere küssed.
    Skagen isch die nördlichsti Stadt in Dänemark und es ganz es härzigs Stedli. A de Spitze, am Grenen Strand, chömed die zwei Meere Ost- und Nordsee zäme. De Michi het natürlich gad müsse en schwumm go neh 🏊🏽‍♂️

    (Fotis: Stellplatz. Bikepark, nöchst Stellplatz, Grenen, Fähri)

    Memo a ois:
    Nüt alles Rund gloffe 🤪    Baca lagi

    Lihat terjemahan
  • PföschtäontourEuropatourPengembara

    Oslo

    14 Julai 2021, Norway ⋅ 🌧 17 °C

    Äntli simmer in Norwegä ahcho 🙌🏽 mit meh als eim Jahr verspötig…
    D Nacht uf de Fähri isch mässig gsi. Au wänn mer s Einzelbett beidi gnossä händ 😅.
    Defür isch s zmörgele uf em Deck und s Ihlaufe in Oslo umso schöner gsi😍

    Z Oslo hämmer eus wieder mal en Campingplatz gönnt. D Stellplätz wäred nöd so schön gsi und Kleiderwäsche isch wieder mal ahgseit gsi.

    Am erschte Tag simmer go d Stadt ahluege und chli go schlendere. Au wenn s zweite nöd so toll isch wänd nöd vill chasch shoppä… drum chunnt d Ines bestimmt wieder mal uf Oslo für än Städtetripp 🥳🤩)

    Am zweite Tag simmer mit em Bike go d Skisprungschanze ahluege (alles chranki lüt wo da durab springed🙈) uf em heiweg simmer no en Trail gfahre.

    (Föteli: Fähri, Campingplatz, Oslo, Bike, Skisprungschanze)

    Memo a Ois:
    - wend is Usland gasch kontrolliere öb din Pass no gültig isch (zum Glück langt für Norwege au d ID, gälled sii Herr Müller)
    - en blaue Trail in Norwege isch nöd Blau (immer schön usrüschtig debii ha)
    - wenns warm isch, denn ischs au im Norde warm 🥵    Baca lagi

    Lihat terjemahan
  • PföschtäontourEuropatourPengembara
    3

    Ufem Weg nach Stavanger

    15 Julai 2021, Norway ⋅ ☀️ 21 °C

    Es gaht wiiter in richtig Stavanger, da knapp 8h Fahrziit eus aber biz zviel sind hemer beschlosse irgendwo es Plätzli z sueche und d Nacht dert z verbringe.

    Wies de Zuefall so will simmer na ade grösste Stabschile vo Norwege, de Heddal, verbiigfahre und hend eis gfühlt wie zur Wikingerziit.

    Euses Schlafplätzli hemer den au na gfunde und da gits ned viel dezue zsäge ussert 🤩 au wenn d ahfahrt biz steinig und eng gsi isch.

    Fotis:
    Chile Heddal
    Standplatz Førsvatn

    Memo a ois:
    -Es isch schön wens schön isch
    -D Ines lauft lieber sobald de Weg biz steinig und eng wird 😄    Baca lagi

    Lihat terjemahan
  • PföschtäontourEuropatourPengembara
    12111

    Preikestolen

    17 Julai 2021, Norway ⋅ ⛅ 12 °C

    Hüt isch en Touri Hotspot ahgseit, es gaht uf de Preikestolen. Natürli hemer eus da mitem Samstig en super Tag usgsuecht. Da mer nöd mit 100 anderne hend welle dert ufe gwagglet, hemmer eich e Nachtwanderig welle mache. Gemäss park4night segs schlafe ufem Parkplatz bim Preikestolen kes problem (de Parkplatz chostet ja au nur 25.-). Aso Rucksack packe, früeh is Bett und de Wecker uf die 02:00 gstellt. Nani mal ihgschlafe chlopfeds ah de türe und en nette Security macht eus druf ufmerksam dasmer da nöd schlafe derf (wenigstens heter eus na d Usfahrtschranke göffnet). Aso simer am 11i no uf Schlafplatz suechi gange und hend das mitem 02:00 ufstah gstriche. Wecker neu uf die 04:30 gstellt und den den am 5i in losgloffe.
    De Ufstieg isch streng aber de Wahnsinn gsii, schad isch früeh ufstah so ahstrengend…
    1.5h und guet 600hm spöter simmer dobe ahcho und hend eus uf euse Kaffi gfreut, sogar d Milch hemmer debii gha aber was het echt gfehlt?? S Gas für de Gaschocher. Wer dadrah gnau schuld isch hemmer stand jetzt nani chönne kläre 😜

    Am Morge am 10i isch de Tag den eich au scho gloffe gsii und mir sind dur es Tunnel wo 223m underem Meeresspiegel isch, na uf Stavanger chli go schlendere und den vo dert wiiter in Richtig Sandve. Dert hemer au euse Stellplatz gfunde und s Wetter wird leider langsam schlecht. Das isch übrigens au de Grund warum mer soviel schriibed 😅

    Memo a eus: wenn scho vorpacke, den au richtig…

    Bilder:
    - Preikestolen (Bild 7 hets gad en Steischlag geh und mir sind churz verunsicheret gsii).
    - Stellplatz vo hüt (und de norwegischi Michi bim Choche)    Baca lagi

    Lihat terjemahan
  • PföschtäontourEuropatourPengembara
    22

    Bergen

    18 Julai 2021, Norway ⋅ ☁️ 14 °C

    Upsii, mer sind wieder chli hinde driih mit Blog schriebe. Das us em Grund will mer die letschte 24h ohni Empfang gsi sind und will s Wätter wieder gwächslet hät.
    Ez aber zum wichtige…

    Bergen, die zweit gröschti Stadt in Norwege und die Rägerichschti Stadt in Europa mit ganze 248 Rägetäg!! Jippiii. Aber irgendwie hemmer bis jetzt doch meischtens Wätterglück gha.

    Mir hends eus ufeme hammer „Klippecamping“ gmüetllich gmacht. Natürlich het de Michi die steil Chiisstrass bis ganz abe müese fahre, ufe chömed mer den ja scho irgendwie hät er dänkt 😉 trotzdem hemmer de Karl für de Städtetrip lieber ufem Camping stah lah und sind mit de ÖV id City gfahre. In Bergen ah cho hämmer eus en E-Scooter gönnt🤪 s erscht mal gsi für d Ines und es het scho rächt Spass gmacht. Es isch au fasch scho chli s Highlight gsi vo Bergen. Logisch d Bryggen (UNESCO Weltkulturerb) und vorallem d Gässli wo sich de hinder verschtecked händ sind mega kuul gsi, das wärs denn aber au scho. Ich glaub mer sind langsam eifach gsättigt vo de Grosstädt. Drum hemmers denn defür umso meh wieder uf em Camping gnosse bi Cervalat (oder so) und Schoggibanane und händ de anderne bi ihrem verzwieflete stundelange Fische zuehgluegt. Mer hoffed sie sind nöd verhungered.
    Ah und d in Norwege zältet und Fisched sogar die norwegische Jugos.

    (Fotis:Stellplatz vo unde, Stellplatz vo obe 🤪, Bryggen, Bryggen Bryggen und nomal Stellplatz und füürlä 😜)

    Memo a ois:
    - en 4x4 zha isch doch vo Vorteil (vorallem wenn d nöd 4x4 Autos d schotterstrass kaputt mached)
    - für d Rezeption musch bi de Bsitzer dehei lüte ( bim letschte Stellplatz hemmer das noni tschegged und drum nöd zahlt🙈)    Baca lagi

    Lihat terjemahan
  • PföschtäontourEuropatourPengembara
    3
    11

    Jostedalgletscher

    21 Julai 2021, Norway ⋅ ⛅ 14 °C

    So während dem ich am gmüetlich uf de Michi warte bin, schribi doch gad de nöchsti Blog.
    (De Michi het uf de Route 613 unbedingt no welle jogge, das kein rundweg isch sondern nur durab gaht, bin ich wiiter gfahre und warte ez ebe dunde)

    Wie gseit, da mer chli vo Grosstädt d Nase voll hend, hememr vorgah mal wieder chli id Natur z fahre. Mer hend uf park4night en berüchtigte Ort gfunde wo mega idyllisch sött sii und nu scho d Afahrt sich lohni.
    Ja d Afahrt isch eimalig gsi. E ca. 20km langi Strecki am Fjord entlang. Eispurig aber mit gägeverchehr und d Tunnel sind zuesätzlich stockdunkel gsi. Rückwärts fahre mit eusäm super rückwärts Liecht unmöglich. Nüt für de Ines ihres Herz.
    Am endi vo de Stecki het mer denn no müsse es Privatströssli fahre wo no 50kr hesch müsse inen briefchasrte wärfe.
    So das wärs ez gsi mit de idylle. Vor eus ä riise Schlange ufgmotzti Autos. Am ändi vo de Strass scho jenschti Camper und Tagesusflügler.
    Irgendwie hemmer denn aber trotzdem no es nischeli gfunde wo mer eus Niederglah hend unda würkli schön gsi isch.

    Am nöchste Morge simmer zum ca. 7km entfernte Jostedalgletscher gloffe. TRAUMHAFT! Meh gitts nöd dezue z säge. A doch: es isch wieder viiiil zheiss 😂🙈

    Und no e chlini Anektote zum Tuning träff.
    Mer hend eus chli luschtig gmacht will mer devo usgange sind, das die nur da hindere gfahre sind um es Fotoshooting zmache. Wos den aber usgstige sind und ihri Zält ufgstellt hend, ka da hemmers müsse fiire 😄

    (Föteli: Stellplatz, Jostedalgletscher, Instamichi, poser, wägzum Stellplatz)

    Memo a eus:
    - Vertau nie em Park4night (idyllisch isch andersch)
    - Solarduschi ✔️ (sogar s Gletscherwasser isch nümmä so chalt, aber au nöd warm)    Baca lagi

    Lihat terjemahan
  • PföschtäontourEuropatourPengembara

    Geiranger

    24 Julai 2021, Norway ⋅ ⛅ 16 °C

    Da mir so toll im plane vo de Route sind gahts wieder es bizeli retour und den in Richtig Hjella womer na en Kolleg vode Ines Treffed. In Hjella verbringet mer au d Nacht und am nächste Tag gahts ca. 60km in Richtig UNESCO Weltkulturerb Geirangerfjord. Da de Michi natürli die chliine Passstströssli will fahre und au mal rechts abbüged wenn d Ines nöd wett, bringt eus de Zuefall no zum Dalsnibba, dert isch de Geiranger Skywalk. Dert gseht mer vo 1476Meter uf de Fjord und chan d Uussicht uf die umliegend Berge gnüsse. Schlussendlich hemmer inkl. Pause ca. 6h gha für die 60km und sind nudelfertig in Geiranger ahcho. Dert hets es riese Verkehrschaos gha und mit viel Glück hemmer na irgendwo ufeme Minicamping es Plätzli gfunde. Mir sind ja froh, dass nöd no s Chrüzfahrtschiff ahgleit het… den störmed amigs über 5000 Lüt uf Geiranger.
    Tag 2 in Geiranger simmer zunere alte Farm gwanderet und in Norwege ischs gfühlt eso: Mir möched zwar Wanderweg aber wenns irgendwie gaht gönd die eifach grad de Berg duruf. Da sind mir dihei scho verwöhnt. Am Abig simmer no e Fjordtour miteme Festrumpfschluchboot go mache und hend de Fjord vom Meer us uf eus würke lah und na biz Gschichtli ghört. Uf de Retourfahrt isches na zumene Zwüschefall miteme Baumstamm cho wo eusi Bootsfüehrerin nöd gseh het aber zum Glück ischs RIB ganz bliibe.
    Tomorrow: Alesund (aso eich simmer gester in Ålesund gsii 😄)

    Föteli:
    -Dalsnibba
    -alti Farm
    - „Seven“ Sisters, leider nur 5gsii bi eis
    - RIB Tour
    -Irgend en Wasserfall 🤪    Baca lagi

    Lihat terjemahan
  • PföschtäontourEuropatourPengembara

    Åresund und Stellplatz in Vevang

    25 Julai 2021, Norway ⋅ ☀️ 16 °C

    Stadtvisite in Ålesund. Ufem Weg nach Ålesund hemer irgendwo na e Wösch gmacht und sie den biz unkonventionell während de Fahrt möse tröchne. Churz vot Ålesund henmer na gmerkt, dass ja Sunntig isch und de Sunntig wohl nöd de bescht Tag isch zum e Stadt go ahluege 😄. Ålesund liit ufere Halbinsle und isch im 19 Jahrhundert fast komplett abbrennt und den im Jugendstiil wieder ufbaut worde. Somit hets en ganz eigne Charm und es erinnert so biz anes moderns Venedig. Leider simmer nöd so in Foto luune gsi und es git nur es Foti vom Ussichtspunkt. Am Namittah simmer den wiiter in Richtig Atlantikstrass und hend vor de Atlantikstrass na en super Schlafplätzli gfunde womer tatsächlich s erstmal de Sunneuntergang so richtig glueget hend.

    Fotis:
    Ālesund
    Stellplatz
    „Wöschständer“

    Memo a ois:
    Städtetrip nöd am Sunntig    Baca lagi

    Lihat terjemahan
  • PföschtäontourEuropatourPengembara
    1

    Atlantikstrasse und Trondheim

    26 Julai 2021, Norway ⋅ ☀️ 18 °C

    Today die angeblich schönsti Strass vo de Welt. Mir hend richtigs Wetterglück gha (niiiicht!) und die ganz Küste isch im Nebel versunke. Mir sind den mal chli go eusi Vorrät ufstocke ide Hoffnig, dass d Sunne bis den chunnt. Das isch leider nöd de Fall gsi und mir hend eus im Nebel uf de Weg zur Atlantikstrayse gmacht. Dur de Nebel hets aber usgseh als ob die bekannti Brugg (Kei Ahnig eb si wüki bekannt isch 😄) direkt in Himmel füehrt. Und ca. 15min nach dem Foti het den d Sunne doch na gschunne.
    De Namittag hemmer den in Trondheim verbracht und entli wieder mal e richtig gueti Pizza gesse (Brot oder Pizza mache chönd d Norweger leider überhaupt nöd).
    Trondheim het eus beidne mega guet gfalle und ghört nebed Oslo zu de schönste Städt in Norwege. Ahja es isch wiedermal 30Grad gsi wie gfühlt scho die ganz Wuche, kei Ahnig wer da verzellt inNorwege regnets nur 😝

    Memo a ois:
    Nebed dem das s Bier easy tüür isch und mir eich fast nur Alkoholfreis Panache trinkes gits in Norwege Ort wo Alkohol nur bis am 8ti verchauft wird, am Sunntig sogar nur bis am 6i….

    Fotis:
    - Atlantikstrass
    -Trondheim
    -Velolift in Trondheim

    Tomorrow: Sverige 🇸🇪! (und hoffentli günstigers Bier)    Baca lagi

    Lihat terjemahan
  • PföschtäontourEuropatourPengembara

    Bike in Åre

    28 Julai 2021, Sweden ⋅ ⛅ 23 °C

    Jahaa hüt gahts uf Åre. D Ines het usegfunde, dases in Åre de gröschti Bikepark vo Skandinavie het und denkt da chönnted mer doch hii. Dank Google und Michi isch den aber usecho, dass Åre in Schwede isch aber was sells, hauptsach Bike 😍. Bide ihreis uf Schwede hemer den gseh, dass s norwegische Militär Grenzkontrolle macht und div. Lüüt vorem Covid Testzelt am warte gsii sind. Während d Ines gmeint het, de Michi sell doch mal fröge eb mir nachher wieder uf Norwege inechömed, het de Michi nur gmeint: ahhh mir sind voll gimpft, dass gaht den schooo und schwupps simmer in Schwede gsii.
    Åre isch super, au wenn d Mensche in Åre nöd so gern schaffed, Liftbetrieb vo 10:00-16:00, so Arbeitsziite heted mer au gern, isches de Wahnsinn gsi.
    Åre isch inen Bikepark (mit Bergbahne) und inen Crosscountry Park (selber trampe 🥵) unterteilt. Beidi hend viel verschiedeni Trails und mir hend eus a Tag 1 im Bikepark und a Tag 2 im Crosscountry Park vergnüegt. Mir hend hammer Wetter gha, ja wieder mal gäge die 30 Grad, viel verschiedeni und guet pflegti Trails sowie guets und günstigs Esse, was will mer meh.
    Gschlafe hemmer zwei Nächt ufeme Parkplatz vom Skigebiet mitere super uussicht und gratis 😝. Nachem Bike simmer den amigs ines „Ichaufscenter“ am Bahnhof für 5 SEK (knapp 50 Rappe) go Dusche. Entli wieder mal Dusche ohni Ziitlimite und suuberer als uf mengem Camping.

    Ahja zmitzt im Bikepark hets na e Herde Rentier gha, die hends eifach im einzige Schneefeld wos wiit und breit gha het, chillt.

    Memo a ois: Schwede rockt!!

    Fotis:
    - Bike in Åre
    - Rentier oder so :)

    PS: D Ihreis uf Norwege het wieder iwandfrei klapped :)    Baca lagi

    Lihat terjemahan
  • PföschtäontourEuropatourPengembara

    Torghatten

    31 Julai 2021, Norway ⋅ ☁️ 11 °C

    Nach dem mer wieder hend döffe uf Norwege ihreise (de ines isch en Stei vom herzä gfalle) hemmer eus uf de weg nach Torghatten gmacht.
    Natürlich isch das Naturspecktackel wieder irgendwo zusserscht uf ere Insle drum isch wiedermal Fähri & Km fahre ahgseit gsi. Wo mer ahcho sind leider gad zwei Reisecar uf em Parkplatz gstande wo Touriste bracht hend und wil s Wätter au nöd gad so mitgmacht het hemmers eus im Büssli gmüetlich gmacht und es Mitagsschlöfli gönnt. Wo mer vo de Sunne wieder geweckt worde sind hemmer eus parat gmacht sind no schnell en gratis kaffi im chline Hotel näbetdrah go hole (au d Norweger schaffed amigs nöd gern) und sind denn losgloffe.
    Mer hend eus wieder uf en Wanderweg ihstellt wies so in Norwege üblich isch - eifach mal grad ufe - und si ischs au gsi. De ufstig het sich aber glohnt! Eifach es Loch im Berg 😄

    De Plan nach em Wandere wär eigentlich gsi uf en Camping go übernachte und wieder mal Chleider wäsche. Da mir aber beidi no Topfit gsi sind hemmer eus wieder in Karl gsetzt und sind wiiter nach Norde gfahre.
    So het sichs denn au ergäh, das mer quasi am Polarchreis übernachtet hend 😄 was de Polarchreis eigentlich isch münder sälber Google (hemmer au müsse😅)

    (Fotis: Torgatten, Polarchreisdenkmal)

    Memo a ois:
    - in Norwege zältet mer wüüüürkli überall. Au uf de Autobahn Rasttett nebed em WC Hüsli im gstrüpp    Baca lagi

    Lihat terjemahan
  • PföschtäontourEuropatourPengembara

    Fauske (Svarthamarhola)

    1 Ogos 2021, Norway ⋅ ☁️ 9 °C

    Die zwei letschte Täg bevors ufe Lofote gaht.
    Während mer de Ines ihres Bike hend welle repariere lah, Tretlager macht grüsch, het es de Bikemensch vom Intersport am Samstig Nami am 2 zwar au nüme chönne helfe aber er het eus na paar Trailtipps fürd Umgebig geh. De Michi isch den ca. 1h spöter au ufbroche und het möse feststelle, dass au die Biketrails primär grad duruf gönd und eich zu 50% prozent s Velo derfsch schiebe…

    Am Tag duruf simmer den unter s Höhleforscher gange, Svarthamarhola, go erkunde. Mir hend kei Ahnig gha was eus erwartet uesert, dases i dere Höhli sell en Gletscher ha. Komischerwiis taucht die Höhli irgendwie ide Tourizentre nirgends uuf. Nichtsdestotrotz hemmer eusi Höhleforscherusrüschtig montiert und eus uf de Weg gmacht. Ca. 50min später Berguf und mit em Hintergedanke, chömmed mer da au wieder abe?! Hemmer die vermeintlichi Höhli und s Endi vom Wäg erreicht. De Ihgang het aber recht zuegschüttet usgseh und es het überall mega tüüfi Felsspält gha. „Das isch vlt de Grund warum mer die Wanderig nirgends findet“ hemmer eus denkt uns eus uf de Rückweg gmacht. De Michi het den na es Wägli gfunde woner het möse erkunde und siehe da: d Höhli gits doch no :). Aso Höhleforscher usrüstig montiert und den simmer biz id Höhli abgstiige. Natürli nur so wiit wies d Ines den au erlaubt het (ok vlt. es bitzeli wiiter 😝), ganz wohl isch eus scho nöd gsi.
    Nachdem mer das Abentür heil Überstande hend simmer wiiter uf Romø und jetzt uf de Fähre zude Lofote.

    Memo ah ois:
    -Sandsteihölene sind nöd seeehr safe
    -Wer liebt der schiebt (au ide Lofote derfed mer a Bike den sicher wieder schiebe)

    Fotis:
    - Swarthamarhola (de Gletscher gseht mer biz 😄)    Baca lagi

    Lihat terjemahan
  • PföschtäontourEuropatourPengembara

    Lofoten 1.0

    5 Ogos 2021, Norway ⋅ 🌧 12 °C

    Eifach mal Pause.

    Sit mer uf de Lofote sind isch s Wätter grusig und chalt. Drum hend mir eus rächt schnäll für es Airbnb Apartement entschiede. Dauerräge und Vanlife isch nämlich nöd gad s ahgnämschte 🙈

    Da s „schlächtwätter“ Programm uf de Lofote rächt ihgschnkt isch, hemmers die letschte paar Täg drum au rächt chillt. Mer hend wiedermal Netflix gsuchtet, Bachofe Pommes und frischbach Baguette gässe und eusi Bettwösch gwäsche. (E eigni Wöschmaschine muss mer uhsnütze😉) ah und am Michi sini Haar hend au wieder mal müsse gschnitte werdä😉

    Sit hüt und für die nöchste 3-4 täg isch wieder schönner Wätter und mer chönd d Lofote äntlich mal gnüsse!

    (Föteli: Ortschaft Å, Stränd (bi schönem wätter wie i de Karibik, Rägewanderig, Apartment)

    (Video: Michi bim Stockfisch ässe, chönd sälber google was das isch🤢🥴)

    Memo a ois:
    - s Baguette us em Ofe isch besser als s Brot us em Ladä
    - im Büssli schlafemde immer no am beschtä    Baca lagi

    Lihat terjemahan
  • PföschtäontourEuropatourPengembara
    1122

    Lofote 2.0 (in schön 😍)

    7 Ogos 2021, Norway ⋅ ⛅ 19 °C

    Wenn denn s Wetter mal mitspiellt sind d Lofote herrlich. Am erste schöne Tag simmer uf de Offersøykammen go Wandere oder halbe chlättere. Ihr chönds eu denke, de Wanderweg isch wieder zu 80% eifach grad berguf gange. De Usblick het eus aber fürd Ufstiigsquale entschädiget, eifach nur en Traum 😍.
    D Lofote sind irgendwie en Mix us Karibik und Hochalpe. Es git überall wunderschöni Sandstränd, ide Theorie chamer Surfe, jetzt im Summer häts aber fast kei Welle gha und sobald mer so um die 500hm durufchraxlet, ischmer gfühlt im hochalpine Gländ.

    Am Abig simmer den ufen Buurehof go Esse und hend eus e Platte (riiiiiessig) mit norwegische Spezialitäte für zwei gönnt. Nach de Erfahrig mit em Stochfisch hemmer eus für die fischlosi Platte entschiede und eus eine mit Fleisch gönnt, es het unter anderem Elch, Rentier und Wal druf gha. Das het au alles zimli guet gschmöcht :).

    De Stellplatz womer im Ahschluss dank de Ines gfunde hend isch de Wahnsinn gsii. D Ines hets nach 20Meter scho beroit, dass sie en Stellplatz mit em Hiiwis „Zuefahrt nur für 4x4“ vorgschlage het. Aber so nach ca. 1 Km fahrt und div. abbrochne Äst simmer den a eusem Traumplätzli ahcho. Mir hend den au mal d Fischerruete füregnoh, hüt na ohni Hagge und Köder und hends usrüehre güebt (für de Fall, dass de Michi mal wett Fische und sich nöd vor allne blamiere muen😂) nach 3-4 Versüech hets au scho ganz guet klapped.

    Am Tag hemmer Bikes uspackt und sind uf de Bøblåheia go Bike. Irgend en lustige Norweger het eus am Parkplatz na gseit es segi super und mer müessi unbedingt ganz ufe. Ja das super isch bi de Ines scho nach öpe 100 Höhemeter verbii gsi und nöd viel besser worde xD Mir hend s Velo nämli ab und zue müesse stosse und wenn nöd isches sau streng gsii.
    Nach guet 2/3 het d Ines den kei Lust meh gha und de Michi isch na ganz ufe, will wenn de Norweger das seit, muemer das natürli au mache. Jaaa die letschte 500m het de Michi s Velo den stahlah wills eis Steifels ohni weg gsii isch….
    D Abfahrt het eus den aber doch nachli Spass gmacht und mir hend eus für d Nacht wieder mal en Hafestellplatz gsuecht.

    Memo a ois:
    - Platte für 2 langet öppe für 4
    - Egal was d Norweger säged, d Trails sind duruf sicher nöd fahrbar
    - D Ines wür am liebste nur ohni Hagge fische (den muemer sicher au kein Fisch usneh)
    - 4X4 Plätz sind suuuper

    Fotis:
    - Offersøykammen
    - Znacht
    - Traumstellplatz
    - Bøblåheia

    Video:
    - en Teil vom Wägli zum Stellplatz
    - Usrüehre finale Version    Baca lagi

    Lihat terjemahan
  • PföschtäontourEuropatourPengembara
    1
    11

    Lofote 2.1 (immerno schön)

    8 Ogos 2021, Norway ⋅ ⛅ 17 °C

    Euse letschti Tag uf de Lofote bevor dases morn am Morge ufd Fähre in Richtig Senja gaht.

    Hüt hemmer e Walsafari bueched und hoffed dasmer au en Wal und evntl. na paar Delfin gsend. Zum Glück hemer eus gnueg früeh uf de Weg nach Andenes gmacht, will plötzli hemmer im Mail glese, dass Träffpunkt 1.45h vor Abfahrt isch, wills anschiinend na e Museumstour git…

    Im Walmuesum hemer den na öpis glernt z.B das au en Wal Elle und Speiche het und mer s alter vom Wal anhand vode vorhandene Mängi Ohreschmalz bestimme chan. Macht Sinn wie settet die mit ihrne churze Flossene au d Ohre chöne putze 🤷‍♂️

    Vor Andenes ischs meer recht tüüf und mir sind den ca. 50 Minute miteme alte Fischerboot usegfahre und hend denn scho bald de erste Pottwal gortet. Insgesamt hemmer 6 verschiedeni Pottwal gseh. Ihdrücklich wie sie sich nachem Tauchgang erholed und sich nöd gross störe lönd, bevors den wiiter i ca. 800Meter tüfi, so tüf ischs Meer dert ca. gsi, ufd Jagd gönd. Mir sind ca. 3.5h ufem Meer gsi und Seechrank simmer zum Glück nöd worde.
    Falls er wiitere Frage zum Pottwal hend, eifach fröge mir sind jetzt quasi Experte (ähnlich wie bim Fische) 🧐.

    Da in Andenes kes schlaus Restaurant meh offe gha het, simmer den guet 25 Minute in Süde gfahre und hend imene Pub znacht gesse. Da mer am nexte Morge aber früeh uf d Fähre hend möse und die ab Andenes fahrt,
    hemer eus nachem znacht wieder biz i die Richtig begeh zum es Schlafplätzli sueche. Und was gsemmer da uf de Retourfahrt? En Regeboge und den na en zweite Regeboge und plötzi gseht de Michi na e Elchefamilie, eusi erschte Elch, Wuhuuu!!! Insegsamt sinds den acht Elch gsi womer gseh hend. Ufem Video gseht mer nur 5 (ganz gnau luege am Ahfang hets 4, gseht met ufem Foti).
    Es het den au es super Instavideo mit Regeboge, Elch und Sunneuntergang geh 😍.

    Memo a ois:
    - Suppe Esse uf „hoher See“ isch gar nöd so eifach
    - Reservationsbestätigung gnau läse
    - Restaurant google und extra dert hii fahre lohnt sich amigs (wäge Elch und so 🤪)

    Fotis:
    - Pottwal
    - Sunneuntergang

    Videos:
    - Pottwal „Diving!“
    - Rägebogeelchsunneuntergang    Baca lagi

    Lihat terjemahan
  • PföschtäontourEuropatourPengembara
    1

    Ufem Weg as Nordkapp

    11 Ogos 2021, Norway ⋅ ⛅ 17 °C

    Hüt werdet die letschte knapp 300km as Nordkapp in Agriff gnoh. Ufem Weg hemer euses Allgemeinwüsse nachli ufgfrüscht und sind es Same-Museum go bsueche (für die wo scho bi „möse“, sry Aargau halt, ah öpis anders anstatt „müesse“ denkt hend, d Same sind d „Uriihwohner“ vom Norde vo Skandinavie.).
    Im Freilliechtteil hets na Felsritzige bzw. Bergkunst vode Same gha. Da mer die Felsritzige schlecht erkennt, het mer sich ca. 1970 defür entschiede, zum die rot ahmale dases Touris besser gsend…. Mer gsehts tatsächlich viel besser (siehe Bilder) aber biz Charm isch scho verlore gange.

    Nachdem mer eus ade Salatbar vomene Supermärt wieder mal de Zmittag gholt hend, hemer nur na es schöns Plätzli bruucht. Da isch eus doch so es Chiisstrasse wo biz id Berge füehrt wie gruefe cho und wert hets denkt?! Vo dert gönd natürli no meh Wäägli weg…. Ihr glaubed gar nöd wie fest sich d Ines gfreut het (siehe Videos) 😄

    Nachdem mer das Abentür heil überstande hend isches wiiter in Richtig Nordkapp gange und mer hend gfühlt na 100 Rentier gseh. Womer es wiises gseh hend hemer eus na denkt: geiil die sind sicher mega selte!
    Nachem 3te wisse Rentier glaubed mer fengs, dass die gar nöd so selte sind 🤷‍♂️

    S Nordkapp hemer aso erreicht aber gseh tuet mer ussert Nebel nöd so viel… me dezue tomorrow

    Memo a ois:
    - Salatbar im Supermärt isch super
    - Rentier stönd immer uf de Strass

    Fotis:
    - Same-Museum
    - Rentier
    - En Fjord
    - Die entspannti Ines bim bergab fahre    Baca lagi

    Lihat terjemahan
  • PföschtäontourEuropatourPengembara
    1

    Nordkapp

    12 Ogos 2021, Norway ⋅ ☁️ 11 °C

    Bis as ändi vo de Wält - oder ebe as Nordkapp (mit zwei PP wil Norwegisch ;-) )

    Da simmer jetzt also, am Nördlichste vom Feschtland us erreichbare Ort. Wiiter ue chammer mit em Auto nümä fahrä.

    So guet mir ja sind im Plane, händ mir eus natürlich vorgängig au chli mit em Wätter befasst - wänn scho nur en „Übertürte Parkplatz“ dänn bitte au mit chli schönem Wätter.
    Niicht, natürlich isch das mit em Wetter chli id Hose, s App het immerhin e churzi uflockerig am Abig ahzeigt gha, susch aber nur bewölcht. Lang hets au guet usgseh (fahrsch ca. 2 Stund eifach de Küschte entlang ohni Wohngebiet ohni nüt)
    bis mer denn um die letscht Kurve gfahre sind und im dickste Näbel grad no knapp d Zuefahrtsschranke entdeckt hend. Churz hämmer zögeret öb mer eus das würkli ahtüend - doch das isch würkli nur churz gsi. Pro Person hesch ca. 25.- müesse zahle. Defür hesch 24 Stund döfe uf dem Parkplatz sie. Somit hemmer eus dobe es Plätzli gsuecht und hend als erschts mal Znacht parat gmacht. Dusse hetts immer no dichte Nebel gha und gwindet wie Sau (Sorry für de usdruck).
    Plötzlich, no bevor mer mit choche ahgfange hend, hets es bizli uftah. D Ines het ihri Kamera packt und isch grännt wie blöd. De Michi het nur de chopfgschüttlet.

    D Nacht dur hetts wiiter gstürmt und es isch mehrmals go Rägne cho au am Morge simmer wieder bi dichtem Näbel ufgstande und hend dänkt, immerhin hetts geschter chli uftah.
    Aber au am morge plötzlich us em nüt ischs heller und heller worde und wärs glaubt d Sunne isch fürecho. So schnäll chas gah i de höchi!

    Ah und übrigens… Mer sind jetzt stolzi Mitglieder vom „The Royal North Cape Club“ und hend es läbelangs rächt zum dahi zrugg z cho 😄

    (Fötelis: Nordkapp bi Näbel, Nordkapp bi Sunneschii, The ROYALS ;-) )

    Memo a ois:
    - gnueg lang warte denn wirds sicher mal schön
    - d Solarpannels hemmer no nie brucht - Strom aber au nöd.
    - 6500km simmer gfahre bis da ane (6000 de Mich, de grossi Rescht d Ines)    Baca lagi

    Lihat terjemahan
  • PföschtäontourEuropatourPengembara
    111

    Levi

    14 Ogos 2021, Finland ⋅ ☁️ 14 °C

    Nachdem mär ja im schwedische Åre zwei super Biketäg gha hend, hemmer natürlich au no wellä Finland under d Lupe näh, gnauer Levi.

    Levi, DAS Wintersportgebiet in Finland… Oder eifach de einzig Hügel mit 531 müM wiit und breit (stimmt nöd ganz, aber fasch😉)

    Da mer am spötere Abig ersch z Levi ahcho sind und mer z fuul gsii sind en Stellplatz oder ähnlichs z sueche, hemmer eifach uf em Parkplatz vor de Gondelstation gschlafe.
    Mer hend sogar chöne usschlafe, will au d Suomis sich nöd stressä lönd und ersch am 10ni alles ufmöched. Obwohls Samstig gsi isch (jaa mir hend wieder mal super planet🙈) hetts fasch kei lüüt gha! So simmer gmüetlich öbbe uf di halbi 11i ufs Bike.

    Die blaue Trails sind sogar de Ines rächt schnäll langwilig worde, so das mer eus langsam a die rote anetaschtet händ. Und mol die sind kuul gsi! Technisch nöd ahspruchsvoll aber zum üebe top.

    Åre blibt aber ganz klar eusä Favorit! 🥇

    Memo a ois (und dasmal au hiiwis a alli wo nöd Biked
    - vo obe gseht JEDES schänzli grösser us (lönd eu aso nöd tüsche vo de Ines ihrem gümpli 😂)
    - au de Michi het bi sim Sprung d Hose voll gha 😉
    - Dönerpizza isch komisch aber na geil
    - zum Glück het eus Google wiedermal ghulfe und ois mitteilt, das Finland inere andere Ziitzone isch und zwar +1

    (Föteli: Bikeprofis in Levi 🤙🏽🥴)    Baca lagi

    Lihat terjemahan
  • 2025© FindPenguins
  • Utama
  • Mengenai kami
  • Penjejakan kumpulan
  • Akhbar
  • Terma
  • Privasi & Cookies
  • Pusat Bantuan
  • Cetakan