Spitsbergen

78° 11′ N, 16° 34′ O

Hei! In Svalbard! 🇳🇴

Mir hei ds Tromsø am Gate zuefällig dr Marcel kenneglert, ä junge Schwiizer, wo sit 14 Jahr scho hie obe läbt. 😄 Er schaffet im Tourismus, was natürlech mega spannend isch ds ghöre.
Mir hei churz chli mitenand gred u de o gad Visitechärtli ustuscht - Networking is everything! 😁
Bim Boarding het er de gmeint, er stelli nis de gad zum Hotel mit sim Charrä, er warti uf üs bim Usgang.
Bim Hotel abglade, het nume wenig später mis Natel glüte: äs unbekannts norwegisches Nummero: Dr Marcel. 😁
Et het üs de spontan ilade ufnes Kaffi u ufne chliini Bootstour mit sim Schiff.

Da mis private Nummeto abr nid ufm Visitechärtli steit, het ä churzerhand uf Bärn i mis Gschäft aglüte, d Situation erklärt u um mis Natelnummero bittet 😂 Zum Glück het mis Arbeitsgspändli kuul reagiert u mis Nummero gä! I dem Fall isch das so öpis vo super gsi, will mer di Tour natürlech dankend agnoh hei! 🤩

Zersch no hurtig go d Gummistiefel hole für morn ufd Schiff u när isches losgange.
Vom Hafe us simer zu de imposante Vogelfelse “Grøndalen“ u zur verlassene Bärgarbeitersiedlig „Grumant” ghöterlet.

Dä ca. 10km länge Bärg mit aberhunderte vo verschiedenste Vogelarte, wo dert brüete, isch atemberoubend gsi! Zudem isch d Geisterstadt idrücklech u macht eim chli Gänsehuut. Vo de Russe erbout u eifach vo eim Tag ufe ander zrüggglah worde wills nim rentabel xi isch - eifach Krass!

D Fahrt bis derthärä isch sehr holprig xi, d Welle si düre Wind recht höch gsi. 😆

Dr Marcel weiss extremst vil über d Gschicht ud Tier u vili witere Sache um Svalbard.

Mir hei näbst verschiedenste Möveart no ds Glück ka, Papageietoucher hutnah chöne ds gseh 🤩 Eifach unbezahlbar 🤩

Usm „churze“ Bootstüürli, isch schlussentlech ä 4-stündigä, mega kuule u lustige Usflug worde - eifach nume grossartig 😍Read more