Bergün

Hüt het sMami iren erste Arbetstag ☺️
Sie fangt zwor erst noch de Herbstferie wieder a, aber will nögst Wuche dSchuel für ihri Lehrerkolleginne wieder afangt, isch si au mit an Vorbereitigstag 😇
Die andere sind 2 Täg do in Bergün und mier denn gester Obed nogreist, will de Papi jo am Tag no gschaffet het ☺️
I ha also mini aller erst Nacht imene Hotel gschloofe, und denn gad au no i somene erwürdige 🤩
I ha wunderbar pfuuset, au wenns mier im Wohnwage doch no e Stuck besser gfallt 🥰
sMami het denn hüt Morge ganz früe möse go schaffe, aber de Papi und I sind eifach ligge bliibe und hend pfuuset 🥰
Am kurz vor Nüni simmer denn vewachet und hend eifach e bitzli gschmüselet und gspielt bis am 10ni ☺️😇
Wo mier denn usem Zimmer sind hemmer gad könne dPause mitem Mami vebringe, bevor de Papi denn mit mier isch go wägele, und i ganz friedlich igschloofe bi 🥰
Aschlüssend hend mier wieder alli zemme zMittag gesse und gspielt 🥰
Wos bi mim Mami witergange isch, hani denn gad min zweite Schlof izoge 🥰
Ier gsehnd also, i has em Papi hüt sehr eifach gmacht vös erste mol 😜
Aber er hets würkli au unglaublich guet gmacht hüt mit mier 🥰
So liebevoll und so ruhig obwohl er no nie elei so viel Zit mit mier vebrocht het.
Danke Papi ❤️

P.S. Etz freui mi uf en Obed wos Mami au wieder bi üs isch ❤️ Will ufs Mami simmer au unendlich stolz..sie het da hüt soo super gmacht ❤️

I weiss nöd wie alt du wirsch si wenn du da Buech zum erste mol bewusst aluegsch und lesisch wa dinne stoht ☺️ Aber i wet dass du weisch dass mier de Tag hüt unendlich viel bedütet und i dier eifach us tüfem Herze dankbar bi, dass du mier da Vetraue gschenkt hesch und mit mier de wundervoll Moment teilt hesch ❤️❤️ In Liebi, din überstolze Papi ❤️Read more