Switzerland
Schwarzplangggrout

Discover travel destinations of travelers writing a travel journal on FindPenguins.
Travelers at this place
    • Day 5

      5-Seen Wanderung 🏞️

      October 9, 2021 in Switzerland ⋅ ☀️ 7 °C

      Heute sind wir aufgewacht und vor dem Fenster war blanker Nebel 🌫️. Trotzdem ließen wir uns nicht abhalten und fuhren Richtung Wangs, von wo aus wir mit der Gondel durch die Nebelschwaden zum Ausgangpunkt unsere Tour fuhren. Dort gab es keine einzige Wolke mehr am Himmel ☀️
      Zu Beginn gabs erstmal eine Cappuccino ☕ Dann gings los! 🏃🏼🏃🏼‍♀️
      Die Tour war gesät mit spektakulären Aussichten auf Berge, Täler und Seen 📸
      Es war wildromantisch 😍
      Am Schluss mussten wir uns beeilen, da die letzte Gondel schon um 16 30 ging und wir wieder vor lauter Staunen die Zeit übersahen 🙈
      Es ging sich aber zum Glück aus 💪🏼
      Nachdem wir wieder 5h wanderten gabs am Abend ein wohlverdientes Kebap 🌯😅
      Read more

    • Day 105

      Asträngendi aber schöni 5 See Wanderig

      July 14, 2023 in Switzerland ⋅ ⛅ 21 °C

      Ganz spontan und will d Morena per Zuefall au gad frei gha het, hemer d 5 See Wanderig ufem Pizol gmacht 😄 Die isch bi eus beidne uf de Wander-Wunschliste gsi.

      Ich bin churz vorem 8ti bi mir dihei losgfahre 🚘 und han d Morena uf di 8:55 am Bahnhof Sargans abgholt, wo sie vo Flims her agreist isch. Vo deht us isches nur no e churzi Fahrt bis zu de Pizol Bahne gsi und mer sind denn schlussäntli öppe am 10ni zoberst acho, wo denn d Wanderig gstartet het. Mer hend rächt Freud a de Sässeli-Bahn gha, wills die etzt leider in Flims nüme git ☹️ Und scho vo Afang ah sind Ussichte und d Landschaft mega gsi. Es bessers Wort zums beschriebe als "dramatisch", isch eus nöd in Sinn cho 😄

      De ersti See, de Wangsersee, isch gad i de Nöchi vo de Bergstation gsi und drum simmer au relativ schnäll scho deht acho zum die erste Föteli mache. Mer het denn de glich Wäg wieder zrug zu de Bergstation müesse 🤷‍♀️ und denn uf die ander Siite wiiter em 5 See Wäg entlang. Deht isches denn au gad scho duruf gange und mer hend aso gmerkt, dassmer so schnäll schnäll vo 509 m.ü.M. vo Wangs uf 2'227 m.ü.M. zu de Bergstation uffe sind 😵‍💫 Langsam isch denn au de wiiteri Wäg i euses Blickfäld cho und es isch eifach mal nume ziemli Steil und i Serpentine de Berg uffe gange 😅 Gemeinerwiis het de Morena ihri Lunge genau hüt gfunde, dass sie muess schwierig tue und ihre s relativ wichtige Schnuufe erschwert ☹️ Schön langsam und mit gnueg Pausene simmer denn aber z oberst acho 💪 Ich han aso gfröged, öb mer wennd umchehre, aber ihre Ehrgiiz isch z gross gsi 😉

      Die ganz Müeh het sich denn au sehr glohnt und mer sind bim zweite See, em Wildsee, uf 2'493 m.ü.M. acho. De isch zwüsched de Berge ibettet und het e mega schöni, knalligi, blaui Farb 🤩 Mer hend denn au es Fotoshooting gmacht deht und d Ussicht gnosse. Nur churz wiiter simmer no ines Schneefäld cho, wo natürli au gad es paar cooli Föteli geh het. Ich wär deht fasch no umgheit 😄

      Wiiter isches gange über Geröll, womer sich de Wäg sälber het müesse sueche und scho nach churzer Ziit hemer de dritti See, de Schottensee, gseh wo uf 2'368 m.ü.M isch. De het au wieder sone schöni, blaui Farb gha und mer hend eus entschiede, mit Sicht uf de See und d Churfirste ⛰️ im Hindergrund, eusi Mittagspause zmache. Es isch herrlich gsi und die Stärchig het guet tah, vorallem willmer gseh hend, dass de Wäg wiiter vorne widr duruf wird gah 😅 Aber zersch hemmers eifach mal gnosse.

      Da mer d Ziit echli im Aug hend müesse phalte, will s letschte Bähnli am 16:30 durab fahrt, hemer abr au nöd zlang Pause gmacht sondern sind denn bald wiiter durab zum See. Ab deht isches denn widr ufwärts gange, was mer au wieder schön langsam in Agriff gno hend, damit sich de Morena ihri Lunge nöd zfescht beschwere cha. Schlussäntli simmer denn ufem Schwarzplanggrat acho. Deht hets leider kei Höheagab gha, aber zäme mit zwei andere Wanderinne hemmer entschiede, dasses mindestens 3'000 m.ü.M. het müesse si 😆 De höchschti Punkt vo de Wanderig isch mit 2'507 m.ü.M. ageh, vilicht isch au das die richtig Höchi vo deht gsi, mer werdeds wohl nie erfahre 🤷‍♀️

      Nach dem Ufstieg isches wiedermal durab gange zum vierte See, em Schwarzsee, uf 2'372 m.ü.M. De het nüme so iidrücklichi Farbe gha wie die vorherige zwei See, aber isch glich schön gsi. Mit eim Aug uf de Ziit hemer denn entschiede zum rächt schnäll wiiter zgah, wills doch tatsächlich denn gad widr duruf gange isch 🫣 Zum Glück nüme so lang, aber glich widr asträngend bis mer bim "Steinmanndli-Feld" acho sind. Deht hends, wie de Name adütet, ganz viel und ziemli höchi Steinmanndli ufgstellt.

      Nachher isches gad wieder durab gange, zum Teil en relativ rutschige Wäg 😅 bis mer zum foifte und letschte See, em Baschalvasee, uf 2'174 m.ü.M. cho sind. Das isch en rächt chliine und au vo de Farb her nöd ganz so iidrückliche See gsi. Es hend aber viel Wanderer deht e Pause gmacht und die einte sind au dri go schwümme 🏊‍♂️ Mir hend eus lieber uf de Wäg zu de Bähnlistation gmacht, damit mer nöd am Schluss no zfescht müesstet stresse.

      De Endspurt isch ziemli steil durab gange und het sich, wies so oft de Fall isch am Schluss vonere Wanderig, eeeewig hizoge. Mer hend langsam nüme so möge und je wiiter abe mer cho sind, desto heisser isches au worde 🥵 Mer hends denn aber uf die ca. 15:50 zu de Gaffia Station uf 1'861 m.ü.M. gschafft 🥳 Mer sind denn völlig fix und fertig aber glücklich ufs Bähnli und uf Wangs abe gfahre.

      Es isch e mega schöni Wanderig gsi und mer hend s perfäkte Wätter verwütscht gha 🌞 Mer sind denn abr beidi sehr froh gsi, womer im Auto ghocket sind und uf Flims gfahre sind 😅
      Read more

    You might also know this place by the following names:

    Schwarzplangggrout

    Join us:

    FindPenguins for iOSFindPenguins for Android