Phetchaburi

Phetchaburi isch weder en Badeort no königlich gsi, aber definitiv eh authentischi Erfahrig. Nach fast 4 Stund spannender Zugfahrt ide dritte Klass simer bi Dunkelheit ih dem doch eher verschlafne Städtli ahcho und vor verschlossene Guesthousetüre gstande. Nach biz Panik het eus di netti Chefin vom Guesthouse glich no inelah und mir hend sehr budgetfründlich chöne übernachte. Nachdem mer am negste Tag in einige Stund d Hauptattraktion vom Städtli, de würklich hübschi Templeberg, uscheckt hend, hemer doch gfunde dases eus eher frühner als spöter witerzieht. Als nögsti Etappe staht di ersti Urwalderfahrig ufem Plan. Ei Stund entfernt vo Phetchaburi hemer Unterschlupf inere Nature Lodge gfunde am Rand vom Kaeng Krachan Nationalpark, wo de Moritz scho ide erste Nacht eh riesigi Vogelspinne uf sinere Lodgeexkursion entdeckt het. Follow for more - SarahЧитать далее