Sina

Joined September 2016
  • Day121

    Wauw! Ez sind die 7 1/2 wuche NZ scho verbi. Chans gar nöd glaube das ich morn scho uf d cook insle flüg. Ich han so vill erlebt da und es isch spezielle ez "tschau" zsegge ;) Neuseeland wird mir immer in gueter erinnerig bliibe. Mir isch im moment nonig bewusst, dasi morn flüge und den au scho bald dehei bin. Ich gnüsse mini letschte wuche ez aber no.
    Es plaget mich grad e chli s chopfweh und schluckweh und drum stahts no chli i de sterne obi de Tauchkurs wüki chan mache! Ich hoffe extrem das es schnell verbi gaht.
    Die letschte zwei Täg in Auckland han ich mit de Florence, e schwizerin verbracht, sie han ich in Rotorua kenneglernt. Isch lässig gsi die zwei täg no es bekannts gsicht bi mir zha woni ha chöne schwätze und öppis underneh. Geschter hemmer die letschte souvenir- ichäuf gmacht und hüt hemmer s wetter chli gnosse.

    Cook - Insle ich chume!!! ☀☀☀
    Read more

  • Explore, what other travelers do in:
  • Day118

    Cape Reinga

    May 11, 2017 in New Zealand

    Geschter han ich e Tour zum nördlichschte Punkt vo Neuseeland gmacht. Es isch so e richtigi Tourischte-Tour gsi, die erscht woni mach sit ich am Reise bin. Fasch de ganz Bus isch volle Inder gsi 😂 aber es isch okey gsi. Am nördlichschte Punkt treffed sich de Tasmanian Sea und de pazifik. Das gseht mer u guet, will sich deht d welle so überschlönd. Leider het s wetter nöd mitgspilt und es isch de ganz tag grau, extrem windig und neblig gsi. Schad! Aber es isch trotzdem idrücklich gsi :) bim zrugg fahre händ mir uf de sanddüne no chöne sandborde und mir sind uf em ninety mile beach gfahre (er isch nur 55 meile lang, aber er heisst trotzdem so). S sandborde isch luschtig gsi, aber wegem wind hettmer de ganz sand im gsicht gha. Isch en lässige Tag gsi und ich han es schööns stückli vo Neuseeland gse, wo für d Maoris extrem wichtig isch. Da i de bay of islands sind sie s erscht mal acho, wo sie Neuseeland entdeckt hend ;)Read more

  • Day117

    Paihia und Russell - The Bay of Islands

    May 10, 2017 in New Zealand

    Bin im Moment ganz im Norde vo de Nordinsle. Mer seit dem gebiet da: Bay of Islands, wills vili insle het. Es isch s erscht mal gnueg warm für churzi hose :) Paihia isch en schöne Ort direkt am Meer. Im summer isch es da sicher mega schön zum Bade. Mit de Fähri chamer uf Russell fahre. En chline aber schöne Ort. S wetter bliibt da leider nöd de ganz Tag schöön, es isch den grau und chüeler worde. Ich han e schiffstour gmacht um d insle und mir händ riisigi Bottlenosedelfine gse. Die werded zwüsched 2.5 und 3.5 meter gross. Sie sind riesig gsi und sind richtig id Luft gsprunge... 4,5 Meter! Ich ha mine auge fasch nöd traut, es isch e soo cool gsi!!Read more

  • Day115

    Whitianga - Cathedral Cove

    May 8, 2017 in New Zealand

    Vo Rotorua bin ich mit em Bus uf Whitianga gfahre. En ort direkt am meer. Vo deht us bin ich den mit em Velo wo ich gmietet han zu de Cathedral Cove gfahre. D Strasse sind leider zimmli hügelig gsi und die 15 km sind denn recht astrengend worde 😂 Trotzdem ischs mal öppis anders gsi und es isch de ufwand wert gsi. Ich han nemmli nöd welle autostöpple. Fühl mi efach nöd so sicher, obwohl das da meega vill jungi reisendi mached. D Landschaft isch uu grüen gsi mit villne Hügel. E chli wie dehei, aber doch anderschd. Tropischer...
    Cathedral cove isch es tunnel imene Stei am Meer. Es isch so friedlich gsi am Strand und ich liebe d grüsch vom meer und die chraft wos meer hätt ;)
    Read more

  • Day112

    Tamaki Maori Dorf

    May 5, 2017 in New Zealand

    Geschter Abig bin ich mit de Elke, e dütschi wo i mim Zimmer gsi isch a e Maori Show gange. Isch echt de Hammer gsi. So idrücklich und es het eim richtig mitgrisse. Sie händ verschiedeni tänz ufgfüert und über ihri Kultur gschwätzt. Wemmer si so ahluegt chunt mer zersch fasch e chli angst über. Früehner hens si Tattoos im Gsicht gha. Die Tattoos händ öppis über ihri Vorfahre verzellt. Hützutags hends d tattoos aber nüme im Gsicht sondern a de ärm. Am rechte Arm, d gschicht vo de Muetter und am linke Arm die vom Vater. D tattoos gsend echt superschön us ;) Nach de show händ mir de Znacht gesse. "Hangi" heisst das bi de Maoris. Gmües und Fleisch hetts geh. Sie händ das im Bode kochet und den mit deckene zuedeckt. Es isch fein gsi, aber es het chli nach Rauch gschmöckt :) De ganz abig hani extrem lässig gfunde. Mal öppis total anders! Ich han e paar coole Videos gmacht, die chani aber leider nöd uestelle...Read more

  • Day112

    Rotorua

    May 5, 2017 in New Zealand

    Nach zwei Täg action han ich Ziit gha zum chli id Stadt gah. Mir het s Städtli uh gfalle. Wie vili anderi Ort liits amene See. De isch dur en Vulkanusbruch entschtande ;) I de ganze Stadt schmöckts nach Schwefel. Es het vili chlini Gässli mit Läde und i de ganze Stadt hetts vill Maori Lüt. Vill me, als uf de Südinsle. Das findi cool, will mer den s "richtige" Neuseeland kennelernt. Wo ich zum See gloffe bin, bin ich zuefälligerwiis a es Maori- Dorf herä gloffe. (Ohinemutu hetts gheisse) Hani mega idrücklich gfunde. Die lebbed nöd so im Luxus. Überall ganz vill Holzschnitzereie und d Umgebig isch Geothermal gsi :) In Rotorua hetts no anderi Maori Dörfer wo aber nur für Tourischte gmacht worde sind. Aber in Ohinemutu lebbed würkli Maori Lüt. Mer seit dene dörfer au; the living Maori village. Sie lebbed scho nüme so wie früener. Sie hend sich apasst aber ich denke gwüssi Sache mached sie immer no wie ih ihrere Kultur. ;)Read more

  • Day111

    Usflug- Wasserfäll und Mount Maunganui

    May 4, 2017 in New Zealand

    Am Dunnschtig han ich mit es paarne wo ich uf de Südinsle troffe han en Usflug vo Rotorua us gmacht. Zerscht simmer zu Wasserfäll gfahre und nacher zum Mount Maunganui. En chline Hügel direkt am Meer. Isch uu schöön gsi ;) ich bin froh ez uf de Nordinsle zsi. Es lauft vill me und ich lerne me lüt kenne :-)Read more

  • Day111

    Rotorua - Waiotapu Park

    May 4, 2017 in New Zealand

    S Land rund um Rotorua isch e Vulkanlandschaft. Überall rüücht Rauch us em Bode. Und es stinkt überall e chli nach verfulte Eier weg em Schwefel. Mit zwei schwizer woni kenneglernt han bini i so en Park gange wos ganz vill so heissi quelle gha het. Über 100 grad warm ischs wasser wills im bode erhitzt wird durch vulkanischi aktivität. Isch u idrücklich gsi und de bode het richtig kochet ^^ Dehei chani den no me fötelis und videos zeige.Read more

  • Day109

    Ich während em Tongariro Crossing

    May 2, 2017 in New Zealand

    Achtung ez chömed es paar fötelis vo mir!!! 😛😊 Nöd immer Prachtschtück 😂 Aber es isch morge früe gsi und chalt 😎

Never miss updates of Sina with our app:

FindPenguins for iOS FindPenguins for Android