Nulstil søgning
Around The World
  • Sina
  • Sina

Around The World

Et 121-dags eventyr af Sina Læs mere
FølgOversigtOversigtKalenderKalenderBillederBillederDelDelTræskoliste
OversigtKalenderBilleder
  • SinaAround The WorldSina

    Abel Tasman Nationalpark

    22. april 2017, New Zealand ⋅ ☀️ 12 °C

    Am letschte Samschtig han ich vo nelson us en usflug zum abel tasman nationalpark gmacht. Ich bi deht chli ga wandere. Isch u schön gsi. Es isch regewald gsi und mer het überal d vogel ghört. Am schluss bin ich den dur's meer gloffe, will ebbe gsi isch. Das isch no es speziells gfühl gsi, aber öppis wo ich no nie gmacht han. S segelschiff im bild une staht weg de ebbe uf em Sand 😊Læs mere

    Se oversættelse
  • SinaAround The WorldSina

    Picton

    24. april 2017, New Zealand ⋅ ☀️ 14 °C

    Picton isch en chliine Ort wod Fähri vo de Nord- uf d Südinsle fahrt. Ich han aber nöd d fähre gno, sondern han eifach d sunne gnosse und bin chli im dörfli umenand gloffe. Mengmal bruuchi au ziit zum sache organisiere. Zum bispil toure und hostels bueche oder süschtigi sache. Das friesst amel recht ziit. Picton het mir u guet gfalle. Chlii aber uu schön und herzig. Lässigi kafis hetts gha zum a de sunne z höcklä. Am einte abig bin ich den mitere thailänderin und ere französin ga kajake. Das het mer vom hostel us chöne mache. Mir händ denn uf em segelschiff znacht gesse. Will de wo das organisiert wohnt uf em schiff. Isch es alts, nüm so schööns schiff gsi. Mir gfalled die wo mir amigs händ besser 😍Læs mere

    Se oversættelse
  • SinaAround The WorldSina

    Akaroa

    26. april 2017, New Zealand ⋅ ⛅ 13 °C

    Akaroa isch es herzigs chlises französischs dörfli i de nöchi vo christchurch. Min letschte stopp uf de südinsle. Es gitt nöd vill zmache deht. Wandere, relaxe und mit delfine schwümme chamer. Ich bin fasch e chli lang deht gsi. Aber lieber imene herzige dorf sii als inere grosse, nöd schöne stadt ;) i letschter ziit ischs mer öfters eher e chli langwilig gsi und ich han mich immer igendwie chli dur de tag dureboxe müse. D südinsle isch soo ähnlich wie bi eus dehei und drum ischs für mich nöd öppis abartig speziells gsi. Scho extrem schöön aber ebbe nüt neus 🙈 Es isch etzt off season da in neuseeland und drum sind nüme ganz so vill backpackers underwegs. Ich freu mich ez uf en change uf de nordinsle. Das segi anschinend anderschd. Meh maori kultur und vulkanlandschaft.Læs mere

    Se oversættelse
  • SinaAround The WorldSina

    Schwüme mit Delfine in Akaroa

    27. april 2017, New Zealand ⋅ ☁️ 16 °C

    Jupppi, ich ha chönne mit delfine schwüme. Mit de chlinschte delfin wos gitt. Sie heissed hector delfine und die gitts nur a dem ort. Es isch soo schöön gsi. D delfine sind wildi delfine und wenns luscht händ gha sinds cho 😍 s wasser isch uu chalt gsi aber es hett sich glohnt. S grüsch wenn sie uftaucht sind und gschnuufet händ isch so öpps einzigartigs! Mir händ nöd nur delfin gse, sondern au die chliinschte pinguine wos gitt und seerobbe. Das erlebnis isch extrem lässig gsi und ich wirds sicher nie meh vergesse 😊 d fötelis sind leider nöd die beschte, wills immer chli schwirig gsi isch zum fötele, aber vilicht entdecked ihr ja die eint oder andere tier :-)Læs mere

    Se oversættelse
  • SinaAround The WorldSina

    Wellington

    29. april 2017, New Zealand ⋅ ⛅ 16 °C

    Welcome to the north island! :) Am letschte samschtig bin ich vo christchurch uf wellington gfloge. Ha am 5i müse ufstah will ich am 7bni gfloge bin. De flug isch nur 40 minute gange und chum simmer gstartet simmer wieder glandet. Wellington isch e schöni stadt am meer. Deht chunnt d fähri vo de südinsle ah und fahrt ab uf d nordinlse. Ich stell mer vor das d stadt schöner isch bi schönem wetter. De himmel isch bi mir recht grau gsi und es hett ab un zue chli gregnet. Ich han nur ein tag gha i de stadt, aber es het glanget für mich. Am abig bin ich an nachtmärt ga znacht esse. Das isch no cool gsi ;) ich bin au i es cools mueseum gange, wo vill über d maoris erchlärt worde isch und au über s land. Under neuseeland treffed nämli 2 kontinentalplatte ufenand. Die australischi und die pazifischi. Drum hets da vill erdbebe und vulkän.Læs mere

    Se oversættelse
  • SinaAround The WorldSina

    Ohakune

    30. april 2017, New Zealand ⋅ 🌬 12 °C

    Vo wellington bin ich mit em zug uf ohakune gfahre. Isch no lässig gsi, mal nöd immer mit em bus underwegs z sie :) im ort isch tote hose gsi und ich han s ganze hostel hüttli für mich elei gha. En kiwi ( so seit mer zu de iheimische vo neuseeland ) het mir gseit das dehte d neuseeländer ferie mached im summer zum bike und im winter zum skifahre. Etzt isch herbscht und drum lauft nöd so vill ^^
    Ich han 2 chuchene für mich gha und en fernseh. Isch no cool gsi, aber au extrem einsam. Ich han denkt ich lern da vill lüüt kenne, aber igendwie ischs uf de südinsle nöd so gsi und au da ez nöd 🙈    Læs mere

    Se oversættelse
  • SinaAround The WorldSina

    Taupo - Tongariro Alpine Crossing

    2. maj 2017, New Zealand ⋅ ☀️ 10 °C

    Tongariro Crossing

    Am 4:45 bin ich ufgstande mit voller vorfreud aber ich bin au chli nervös gsi. Am viertel ab 5i hett mich de shuttlebus im hostel in taupo abgholt und zum start vo de wanderig bracht. D wanderig han ich elei gmacht, aber es het immer anderi lüüt gha underwegs. S tongariro crossing isch e sehr bekannti wanderig in neuseeland. 20 kilometer dur e vulkanlandschaft. Ich han am 7bni gstartet und d wanderig gaht zwüsched 6 und 8 stunde. Gwüssi vulkän sind immer no aktiv. Es isch chüel gsi woni gstartet bin und ich bin froh gsi um mis stirnband und d händschä. G wanderet bini mit mine turnschue woni debi han. Am afang isch de weg recht easy gsi für ei stund aber mini bei händ sich scho gschpürbar gmacht!! Und ich ha no 6 stund vor mir gha und nöd nur eifachi wäg!! Super hani denkt, mag scho nüme nachere halb stund!! :)) nachere stund isch es den ei stund de berg duruf gange mit stege. Ha scho recht früe extrem müse schnufe. Ich bin aber erstundlich schnell underwegs gsi und de ufstiig het sich churzwilig agfühlt. Die schöön landschaft mit de vulkän het mer natürli die ganz ziit chönd bestuune. Es hett sogar schnee gha. Das isch den echli zu mim problem worde, will ich ja nur mini nöd- wasserfeschte schueh agha han ^^ eigentlich hani welle wanderschueh miete aber mer het mir gseit mini schueh segged guet,de schnee segi gschmolze will de bode vom vulkan ja warm isch. Jajaa, das isch en witz! En halbe meter bini im schnee igsackt und ha nach de helfti nassi socke und schue gha 😛 aber; that's part of the experience ;)) nach em ufstieg isch es den e chli grad us gange und nacher dur de schnee de berg duruf, isch zimmli rutschig gsi aber ich bin den zumene schöne ussichtspunkt cho. Woni no chli witer gloffe isch hani den en blick uf 3 türkisfarbigi see gha. Grüücht hetts, wills ja en vulkan isch. Isch uu schöön gsi :) wiiter ischs gange dur schwarze sand und ene dur de tüüfi schnee wieder ue. Deht hani den nomal en schöne see gse. Nacher isch denn recht easy um de berg ume gange richtig endi vo de wanderig. Ich ha den mal no min zmittag bimene chline hüttli gesse und ha no ziit gha für es kapitel z lese vo mim buech. Ich han nemmli unbedingt müse de halbi 3 shuttle zrugg verwütsche, will ich den am abig de bus gha han an nöchschte ort. Ich bin schneller gsi als ich denkt han und bi under de erschte lüt gsi, wo am endi acho sind. Juppiii! Mini kondition isch doch nöd so am arsch wie ich denkt han ;)) ich bin am viertel vor 2 fertig gsi. De schluss het sich den chli zoge und es isch immer durab gange. Mini chnü händ zum glück dureghebed. S ganze crossing isch de hammer gsi. Öppis vom beschte wo ich gmacht han. Chas gar nöd richtig realisiere. D landschaft isch so schöön gsi ;) ähnelet extrem de schwiiz ;)Læs mere

    Se oversættelse
  • SinaAround The WorldSina

    Ich während em Tongariro Crossing

    2. maj 2017, New Zealand ⋅ ☀️ 0 °C

    Achtung ez chömed es paar fötelis vo mir!!! 😛😊 Nöd immer Prachtschtück 😂 Aber es isch morge früe gsi und chalt 😎

    Se oversættelse
  • SinaAround The WorldSina

    Rotorua - Waiotapu Park

    4. maj 2017, New Zealand ⋅ ☀️ 13 °C

    S Land rund um Rotorua isch e Vulkanlandschaft. Überall rüücht Rauch us em Bode. Und es stinkt überall e chli nach verfulte Eier weg em Schwefel. Mit zwei schwizer woni kenneglernt han bini i so en Park gange wos ganz vill so heissi quelle gha het. Über 100 grad warm ischs wasser wills im bode erhitzt wird durch vulkanischi aktivität. Isch u idrücklich gsi und de bode het richtig kochet ^^ Dehei chani den no me fötelis und videos zeige.Læs mere

    Se oversættelse
  • SinaAround The WorldSina
    2

    Usflug- Wasserfäll und Mount Maunganui

    4. maj 2017, New Zealand ⋅ 🌧 16 °C

    Am Dunnschtig han ich mit es paarne wo ich uf de Südinsle troffe han en Usflug vo Rotorua us gmacht. Zerscht simmer zu Wasserfäll gfahre und nacher zum Mount Maunganui. En chline Hügel direkt am Meer. Isch uu schöön gsi ;) ich bin froh ez uf de Nordinsle zsi. Es lauft vill me und ich lerne me lüt kenne :-)Læs mere

    Se oversættelse
  • SinaAround The WorldSina

    Rotorua

    5. maj 2017, New Zealand ⋅ ☀️ 15 °C

    Nach zwei Täg action han ich Ziit gha zum chli id Stadt gah. Mir het s Städtli uh gfalle. Wie vili anderi Ort liits amene See. De isch dur en Vulkanusbruch entschtande ;) I de ganze Stadt schmöckts nach Schwefel. Es het vili chlini Gässli mit Läde und i de ganze Stadt hetts vill Maori Lüt. Vill me, als uf de Südinsle. Das findi cool, will mer den s "richtige" Neuseeland kennelernt. Wo ich zum See gloffe bin, bin ich zuefälligerwiis a es Maori- Dorf herä gloffe. (Ohinemutu hetts gheisse) Hani mega idrücklich gfunde. Die lebbed nöd so im Luxus. Überall ganz vill Holzschnitzereie und d Umgebig isch Geothermal gsi :) In Rotorua hetts no anderi Maori Dörfer wo aber nur für Tourischte gmacht worde sind. Aber in Ohinemutu lebbed würkli Maori Lüt. Mer seit dene dörfer au; the living Maori village. Sie lebbed scho nüme so wie früener. Sie hend sich apasst aber ich denke gwüssi Sache mached sie immer no wie ih ihrere Kultur. ;)Læs mere

    Se oversættelse
  • SinaAround The WorldSina
    2

    Tamaki Maori Dorf

    5. maj 2017, New Zealand ⋅ ☀️ 15 °C

    Geschter Abig bin ich mit de Elke, e dütschi wo i mim Zimmer gsi isch a e Maori Show gange. Isch echt de Hammer gsi. So idrücklich und es het eim richtig mitgrisse. Sie händ verschiedeni tänz ufgfüert und über ihri Kultur gschwätzt. Wemmer si so ahluegt chunt mer zersch fasch e chli angst über. Früehner hens si Tattoos im Gsicht gha. Die Tattoos händ öppis über ihri Vorfahre verzellt. Hützutags hends d tattoos aber nüme im Gsicht sondern a de ärm. Am rechte Arm, d gschicht vo de Muetter und am linke Arm die vom Vater. D tattoos gsend echt superschön us ;) Nach de show händ mir de Znacht gesse. "Hangi" heisst das bi de Maoris. Gmües und Fleisch hetts geh. Sie händ das im Bode kochet und den mit deckene zuedeckt. Es isch fein gsi, aber es het chli nach Rauch gschmöckt :) De ganz abig hani extrem lässig gfunde. Mal öppis total anders! Ich han e paar coole Videos gmacht, die chani aber leider nöd uestelle...Læs mere

    Se oversættelse
  • SinaAround The WorldSina
    2

    Whitianga - Cathedral Cove

    8. maj 2017, New Zealand ⋅ ⛅ 11 °C

    Vo Rotorua bin ich mit em Bus uf Whitianga gfahre. En ort direkt am meer. Vo deht us bin ich den mit em Velo wo ich gmietet han zu de Cathedral Cove gfahre. D Strasse sind leider zimmli hügelig gsi und die 15 km sind denn recht astrengend worde 😂 Trotzdem ischs mal öppis anders gsi und es isch de ufwand wert gsi. Ich han nemmli nöd welle autostöpple. Fühl mi efach nöd so sicher, obwohl das da meega vill jungi reisendi mached. D Landschaft isch uu grüen gsi mit villne Hügel. E chli wie dehei, aber doch anderschd. Tropischer...
    Cathedral cove isch es tunnel imene Stei am Meer. Es isch so friedlich gsi am Strand und ich liebe d grüsch vom meer und die chraft wos meer hätt ;)    Læs mere

    Se oversættelse
  • SinaAround The WorldSina

    Paihia und Russell - The Bay of Islands

    10. maj 2017, New Zealand ⋅ ☀️ 20 °C

    Bin im Moment ganz im Norde vo de Nordinsle. Mer seit dem gebiet da: Bay of Islands, wills vili insle het. Es isch s erscht mal gnueg warm für churzi hose :) Paihia isch en schöne Ort direkt am Meer. Im summer isch es da sicher mega schön zum Bade. Mit de Fähri chamer uf Russell fahre. En chline aber schöne Ort. S wetter bliibt da leider nöd de ganz Tag schöön, es isch den grau und chüeler worde. Ich han e schiffstour gmacht um d insle und mir händ riisigi Bottlenosedelfine gse. Die werded zwüsched 2.5 und 3.5 meter gross. Sie sind riesig gsi und sind richtig id Luft gsprunge... 4,5 Meter! Ich ha mine auge fasch nöd traut, es isch e soo cool gsi!!Læs mere

    Se oversættelse
  • SinaAround The WorldSina

    Cape Reinga

    11. maj 2017, New Zealand ⋅ 🌬 18 °C

    Geschter han ich e Tour zum nördlichschte Punkt vo Neuseeland gmacht. Es isch so e richtigi Tourischte-Tour gsi, die erscht woni mach sit ich am Reise bin. Fasch de ganz Bus isch volle Inder gsi 😂 aber es isch okey gsi. Am nördlichschte Punkt treffed sich de Tasmanian Sea und de pazifik. Das gseht mer u guet, will sich deht d welle so überschlönd. Leider het s wetter nöd mitgspilt und es isch de ganz tag grau, extrem windig und neblig gsi. Schad! Aber es isch trotzdem idrücklich gsi :) bim zrugg fahre händ mir uf de sanddüne no chöne sandborde und mir sind uf em ninety mile beach gfahre (er isch nur 55 meile lang, aber er heisst trotzdem so). S sandborde isch luschtig gsi, aber wegem wind hettmer de ganz sand im gsicht gha. Isch en lässige Tag gsi und ich han es schööns stückli vo Neuseeland gse, wo für d Maoris extrem wichtig isch. Da i de bay of islands sind sie s erscht mal acho, wo sie Neuseeland entdeckt hend ;)Læs mere

    Se oversættelse
  • SinaAround The WorldSina

    Auckland- die letschte Täg in Neuseeland

    14. maj 2017, New Zealand ⋅ ⛅ 13 °C

    Wauw! Ez sind die 7 1/2 wuche NZ scho verbi. Chans gar nöd glaube das ich morn scho uf d cook insle flüg. Ich han so vill erlebt da und es isch spezielle ez "tschau" zsegge ;) Neuseeland wird mir immer in gueter erinnerig bliibe. Mir isch im moment nonig bewusst, dasi morn flüge und den au scho bald dehei bin. Ich gnüsse mini letschte wuche ez aber no.
    Es plaget mich grad e chli s chopfweh und schluckweh und drum stahts no chli i de sterne obi de Tauchkurs wüki chan mache! Ich hoffe extrem das es schnell verbi gaht.
    Die letschte zwei Täg in Auckland han ich mit de Florence, e schwizerin verbracht, sie han ich in Rotorua kenneglernt. Isch lässig gsi die zwei täg no es bekannts gsicht bi mir zha woni ha chöne schwätze und öppis underneh. Geschter hemmer die letschte souvenir- ichäuf gmacht und hüt hemmer s wetter chli gnosse.

    Cook - Insle ich chume!!! ☀☀☀    Læs mere

    Se oversættelse
    Slut på rejsen
    14. maj 2017
  • 2026© FindPenguins
  • Hjem
  • Om os
  • Gruppesporing
  • Presse
  • Betingelser
  • Privatliv & Cookies
  • Hjælpecenter
  • Aftryk