Bracut

Hüt mal wieder en Wecker gstellt, da mr e grösseri Etappe vor üs gha händ.
Nachem "Zmorge" im Motel händ mr de ersti Fotistop bi de Natural Bridges iigleit, woruf mr im Aschluss e Abentüürlichi Strass zum Oregon Redwood Trail gnah händ. Dete aacho ischs en schöne Spaziergang gsi 😅
Churz druf abe händ mr Oregon verlah und sind im Staat Kalifornie iigfahre 😎🤙🏻
S erschte Highlight i dem Bundesstaat hät dänn au ned lang uf sich warte lah und mir sind dur de Redwood Nationalpark mit all sine Mammutbäum gfahre, es isch unglaublich faszinierend gsi 🤩 Bim Big Tree (87m höch, 7m Durchmesser, 23m Umfang und öpe 1500 Jahr alt) dänn au namal es Föteli gmacht bevor mr d Szenerie gwächslet händ und zum Strand sind 😎 Immerna uf de Suechi nacheme Sand Dollar, händ mr aber au hüt kei Erfolg gha. Mir händ aber na eis, zwei Chance 🤓
Znacht häts in Eureka gäh, wo mr au wärded übernachte. Hüt mal ufeme Campingplatz ime nette Holzhüttli 😅Read more