Deep Lake Strand

Wiiterhin überall viel viel Riichtum gseh, am Kanal hets ei fetti Hütte nach de andere, jedi mit ere Jacht oder Jetski vornedraa. Au de Lambo derf uf em öffentliche Grund eifach uf de Wiese parkiere. Was das für Dimensione sind cheggt mer erscht wenn mer über Miami drüberflüügt, was überigens nödmal so tüür isch (70$/Person für 25min). Ganzi Stadtteil im Süde vo Miami sind voooolllleeeee vo Luxushüttene, da weissmer denn au grad wer d cholle het zum 17$ für es Bier zahle und denn no Trinkgeld z geh.
S jetski fahre z mitzt im Miami isch au no okay vom Priis (65$/Stund) für das dasmer würklich zmizzt drin isch, mer derf sogar no s Passagierboot stüüre. Die Jetski sind au riiiichtig Potent gsi (drosslet uf 80km/h). D Prüefig wo de Staat Florida eim für 10$ ufzwingt bevor mer uf de Jetski derf, wird eim vom Vermieter usgfüllt 😂 Und nacher chammer zämme mit viel anderne Jetskis und grössere Boot ohni Regle fahre 😀 guet wahrschindli wäred d Regle ih dem Test gstande, oupsss
Am 2. Weekend isch denn no s Ultra Festival gsi (Technofestival für 500$ für 3 Äbig PLUS 107$ taxes..). Ah das Festival sind sogar 62 jährigi Grossmamis no gange. Das heisst, alles andere isch relativ läär gsi.

Woni mal ganz langsam rückwärts us ere Tankstell gfahre bin, isch no eine hinter s Auto gloffe und het denn e riise show abzoge dasi ihn verletzt han und sin rugge gschlisse han. Aber mit schreie und an Bode chnüündle vor schmärze 🤣. Was für es päch bin ich en Usländer gsi mit eme Mietwage und han ich kei Englisch chönne. Randbemerkig: de Mitarbeiter vode Tankstell isch am Schluss na zu eus cho und het gseit mir sölled eifach wiiterfahre, s segi nöd s erschte mal daser hinder es auto lauft.

Fort Myres isch defür na e härzigs städtli mit viel Statue zum nahmache. Es schlüsst aber alles relativ früeh.
Am letschte Abig simmer denn no inen Latinoschuppe, geil gsi und chli verhandlet für de Ihtritt. Euse Uberfahrer isch gad au no de Produzänt vo Piso21 gsi. So isch s Partyimage vo Miami au no grettet gsi.

Fazit: S het würkli viel verrukti Lüt wo uf de Strass umenandschreied und Fraue richtig härt schlimm ahmached..

D Highlight vo Miami: Die scharfe Pickles vom Familydollar für 1.35$ und de Subway bi eim vo eusne Hostels wo 24h offe gha het.Read more