First Baptist Church

Ich ha gläse, dass es i de nöchi en nationalpark mit schneewiisem sand sött gä. Also hämmer am nächste morge üsi 7 sache packt ond send det hi gfahre. Churz nachem mittag simmer acho. S internet hed ned z vill versproche: schneewiise sand, so wiit mer cha luege 😍
Aschlüssend simmer is nächste dörfli gfahre ond händ gluegt, wo mer ide nöchi cha campe. Mer händ es paar state parks im nöchglägene national forest gseh ond händ dänkt mer probiereds det mal. Scho gli nach de abfahrt hemmer gmerkt, dass de wald uf me bärg obe esch 🤭 immer chälter eschs worde ond plötzlich heds a de schattige fläckli schnee gha....aso werklich schnee, ned de wiis sand vo de düne 😅
Mer händ ufem wäg sogar no reh gseh öber d strass laufe. Leider hed sich womer acho send usegstellt, dass die pärk all no zue hend 🙈
Zum glück hämmer de no eine gfunde chli uf desere siite wiiter im tal unne. Det hämmer d nacht verbracht. Am morge simmer vo schnatternde gäns und me truthahn gweckt worde wo bim flüssli näbedra am gräsli ässe gsi sind 😊Read more