Nua‘ailua Bay

So ischs denn wiitergange mit wiitere Strandusflüüg mit em Hostel, irgend en Typ wo am Secret Beach joints gratis verteilt het und wiitere Stops bim Safeway. Mir sind nie würkli vorem 4i am Morge go penne eifach wills nachem Usgang amel no so chillig gsi isch zum im Hostel chille. De "Primo" isch en Kolumbianer wo nöd ganz 100 gsi isch und mal en ganze Abig um de Tisch gloffe isch und sini Tequilashots verteilt het.
Irgendwenn hemmer erfunde dass es unwiit vo eusem Hostel weg en mega guete Taco Foodtruck git. D mexikanerinne sind 3 täg lang scharf uf de gsi und hend welle dassmer sie dete anefüered, will uf google hets en ebe nöd ahzeiget. Mir hend immer irgend e anderi Usred gha, wieso dasmer jetzt grad nöd chönnd gah 😂
Am Abig vom Secretbeach hani d Geuppe für en Moment verlore wos an andere Strand ad Füürshow sind. Läck isch am Dom en Stei vom Herze gfalle wonner gseh het, dass ich sin Rucksack gha han. Ah dere Füürshow hend alli zuegluegt. Nur de Dom, de Alex und ich sind irgendwo andersch am umehüennere gsi und hend rein gar nür vo dere Show mitbecho.
Am negste Taag hemmer z 6te ws Auto gmieted und en Uusflug ad Road to Hana gmacht. Ohni würklich bi de bekannte Spots ahzhalte simmer ei mal duruuf gfätzt und wieder durab. De Dom het sini Drohne debi gha und het hammer Ufnahme gmacht, au usem fahrende Auto use.
Woni mit minnere frische Wäsch is Zimmer cho bin, isch d Cathlin (Rezeptionistin) mit soneme Brit am schätzle gsi. Sie het denn aber relativ bald welle gah. Wingman wie ich bin, han ich ihre denn gseit, dass sie ersch derf gah, wenn sie mini ganz Wäsch zämmegfalted und uf mis Bett gleit het. Wär hetts denkt, dass effektiv mini ganz Wäsch schön zämmegfaltet uf mim Bett gläge isch woni am 4i am Morge heichoo bin 😂 het denn e gueti Rezension geh.
Am gliiche Abig isch eine vo eusem Hostel ide Bar ziemli verschlage worde, het denn aber allne gseit er segi umgheit.
Am 6. Tag sind die meiste denn entweder uf Big Island oder uf Oahu. Drum hemmer eigentli de ganz Taag im Whirpool chillt. S hend denn no 2 zwägi Schwiizer ihchegged wo vo eusere Gruppe mit allne "good to know" betraut worde sind, damit sie de Spirit vo eusere Gruppe chönnd ufrecht erhalte. Ohni de James aka Evan z kenne hends ihm grad direkt is gsicht gseit: "Fuck ya James".
Ich bin denn am Abig au uf Oahu gfloge wommer denn d Mexikanerinne und de Alex am negstw Morge gfolgt sind.

Wasmer vo Maui bliibt:
- Twisted Tea und 8%ige Mangoselzer
- Tacofoodtruck
- De verwirrti Dom im Zämmespiel mitem Alex wo täglich am 9i am Morge ahgfange hät z trinke und chickenwings mit MacnCheese zum Zmorge isst.
- Langi äbig nachem Usgang ide common area vom Banana Bungalow, obwohl am 10i jewils nachteuhe gsi isch 😂
- extrem viel gueti Schwiizer
- sehr gueti Usflüg mit immer ere suuuper Stimmig
- alles ussert gnueg schlafRead more