Lai Heua Fai - Lichtfestival

Dur Zuefall hanii in Luang Prabang derfe s'alljährige Festival "Lai Heua Fai" miterlebe, wo jewiils sEndi vode 3monatige Budistische Faschtezyt vode Mönche sowie sEndi vode Regezyt gfiired wird.

Nebstdem dass alli Mönche ihri Tempel wunderschön schmückend und ide Nacht belüchtet und während dene Täg Tag und Nacht Zeremonie abhaltet, werded selbstgmachti Boot vo de verschiedene Dörfer us de Region us Windpapier und Bambus wunderschön belüchtet inre Parade (sochlii à la laotische Streetparade😉) mit verschiedenster Musik und teilwiis traditionelle Chleidig präsentiert, bevor dBoot den ufem Mekong triibe lah werded.
Es isch viel tanzt, gsungee, gesse, trunke und usnahmswiis bis spaat id Nacht gfiired worde 😄 (normalerwiis schlüssed alli Bars und Lokal spötistens um Mitternacht..)
Zudem bastlet alli Familie es Bananeblatt-Blueme Bouquett wo den mit guetä Zuekunftswünsch ufem Megkong triibe lah wiird.

De Tag dur hend Bootsrenne, wo au die verschiedene Dörfer gegenand atrete sind, stattgfunde. Umgeh vomene Art Jahrmarkt mit Büchsewerfe etc., nach laotischer Art😄

Da mir es paar Ihheimischii us de Nachbarschaft kenneglernt hend, hend mir den sogar chene ade Parade mitlaufee (aber als inoffizielle Teilnehmer😄🙈 da die Lüüt us de Nachbarschaft au es chlises Wägeli bastlet hend) und sind als Bluemeträger igsetzt wordee.. Was füres ehrevolls Amt😄

Uf alli Fäll es megaa toolls und wunderschöns Erlebnis gsii:) 😍Læs mere