Nelson-Whakariki Beach-Abel Tasman

Noch mä schöne aber au gmietlichi Neujoorsübergang sinn mir äm 01.01. scho wieder zum nägschte Spot wietergfahre.
Viellicht erkennt dr eint oder ander dä Strand wo au uf dä windows Hintergrundbilder d seh isch.
Wharariki beach isch eifach phenomenal. Mä chunt us em stunä nüm use🤩
Die usgwäschene Felse im Meer und no die Sanddühne am Strand. Einfach nur gigantisch.😍
Mit viele Ihdrück sinn mir denn zruck uf Nelson gfahre.
Dr Dag druf isch denn ä 6h Boottrip inkl. Hike an verschiedene Buchte vom Nationalpark Abel Tasman uf em Plan gstande.
An däm Dag hän sich viele Erreignis überschlage. Zuerscht sinn mir uf dr Hifahrt vo dr Polizei mit Blauliecht wäg Gschwindigkeitsüberschrittig ahghalte worde👮denn hän mir no s Boot verpasst will mir an dr falschi Abholpunkt gfahre sinn😎(hän zum glück no 1h spöter uf ä anders Boot chöne) und zum Schluss hän mir am nomittag noch 2h wandere no am falsche Strand gwartet.
Wo mir denn s Boot gseh hän wie s in d Bucht näbe dra am fahre isch hän mir mit dä Flipflops an dä Fies öbe 6min zur andere Bucht miese renne.🤪
Total abkämpft hän mirs zum Glück grad no gschafft.
Was für ä verpeilte aber au wunderschöne Dag.❤️
Wieder uf em Camping in Nelson acho hän mir mit mä Glas Wii und mä breite Grinse😬 dr Dag Revue passiere loh.
Morn gohts denn wieter nach Westport(Ostküste)Read more