Westport-FJ & Fox Glacier-Omarama

Westport het leider nid däm entsproche wo mir erwartet hän.
S Städli isch sehr überschaubar und het wenig z biete. 💩
Einzig d Lag vom Camping(direkt an dr Küste)isch wirklich top.😍
Dr kurzi Hike und dr ahschliessendi Sunneuntergang am Strand sinn d Highlights vo dä 2 Übernachtige gsi.
Wieter isch es gange an dr Westküste mit mä kurze Stop bi dä fantastischä Pancake Rocks und em härzige Städli Hokitika wo mir aber wäg em starke Räge nur kurz duregfahre sinn.
Unser eigentliches Ziel isch aber dr Franz Joseph Gletscher gsi.🫶
Noch dr erschte Nacht hän mir uns frieh am Morge uf dä wäg gmacht um die 5h Roberts Point Track in Ahgriff zneh.
Noch mä schöne aber ahsträgende Ufstieg het dr Ahblick uf dr Gletscher uns voll us dä Socke ghaue. Eifach phenomenal🤩
Uf em Abstieg hets mi (Beni) zwar 3 mol uf d Schnitz kaue aber zum Glück immer ohni blessure.😛
Unde ahcho sinn mir beidi platt aber au stolz gsi zäme das erläbt z ha.
Am Dag druf sinn mir denn richtig Fox Glacier Gletscher wietergfahre (bim losfahre häns mir doch gschafft unser Abwäschbecki z überfahre🙈🤣)
Dört hän mir no ä kleine Hike gmacht um ä Blick uf dr Mt. Tasman und Mt. Cook zerhasche (die 2höchste Berge vo NS)
Jedoch hän die beide sich in Wolke verhühlt. Am morge druf bi draumhaftem Wätter sinn mir nomol zu däm Spot wo mir die beide sogar gspieglet im See in ihrer volle Pracht hän dörfe gseh😍
Dr noch sinn mir wieder wäg vo dr Westküste ins Landesinere nach Omarama greist und unterwägs hän mir no die iiskalte Blue Pools in dr nöchi vo Wanaka mitgno.
Kurz vor Omarama hän mir no sponti ä sprung in dr 14grad kalti Hawea See gmacht wo uns zwei Ihheimischi ä frisch gfangene Fisch gschänkt hän wo mir uns hüt zobe zum erschte mol mit filetiere probiere🐟🥘Read more