Omarama-Wanaka-Queenstown

Noch 2 schöne Däg im verschlofene Omarama mit äre beihdruckendä Wanderig zum Mt.Cook🤩 und mä ahschliessende entspanne im Hot Pool sinn mir wiiter richtig Wanaka. Dört acho hän mir zerscht dr bekannti Spot <dr Baum im See> ahgstührt wo uns wie so oft ä trubel Chinese bereits empfange hän🙈
Schnäll ä Foti gschosse und wiiter isch es gange go s Städli ahluege.
Näbst dä viele Cafis, Bars und Shopping-Möglichkeite punktet dr Ort mit dr grandiose Ussicht uf diä umliegende Bärge wo s im Winter diversi Skigebiet het.😍
Noch 1 Übernachtig uf mä doch eher bescheidnere Campingplatz hän mir uns uf das scho lang plante Queenstown gfreut.
Wie mir vernoh hän isch es diä Outdoorstadt schlechthi.
Do chunt jede Adrenalinjunkie uf sinni Koste. Vo Bungeejumping, über Paragliding bis hi zu Canyoning. Eifach die volli Bandbreiti😆
Mir hän näbst dr Winetour no 2 Hikes und zum Schluss no ä 1h Jetboottour🤩 gmacht.
Die fünf Däg Queenstown hän sich uf jedefall mega glohnt wo mir ä grosse Teil vo dr Zyt mit mä super tolle unkomplizierte schwiizer Pärli hän dörfe verbringe. Näbst em guete Ässe(vorallem dr Ferburger- wer kennt dr beriehmti burger nid❤️) und dä viele coole Bars isch eifach au die unglaublichi Landschaft überwältigend.
Uns hets uf jedefall extrem guet gfalle.
Next stop TeAnau.Läs mer