Reinicializar a pesquisa
You&Me - Exploring the World
  • Corinne Wiederkehr
  • Andrin Vock
  • Corinne Wiederkehr
  • Andrin Vock

You&Me - Exploring the World

Living OUR dream, finally! Leia mais
+6
SeguirResumoResumoCalendárioCalendárioFotosFotosCompartilharCompartilharLista de metas
ResumoCalendárioFotos
  • Inicio da viagem
    5 de agosto de 2021
  • You&Me - Exploring the World

    Abfluuuuug ✈️

    5 de agosto de 2021, França ⋅ ⛅ 15 °C

    Endlich isch es sowiit! Mer verlönd die (momentan) graui Schwiiz ond stürzed eus voller Vorfreud is Abentüür! 🥳

    Ver tradução
  • You&Me - Exploring the World

    From wouuhh 😬 to WOW!! 🤩

    7 de agosto de 2021, México ⋅ ⛅ 30 °C

    Isla Holbox - Mexico 🇲🇽
    Acho semmer uf de Insle bi Rege ond überfluetete Strosse 🙈 #flashback! Mit de Sonne esch denn aber s’Paradies vörecho 🏝☀️. Mer wördet euch gern es paar suuuper schöni ond au 1-2 “weniger schöni” Fotis zeige, aber s’Wlan schiint leider z’schwach zsii. 🤷🏼‍♀️ Eus gohts aber sehr guet & mer meldet eus weder - hoffentlich denn mit Bildmaterial.
    Macheds guet 😘    Leia mais

  • You&Me - Exploring the World
    11

    Bye bye Holbox 🏝

    12 de agosto de 2021, México ⋅ ⛅ 30 °C

    …es chlises Paradies, die Insle - au wenn sie leider mittlerwile kein Gheimtipp meh esch. Eusi Higlights:
    * Schnorchle metem Walhai 🐳
    * Spaziere uf eeewig lange “sandbanks”
    * Kitesurfe im türkis-blaue Wasser
    * de Delfin wo sich churz esch cho zeige 🐬
    * Frücht zum Zmorge/Zmettag/Znacht 🍍🍉🥭
    * Jogge bi Sonneuntergang
    * Tolli und offni Lüüt: Super zum Spanisch rede!

    Jetzt gohts wiiter richtig Tulum. Mer send gspannt, was eus dete erwartet 🤩.    Leia mais

    Ver tradução
  • You&Me - Exploring the World
    13

    El Castillo - Mayan Ruins

    13 de agosto de 2021, México ⋅ ☀️ 31 °C

    In Tulum semmer eusi ersti Maya-Stätte (12./13. Johrhundert) go aluege. De Haupttempel „El Castillo“ esch s‘Herzstück ond thront imposant uf de Klippe. 🌊 En Art „Raccoon“ ond ganz velli Iguanas hend euse Bsuech abgrundet. 🦎Leia mais

    Ver tradução
  • You&Me - Exploring the World

    Cenote Splash 💦

    14 de agosto de 2021, México ⋅ ⛅ 31 °C

    Gester ond höt semmer zwei Cenotes go aluege. Das sind natürlichi “Wasserlöcher” im Landesinnere. S’Süesswasser isch glasklar, mer cha schnorchle ond s’het meistens Liane oder en Sprungturm zom inegumpe. 🐢Leia mais

    Ver tradução
  • You&Me - Exploring the World
    #venALaLuz
    #conestesia#selinatulum#kapenha#followthatdream#matchamama

    Insta Spots Tulum 📸📲

    15 de agosto de 2021, México ⋅ ⛅ 32 °C

    Bim Recherchiere, was mer in Tulum alles chan mache, semmer uf en lustige Artikel gstosse: Ide ganze Stadt verteilt gits nämli ganz velli berüehmti Insta spots. Mer Insta Pros 🤣 hend die Ort bi 35 Grad metem Velo abklapperet 🥵 - während velli anderi dank Areis im klimatisierte Taxi top gstylt s’gliche Foti gmacht hend. Einigi spots hemmer ussegloh, well mer eifach hätti müesse 15-30min astoh…. 🤦🏼‍♀️🤦🏻Leia mais

    Ver tradução
  • You&Me - Exploring the World
    2
    1

    Bacalar - La Laguna 🐟🐟

    18 de agosto de 2021, México ⋅ ⛅ 33 °C

    S‘Herzstück vo Bacalar esch d‘Laguna. Sie esch dur de Zämeschluss vo 7 verschiedne Cenote enstande ond wiist drum au 7 verschiedni Blautön uf. Wörkli schön! 🤩
    Will aber de Hurricane „Grace“ uf d‘Küste zuegrollt esch, hemmer churzerhand entschiede, chli wiiter is Landesinneri z‘zieh 🌪.
    Mittlerwile semmer in Palenque guet acho & werdet eus glii weder vo do melde.    Leia mais

    Ver tradução
  • You&Me - Exploring the World
    4
    1

    Monkeys 🐒🐒🐒

    19 de agosto de 2021, México ⋅ ⛅ 31 °C

    D‘Stadt Palenque gfallt eus jetzt ned extrem guet, aber d‘Natur rundume metem Urwald esch wörkli schön ond eusi Unterkunft esch eifach perfekt: Mer schlofed imne Bambushüttli inmitte vo Äffli. Dur das, dass d’Hütte offe esch, chonnt mer Znacht die ganzi Tierwelt live mitüber. Beiidruckend! Ond natürli hets au do weder Iguanas, eifach no bitz grösser 🦎. Do es Familyfoti 😜.Leia mais

    Ver tradução
  • You&Me - Exploring the World

    MexiCola 🥤🤔

    25 de agosto de 2021, México ⋅ ⛅ 17 °C

    Mer send die letzte zwei Täg do in San Cristóbal metem Bsuech vo zwei indigene Völker ond emne Chochkurs tüüf id Gschicht vo de Mayas itaucht. Das Ganzi esch uf verschiedne Ebene sehr idrücklich xii ond vellmols au ned ganz verständlich för eus 🤔. Ufem erste ond ufem zweite Bild xehnd ehr d‘Chile vo Chamula - eimol vo usse ond eimol vo inne. S‘Bild vo inne aber hemmer usem Internet: Mer dörf nämli kei Fotis mache, will sie Angst hend, dass ihne so d‘Seel klaut werd ond sie afälliger för Chrankheite werdet. De ganzi Bode ide Chile esch bedeckt mit Pinienadle (heilig; nochegstellt ufem dritte Bild) ond ganzi Familiene hocked am Bode ond send am bete - met 1000ige vo Cherze, Opfergabe (gschlachteti Hüehner), Schnapps (Pox) ond ebe: Coca Cola 🙈. Coca Cola het vor viele Johr usegfonde, dass es chohlesührihaltigs Getränk de Bevölkerig bem Bete wörd helfe (will sie mit „rülpse“ die schlechte Geister versueched los z‘werde) - ond het das voll usgnützt. Mittlerwile esch s‘Cola viel günstiger als Wasser ond die Iheimische send abhängig devo. Keis Wunder also liit de Cola-Verbruch im Staat Chiapas bi bitz meh als 2 Liter pro Chopf ond Tag! 😳Leia mais

    Ver tradução
  • You&Me - Exploring the World
    1Cloud Forest3

    Adiós Mexico 👋🏼

    27 de agosto de 2021, México ⋅ ⛅ 17 °C

    Mer hend vell Neus dörfe entdecke (sogar en neui Spezies 🐒🤣), hend d’Natur in volle Züüg chönne gnüsse ond hends gliebt, dur die bunte Gässli z’flaniere.
    S’Esch eifach schön xii 🥰.

    >>> Next stop: Guatemala 🇬🇹    Leia mais

    Ver tradução
  • You&Me - Exploring the World
    2

    Lake Atitlán 🚣🏻

    29 de agosto de 2021, Guatemala ⋅ ☁️ 20 °C

    Nach laaaaaange 12 Stond Reiseziit semmer gester Obiig in Panajachel, Guatemala acho. Höt Morge hemmer s‘Städtli churz agluegt, bevors denn metem Böötli wiiter gange esch uf San Pedro.
    San Pedro liit ebefalls am Lake Atitlán ond s‘het eus do uf Ahieb gfalle, zom Glöck! 😅 Mer hend nämli vor, die nächste 2 bis velecht sogar 3 Woche do z’bliibe: Am Morge wemmer ide Schuel Spanisch lerne ond am Nomitag d‘Umgebig erchunde. Wohne dörfed mer binere Guatemalische Hostfamily. De Edgar ond d’Ana hend eus scho ganz herzlich willkomme gheisse, s’Zimmer esch super ond vor allem d‘Ussicht vode Terrasse esch de Wahnsinn 🤩. Föteli werdet folge.Leia mais

    Ver tradução
  • You&Me - Exploring the World
    Üses Gastmami Ana
    Euses Schuelzemmer

    guateMALA 🤒

    1 de setembro de 2021, Guatemala ⋅ 🌧 16 °C

    Die letschte paar Täg heds eus beidi verwötscht ond mer send teilwiis zemlech flach gläge 🥴🤮 D Schuel ond euses „Schuelzemmer“ send aber super ond dank de tolle Gastfamelie hämmer scho vell döffe öber d Kultur erfahre. D Schuele do send ofgrond vo Covid emmer no gschlosse. Jede Nomitag stiged duzendi vo Chend ofd Huusdächer ond lönd ehre Drache flüge. S esch berüehrend met wie wenig dass sie do zfrede send.
    Chli weniger schön esch wie velli Famelie sech sälber ond alli Chleider im See wäsched. Früehner händs no met Zitrone gwäsche, höt nänds härkömmlechi Seifi ond de Fischbestand esch scho dütlech zrog gange.    Leia mais

    Ver tradução
  • You&Me - Exploring the World
    15

    guateBESSER ⛅️

    4 de setembro de 2021, Guatemala ⋅ ☁️ 20 °C

    Langsam gods eus weder besser ond mer händ höt chli öbis chönne ondernäh. Am Morge hämmer d Sonne of de Terrasse gnosse ond dezue mol weder gwäsche. ☀️
    Nocher hämmer San Pedro erkondet ond en chlini Wanderig ane Strand gmacht wo mer au schön chönnti bade. Ofem Heiwäg heds eus denn verscheffed, also semmer hei gschwomme🌧 🏊‍♂️Leia mais

    Ver tradução
  • You&Me - Exploring the World
    2
    Mais- & Kafiplantage öberall 🌽☕️1Zmörgele ide Sonne 😋

    San Pedro 🤩

    5 de setembro de 2021, Guatemala ⋅ 🌧 20 °C

    Es paar wiiteri Bilder vo San Pedro. S‘Esch meistens entweder am Morge oder am Nomitag schön Wetter - ab ond zue au ganztags ☀️ - ond mer versuechet, nebst de Schuel möglichst vell vom Städtli ond de Natur z‘gnüsse.

    Mittlerwiile semmer scho 1 Monet onterwegs ond eifach nome dankbar, dass mer das alles dörfed erlebe. 🥳🥰    Leia mais

    Ver tradução
  • You&Me - Exploring the World
    Nariz del Indio2El Fuego - de aktivi Vulkan 🌋

    Nariz del Indio ⛰

    7 de setembro de 2021, Guatemala ⋅ ⛅ 12 °C

    Höt Morge semmer am 4i of de ersti Bus noch Santa Clara ond vo det us no ide Dunkelheit uf de Nasespitz vom Indio gloffe zom de Sonneufgang luege. D Ussecht esch wonderschön gseh, au wenns d Sonne a dem Morge leider ned ade Wolke verbii gschafft het.Leia mais

    Ver tradução
  • You&Me - Exploring the World
    1Alli Fraue träged die traditonelle Chleider

    Bye bye San Pedro 💞

    12 de setembro de 2021, Guatemala ⋅ ☁️ 18 °C

    Nach 2 Woche bide Family Rolma ond de Sprochschuel gohts morn wiiter nach Lanquin. D‘Ziit in San Pedro het eus sehr gfalle ond mer hend ganz nöch mitbecho, wie sie do so lebed. D’Natur rund um de See esch beidruckend, d‘Lüüt send super herzlich ond zmindest im Andrin sis Spanisch esch mittlerwile top 🤓. Jetzt freued mer eus, dass mer ohni täglichi Huusufgabe das Land wiiter dörfed erkunde.Leia mais

    Ver tradução
  • You&Me - Exploring the World
    133Euses Hostel im Grüene

    Semuc Champey 🏞

    14 de setembro de 2021, Guatemala ⋅ ⛅ 30 °C

    Nach erere wiitere laaaange Busfahrt semmer in Lanquín acho ond hend am nächste Tag en Usflug nach Semuc Champey gmacht. Semuc Champey esch es Naturschutzgebiet ond bedütet: „Det wo s‘Wasser verschwindet“ - will de eigentlichi Fluss (Río Cahabón) under de Beckene dureflüsst ond wiiter unde erst weder vörechonnt.
    Scho d‘Reis ane/zrogg esch es Highlight xii: 40 Minute of de Ladeflächi vomne Pickup öber Stock ond Stei. Nebst de Wasserbeckene hemmer no en Höhli bsuecht: Mit Cherze bewaffnet semmer durch s’dunkle Wasser gwatet ond hend teilwiis au müesse schwimme, Leitere ufechraxle, durch Löcher rutsche ond vo chline Klippe springe. Es mega Abentüür ond eifach en tolle Tag ide Natur! 🤩    Leia mais

    Ver tradução
  • You&Me - Exploring the World
    2
    1Do "verschwindet" de Fluss 😯1Eusi 6h-Wanderig 🥾El Mirador Vista Verde

    Semuc Champey zum 2. 🤩

    16 de setembro de 2021, Guatemala ⋅ ⛅ 30 °C

    Wells eus so guet gfalle het, semmer no zwoi wiiteri Täg rund um Semuc Champey go wandere & bade. 💦
    Morn gohts metem Shuttlebus wiiter nach Antigua - weder zirka acht Stund… aber mer freued eus! ☺️

    Ver tradução
  • You&Me - Exploring the World
    1Sunrise / Volcán Agua
    11Volcán Fuego 🔥3

    Volcán de Acatenango 🌋

    20 de setembro de 2021, Guatemala ⋅ ⛅ 19 °C

    Mer send guet in Antigua acho ond hend d‘Stadt scho es paar Täg chönne gnüsse. S‘Absolute Highlight bis jetzt esch aber d‘Vulkantour xii 🤩. Mer send gester, zäme met eme Kollegepäärli au us de Schwiiz, zirka 5 Stund mit Sack und Pack (Zelt, Schlofsäck, Mätteli, Esse, etc.) uf de Acatenango gwanderet. Of 3700 M.ü.M. hend mer ganz nöch vom Vulkan Fuego eusi Zelt ufgstellt, send ums Lagerfüür ghöcklet (s‘esch reeechtig chalt xii 🥶), hend zäme kochet ond d‘Natur bewunderet. Wow - die Power! 🔥
    Nachere churze Nacht semmer am 3:30h weder ufgstande ond send mit Kafi/Tee gstärkt nomol chli meh als 1 Stond bis zum Krater gloffe för de Sonneufgang. Mer hend chuum chönne gnueg becho vo dere fantastische Ussicht!!    Leia mais

    Ver tradução
  • You&Me - Exploring the World
    Toll xii met euch 💞Cobblestone StreetsMercado 😋Arco de Santa Catalina

    Antigua ✨

    23 de setembro de 2021, Guatemala ⋅ ⛅ 23 °C

    Schön esch es xii, Antigua - muchas gracias! 🤩
    Mer hends gnosse, dur d‘Strosse z‘schlendere, de Mercado z’bsueche, feiin z’esse ond uf de Vulkan ond anderi Ussichtsplattforme z’chraxle. Ond all das zäme met de Simone ond em Christoph - schön hemmer euch dörfe kennelerne 😘.

    Höt Obiig gohts för eus denn weder wiiter. Wo herä? Das verroted mer nonig 😉, eifach so vell: Bye bye Guatemala 👋🏼.    Leia mais

    Ver tradução
  • You&Me - Exploring the World
    Uf einere Siite de Fluss 🐊S'Dörfli TortugueroUf de andere Siite s'Meer 🌊

    Tortuguero, Costa Rica 🇨🇷

    24 de setembro de 2021, Costa Rica ⋅ ⛅ 31 °C

    Nach knapp 1.5h semmer gester Obig spot in San José, Costa Rica glandet. Mer hend 1x imne Hostel relativ nöch bem Flughafe gschlofe ond send höt Morge früeh grad metem Bus wiiter nach Pavona ond vo dete meteme chline Schiff nach Tortuguero. 🛶 S’Nationalpark-Gebiet nennt mer au „de chlini Amazonas“ - mer send also gspannt, was mer alles entdecke werdet.

    Jetzt gömmer de grad los uf d‘Suechi nach 🐢, hoffentlich send es paar ome! 🤞🏼    Leia mais

    Ver tradução
  • You&Me - Exploring the World
    4
    Löcher / Nester 🐣Spure im Sand vom Zroggchrabble nachem Eierlegge

    Very Special Moments 🐢✨

    25 de setembro de 2021, Costa Rica ⋅ ⛅ 29 °C

    Gester Obig semmer bi Dunkelheit meteme Guide go Schildchrote ufspüre. Er het eus denn zeiget, wie sie Eier legged - natürlich sehr beidruckend… allerdings eschs au sehr en intime Moment för d’Schildchrot ond so velli Lüüt hend eigentlich nüt dete z’sueche! Mer wördet ehm Tierwohl z’lieb die Tour nömme mache…

    …umso schöner esch euse Morge höt xii! ☺️ Mer send ganz früeh ufgstande, send em Strand entlang spaziert ond hend en magische Morge erlebt. ✨ Zerst hemmer en grossi, grüeni Schildchrot gfunde - sie hets nachem Eierlegge nömme gschafft, usem Loch z’chräsme, het met de Flosse wie wild um sich gschlage ond dur das esch s’Loch emmer grösser. Mer hend ihre denn es flachs Holzbrett heregleit för chli meh Halt ond prompt het sies gschafft usezcho! Mer hend ere denn chönne zueluege, wie sie zrogg is Meer chrabblet.

    Ond ufem Rückweg tauched plötzli no ganz velli Babyschildchrötli uuf. Chuum gschlöpft, watschlets ganz dusselig, aber zimmli schnell (!) los ond verschwindet eis nachem andere im Meer. WOW!! 🥰    Leia mais

    Ver tradução