Sägelboot über d'San Blas uf Kolumbie

Insgesamt bin ich 5 Nächt uf ehm Sägelboot vo Panama uf Kolumbie gsii. Mer send insgesamt 8 Reisendi und 3 Crew Mitglieder gsii. Die erste drüü Täg hämmer uf de San Blas Insle verbrocht. Die Insle sind einfach unglaublich schön! Bsitze chan so ehn Insle nor ehn Panamaner sälber, was dezue füehrt, dass werklich no die gliche iheimische Familie und kei richi Usländer uf de Insle wohned. Es ged ehn Ihreiseinsle wo eim d Bewilligung erteilt die meiste Insle z bsueche, ehn Schuelinsle und ganz vieli chlini Familieinsle. Wiiter vererbt chan so ehn Insle nur ah Töchtere wärde und wer eini bsitzt, bsitzt au alles was so druf esch - also probiert mer besser ned mol chli Sand mit z schmuggle das händs gar ned gärn. D Täg hämmer mit Sönnele, läse, schnorchle, schwimme und Insle erkunde verbrocht.

Die letschte zwoi Täg hämmer denn förd Überfahrt uf offnigem Meer bruucht. 48 Stund lang heds ununterbroche rechtig fest gschwankt. Da bi dene Wälle schier jedem schlächt werd hämmer alli die meist Ziit im Bett verbrocht. Erst gäge Obig vom letschte Tag hämmer üs alli langsam dra gwönnt und händ die Wälle so rechtig chönne gnüsse! Det hämmer sogar no paar Delphine gsichted und natürlich denn au ändlich die lang ersehnti Küste vo Kolumbie😊Read more