La Paz

Ja ich bi im Momänt sehr schnell unterwägs 😅. Ich sött ja schliesslich ih 5 Täg z Santiago sii! In La Paz verbring ich drom nor ei Tag und d hälfti vo dem Tag rägneds jetzt leider :/

Ich bi am Morge chli dord Stadt gloffe. Ha de Plaza san Francisco und de Plaza Murillo ahgluegt. Denn hani am lokale Märt öbbis gässe und bi no ah Häxemärt. Uf ehm zrugwäg is Hostel bin ich ah eh Umzug häre gloffe. Ich ha kei Ahnig för was de Umzug gsii esch aber de Lüüt ih ihrne traditionelle Chleider bim Tanze zuezluege esch natürlich immer schön!

Am Nomittag wär ich eigentlich no gärn zu ehmene Ussichtspunkt gloffe, aber da das bi Räge ja werklich nüt bringt bin ich chli im Hostel blube und ha mini wiiteri Reis organisiert. Wo de Räge denn chli nochegloh hed bin ich no mit de Seilbahn überd Stadt go fahre und ha au so ehn sehr schöni Ussicht chönne gnüsse. 😊Read more