Reserva nacional pinguino de humboldt

Üses Tagesziel: ehn Pinguin gseh
Status: Übertroffe

Mer händ ned all zu viel Erwartige gha ah die typischi Touristetour zu de Humboldt Pinguine aber es hed üs am Schloss mega gfalle!

Mer sind mit ehm Auto uf Punta Chorros gfahre und händ vo det us es Boot zu de Insle gnoh. Mer händ viel Pingus gseh, Robbe und extrem viel Vögel. Uf ehm zrugwäg hämmer sogar no paar Delfin gseh. Denn hämmer ah ehnere zwoite Insle ghalte wo mer au händ chönne usstiege. Da alli Andere zum Ussichtspunkt ufe gstörmt sind hämmer üs för de Rondwäg entschiede - mer händs ned bereuht! Die Insle esch landschaftlich sehr schön gsii und mer händ viel jungi Möwe gseh.

Zrog in punto chorres hämmer no ihehmene schöne Restaurant mit Meerblick Zmittag gässe und üs denn (mit ehmene chorze Stop zum Kaktee fötele) uf de Wäg is Valle de elqui gmacht.Read more