Tag 53 - 56: Okavango Delta

Als ehn chline Trip wäg vom Truck hämmer zwoi nächt im "Busch" vom Botswana Delta verbrocht. Mer sind ih chline Böötli mit all üsem Züg über de Fluss gfahre und händ denn det zmitz im Nüt usse zälted. Es esch mega toll gsii so werklich ih de Wildniss z sii. Am Nomittag esch einisch plötzlich ehn Elefant näb üsne Zält uftaucht, ih de Nacht hed mer d Hippos ghört und wenn mer ufs Wc hed welle hed mer sich halt mösse es Loch grabe.

Vo dem schöne Plätzli us hämmer Spatziergäng gmacht zum Tier beobachte und sind mit de Böötli go Hippos ahluege. Ih de Ziite zwüsched inne hämmer sälber chli probiert mit dene Böötli z fahre (gar ned so eifach), sind chli go bade, händ gsünneled und Charte gspielt.

Ah üsem letschte Obig händ üs alli Boltsfahrer am Füür no Lieder vorgsunge und händ Tänz ufgfüehrt.Read more