Tag 52: De Luca esch do :)

Wo Gruppe sich uf de Wäg uf Botswana gmacht hed, bi ich richtig Flughafe gange zum de Luca go abhole 🎉.

Zäme hämmer es Taxi und de es Boot und de ehn mini Bus gnoh zum Gränze uf Botswana z überquere und de Gruppe uf de Campingplatz noche z reise. Das esch es zimlichs Abentüür gsii well mer nie gnau gwösst händ wo dure und immer um de Priis händ mösse verhandle - aber es hed sich au wedermol chli meh nach richtig Reise ahgfühlt.

Wo mer ahcho sind hed üs de Peter mit ehm Truck ihd Stadt gnoh dass mer chönnd Gäld wächsle und öbbis ässe. Am Nomittag simmer de eifach chli uf ehm Campingplatz gsii und de Luca hed alli üsi Mitreisende chönne känne lehre.

Am Luca sin ersti Tag hämmer mit fahre verbrocht. Es esch schön gsii chli öbbis vo Botswana z gseh, chli mitenand z rede und ehn gmüetliche Start z ha. Mer händ sogar es paar Zebras und Giraffe zum Fänster us gsichted.Read more