Ultimas días en la escuela en Quito

S'Wetter blibt au für mini zwei letste Schueltäg in Quito durzoge und mini Motivation zum grossi Sache unterneh dementsprechend au. Langsam bini würkli dure mit dere Stadt...
Am Donstig nach de Schuel gömer z'vierte es Lokal zum esse go sueche, wo de Cameron mal gseh hät und wett probiere. Nach 30 Minute umenandirre und mehrere Mal "det vorne isches, jetz bini mer sicher" vo ihm, gebemer uf und zack, i dem Moment laufemer per Zuefall dra here. S'Zmittag isch denn tatsächlich sehr fein und de Platz so gmüetlich, dasmer na länger hocke blibed :)
De Obig verbringi denn wider chillend dehei :)
Am Fritig isch schliessli de letst Schueltag z'Quito, wasi gar ned mal so schlecht finde. Zum Abschluss gits namel es Zmittag mitem Cameron bevori hei go erhole gange. Am Obig hani mit de Tamara abgmacht uf es Bier und es wird wider sehr lustig. Mir treffed es paar Iheimischi a und unterhalted eus mit dene. Oder probiereds amel sicher... So ganz fest sitzt s'Spanisch no ned 🤣
I gange denn bald Mal hei, wett morn fit si zum wandere :) Eine vode Jungs meint, er isch denn pünktlich am achti au bide Seilbahn zum mi begleite. Bin mer ned ganz sicher, obi das wür guet finde, glaube aber ehner ned ^^Baca lagi