Ruco Pichincha 🗻

Es gaht los, min erste Viertuusiger wird endlich erklomme!
Zwei Stunde vorem Wecker ghöris zwar no regne aber ischmer jetz egal, ich wirden mache, au wenns vilicht ned soo schön wird si.
Pünktlich 5 min vorem erste Bähnli ladt mi de Taxifahrer bide Talstation vom TeleferiQo us, das isch d'Seilbahn wo di erste 900 Höhemeter für mich übernimmt. Währedem warte bis denn tatsächlich di erst Bahn losfahrt (was passend zu Ecuador so öppe 10 min z'spoht isch) hoffi, dass de Typ vo gester Obig ned uftaucht. Und ich han Glück :)
I dichtem Nebel started de Ufstieg uf 3'950 m.ü.M. Und es isch astrengend ^^ Elei chani mis langsame Tempo laufe und plötzlich wird sogar d'Sicht besser. Nach 1.5 Stund stohni plötzli im Schnee... Si hend gseit es wird streng, und chalt, und abentürlich. Aber dases au no Schnee hät, das hät niemer gseit. Glaube das isch ide letste Nacht passiert - janu :)
Nach 2.5 Stund bini schliesslich stolz und kaputt ufem Gipfel und gseh - nüt ^^ Nach es paar Minute lockereds uf und mer geht bitz öpis. Ned so viel wieni gern hett aber he, anderi hend scho gar nüt gseh. Ich fange a mit es paarne Amis rede und schliessli nehemer de Abstieg z'füfte in Agriff. Es goht trotz Schnee dütlich besser alsi befürchted han und dank de lustige Gsellschaft isches au spassig :) Unterem Chletterteil vom Gipfel folgt en Rutschteil imene Sandhang :) D'Sicht direkt unterem Gipfel isch sogar na besser als bim Ufelaufe :) Ich finde use, dass drü vode Amis im Militär sind und hüt en freie Tag hend. Und ich bi schneller dobe gsi als si 💪 S'obligate Foti uf de Rieseschaukle mit fantastischer Sicht uf d'Stadt derf natürli ned fehle. Dass d'Sicht i mim Moment grad ned guet gsi isch muesi ja ned z'luut sege... De eint Typ merkt sehr wiit une, daser sis Portemonnaye vermuetli zimli wiit obe verlore hät - usp, namel ufe mögemer sicher ned... Zrugg ide Bergstation nehemer es Kafi und werded so richtig müed. Isch glaub na astrengender gsi alsi im erste Moment denke. Irgendwenn nehemer d'Bahn zrugg id Stadt und ich spaziere die 40 min zrugg zude Gastfamilie. Super müed bequemi mi is Bett und mues mal wider bitz Alltag a mich herecho lo und Rechnige us de Schwiiz zahle ^^ Denn heissts packe. Morn wirdi schliessli nach exakt 3 Wuche Abschied neh vo mim dehei und d'Reis uf Otavalo atrette :) Nachher isch denn aber schliessli scho na bitz Erholigsprogramm und es letsts feins Znacht mit de Gastmuetter agseit :)Baca lagi