Tag 2 - Vila do Conde - Fão (22km)

Nochdem i gester so ziemli alles falsch gmacht ha am 1.Tag (zviel gloffe, zwenig trunke&gesse, nöd ihcremt etc.), isch hüt an erfolgriche Tag gsi.

Bi gester Obed no go froge wegere Decki zum schlofe. Die Dame ah da Rezeption het dänn aber gmeint, wenni da Überzug übercho ha, dänn hani alles 😪 Ih als sehr emotionale Mensch&völlig übermüedet sind mer dänn gad Träne ko (hahah peinlich). Reaktion vo ihre hani dänn nöd erwartet: "isch da din erste Camino? Riss di zäma, hör uf brölle und morn Morge laufsch du miteme riese Grins do use" - ok, die Antwort hani glob genau brucht! 😅 (ha übrigens dänn doch no ah Decki übercho, hend nur ah Sprochbarriere ka 😝)

Am nögste Morge bini am 7ni losgloffe. zerst no völlig Lost, ha da Camino nochere Stund dänn aber doch no gfunde (immerhin i die richtig Richtig gloffe) 😉 Die erste 2h wieder alles da Küste entlang, recht eitönig mit da Zit 😬 Ziemli windig isches au direkt am Meer. Bi dänn drum froh gsi isch da weg nocher dur da Wald..
Zum zmittag hets es Pilgermenü geh (günstig & riesigi Portione) und notürlich endlich mis wohlverdiente BIER 😍 Unterkunft hani dasmol vorreserviert (Hostel mit Pool). Mue das schöne Wetter no usnütze, wenns ab morn go Regne kunnt 😬

Eigentlich hani dä Blog welle kurzhalte, isch nix druss wore
, egal😅

No ah paar Erkentnis zude Länder-Stereotype wo wiedermol zuetreffid:
- Die Dütsche wo gern über Geld redet, wa d'Unterkunft kostet, wa s'esse kostet - WHO cares!
- Franzose wo sich da Landessproch nöd düend ahpasse, mit Bonjour anstatt Bom dia grüessed
- Amis wo der am liabsta alles verzelled

✌Read more