Tag 3 - Fão - Anha (23km)

Wahnsinn wa ah guati Unterkunft & guati Lüt alles usmached.. Gester so an ahgnehme Obed ka mit verschiedene Lüt jung&alt us Litaue, Holland, Belgie, Brasilie und Australie. Do trifft mer echt uf alles und vo da ganze Welt! Schlussendlich bini mit am Austalier verhocked wo mer sini Segel & Camino Erfahrige verzelld het.

Hüt Morge bini erst am 9ni gstartet (dUnterkunft isch eifach zu bequem gsi döt), am Ahfang wieder eher mit Startschwierigkeite😄 Da Rege het mer nöd mol viel usgmacht, muss au segga mini Usrüschtig isch onpoint 😋

Hüt hani bewusst nöd da Küsteweg gwählt, sondern bin Innerorts gloffe. Guati Entscheidig gsi! Da Waldweg het mi sehr ah Brasilie erinneret. Wie's da Zuefall het wella hani kurzi Zit spöter an Kolumbianer troffe. Sind dänn ah Stückli mitanand gloffe und hend üs notürli über Südamerika unterhalte 😁

Da Schluss isches dänn no echt zäch gsi. Es het sooo fest gregnet&gwindet, alles isch nur no nass gsi und i bi froh gsi bini dänn noch 23km ide Casa da Carolina ahko. dGrossmuatter vo da Carolina het für alli Gäst ah Suppe koched. mmmh, genau s'richtige gsi zum ufwärme.

Jetzt heissts für hüt nur no: wäscha, erhole, ufwärme und früeh is Bett 😴 #fixundfertigRead more