Camino portugues de la costa

Min Plan hüt wär gsi zum ah paar Kilometer meh z'mache wie die letschte Täg, wills die nögste Täg ziemli sött regne.. so bini scho am 8ti losgloffe.

Dä Plan het sich gänderet, nochdem i unterwegs an 77Jöhrige Ami troffe ha, wo i ide Unterkunft am obed davor scho kenneglernt ha. Normalerwis bevorzug i zum allei laufe, eiges Tempo, mini Ruah. Bim Arnold hani aber ah Usnahm gmacht und entsprechend eher langsam gloffe 😄 Öppe nochere Stund hend mer usegfunde, dass mer üs bereits sit Tag 1 kenned und zwor döt wo i in Tränne usbroche bi will i kei Decki überko ha und er het sis Handy verlore ka 🤣

Ahko in Caminha hend sich üsi Weg dänn trennt. I bi go zmittagesse und blöderwis hets kei Glas Wisswih geh sondern nur Fläsche 😬 Hani also scho ah klises Rüschli ka und mi entschiede zum do übernachte.

Will i jo nonöd gwüsst ha wie wit dassi hüt lauf, hani au nix vorreserviert und ha drum nur no die kompletti Abstiegig überko 🙈 Ah Appartment für Pilger wo kei Unterkunft me finded, hets gheisse. dUnterkunft gseht us wie vonere Grossmuetter wo erst gad gstorbe isch, schmöckt au danoch 🥴
Da unfründlich Bsitzer het nöd nur ah Herberg und das "Appartment" ka, sondern auno ah Bar. Isch gad glege ko 😅 Döt hani mini restlich Zit vom Tag verbrocht.

Mini zwei Zimmergnosse hani direkt ide Bar kenneglernt, notürlich zwei Engländer 😄
Sie (Patricia): a Flight Attendant, öppe i mim Alter, die einzig Tussi woni bis jetzt kenneglernt ha, het 15kg packt und loht sich 8kg davo immer mit transportiere (ka mer anschienend für 10euro/Tag)
Er (Shawn): a Fireman, ha denkt isch 40gi, isch aber scho 58gi, isch hüt 47km gloffe 🙈

Het paar Bier & GinTonic geh. Ide Halbzit döff dass au mol si 😊

Morn mussi mi dänn entscheide, öb i da Weg witer ah da Küste entlang gang oder Inland via Tui.Weiterlesen