Uluwatu nach Ubud

hüt simmer ganz entspannt ohni wecker ufgwacht und hend afoh packe zum uschecke. mer hend kai wc papier meh kah - aber ma findet ja immer irgendswie e lösig🙈 denn hemmer üs uf de weg gmacht mitem backpack zu üsem lieblingskafi —> the loft! hend e hammer bowl gesse mit ice coffee & nutella iced latte😍 üse grab taxi het denn scho dusse uf üs gwartet, mit dem simmer denn öppe 2h unterwegs gsi richtig ubud. de taxifahrer isch en richtig coole gsi, er het üs viel tipps geh bezüglich altivitäte (rafting) und balinesischs esse. mol luege obmer am mäntig würkli mit ihm go rafte gönnd, es isch bi ihm ziemli safe und nid gföhrlich - er machts selber 2mol ir wuche und au mit sinem hund!😝 im taxi hemmer denn italienischi musik glost will er als balinese gern eros ramazotti lost😄 mega ahgnehm gsi. und zitat vo ihm: in bali its just one rule —> no rules! hahah
in bali lebend d iheimische fo de turiste. sie verdienend öppe 2000€ im johr.. sie hend weniger ihkomme als was sie usgebend, wärend corona zite ischs schlimm gsi! und nid alli kinder chönd zur schuel, will sies nid zahle chönnd. uf de baustelle hend sie arbeiter fo anderne insle will sie billiger sind, die schlofend uf de baustellene und gsehnd d familie mönetlang nüme bis s huus fertig isch! d balinese hend vor jedem lade, hotel usw. sones päckli am bode, d bedütig vo dem isch dass sie gott dankend fürs esse, dass sie für jede no öppis übrig hend und zum zeige dassme en guete mensch isch und eifach dass jede willkomme isch.

In üsi nögst unterkunft für die nögste 4 nächt simmer acho und es isch eifach traumhaft!! für 7CHF pro nacht! mier hend s Ita House zmitts im dschungle, de pool grad vor üsem bungalow, s bungalow isch so mega romantisch und us holz gmacht, s bad het en steibode mit würkli richtigi stei und isch so chli im „freie“ mitere regeduuschi - de hammer! d besitzer do sind uuuh herzig, sie hend üs regeschirm geh wills soo abeloh het und nocher isch sie mitem putzlappe cho go de igang tröchne obwohls jo immerno regnet😂 de mah het alles uf sini hand gschriebe so dasmer jo alles lese chönnd.. oh😍 do hemmers paar stund chillt bises mol ufghört regne het.

zum üs chli bewege hemmer entschiede zum chli loslaufe und d gegend erkunde. es isch sehr usgstorbe und d lüt sind do vieel ärmer.. mer werdend wahrschindli nid so viel do si, eher immer unterwegs und eher mitem taxi & roller als zfuess:) am obig simmer imme resti mit guetem usblick go esse, komisch dases i dere gegeng au so restis het! romana het das ayam butatu gnoh was de taxifahrer vorgschlage het (soooo scharf gsi…) und alissa mie gorengMeer informatie