Bingin Beach

hüt morge hemmer mol wieder e gueti smoothie bowl kah grad nebem hotel, nocher hemmer üs scho uf de weg gmacht zum bingin beach mit de grosse hoffnig das hüt mol schöns wetter isch und mier am wetterradar traue chönnd, nid so wie gester🙈 tatsächlich hemmer so glück und gnüssend hüt eifach mol en chillige tag am strand mit wunderschönem türkise wasser, cooli restis und bars die ganz klippe duruf und supper musik!

ah und küeh, hüehner, kückel, katze und hünd gsehtme au chli überall. am obig hemmer chli angst kah womer nonid richtig checkt kah hend wie so glocke fo de küeh in bali tönend was für tier do echt ume sind, aber es sind ebe nur küeh gsi😁 die meiste küeh sind leider alli ahbunde an bäum.

schoo de ganz tag freuemer üs uf de frische fisch am obig, wome am strand sitze kann, d füess im sand und de sunneuntergang gnüsse kann. und genau so isch gsi, sowas traumhafts hemmer selte erlebt! romana het en thunfisch gesse und alissa mahi mahi, dazue hets riis geh und unglaublich guete gmües dazue wasmer nid richtig gwüsst hend wases gsi isch. aber perfekt gsi!! üses erste indonesische Bintang Bier hemmer au hüt zersta mol probiert - isch nid schlecht:)Read more