2x Tempel, Leke Leke

hüt morge simmer wieder vo singende tierli und am nervige gückel gweckt worde, er hört nidmol uf au wennd d lüt scho wach sind😂 mier hend üs parat gmacht mitem plan zum zude risterassene goh, en kaffee go trinke wills afoht regne am mittag und denn zumene tempel wome ins wasser goht, pura ganga oder sowas heisst de. denn het üs de herzige mah vom hotel am bungalow guete morge gwüscht und het so sehr ghofft er kann üs en tag lang umefahre, drum hemmer üs entschiede zum hüt doch mit ihm zumne wasserfall fahre, de leke leke und denn zum berüehmte tempel pura ulun danu bratan. mer hend üse privat driver de ganz tag für nur 500‘000. er het üs ufem weg sogar wasser kauft, so en liebe! denn hetter üs no zerst zumne andere tempel gfahre vo de royal family, de heisst pura taman ayun. sehr schön gsi!

in bali segend sie nid guete morge, mittag oder obig. sie segend uf balinesisch: peace, love & harmony.♥️ und wasmer feststellend während em fahre, d balinese kennend fast kai links und rechts uf de stross, die meiste fahrend ide mitti😄 de weg zum wasserfall isch echli chaotisch worde, mier hend denlt gedek kennt de weg aber er het kai ahnig kah, ufsmol simmer zmitta ide pampa gsi und s auto isch nüm wiitercho🙈 alissa & romana hend hunger kah und de ganz morge womer ide sunne hend welle verbinge wills am mittag afoht regne hemmer im auto verbrocht🙈 zum wasserfall simmer denn au nüm gange wills en umweg gsi wär und drum simmer direkt richtig tempel. dee isch aber wunderschön, und en guete buffetzmittag mit black rice porridge hemmer auno kriegt, üsi lune isch langsam wieder besser!☺️

nocher hemmer üs denn ufem weg hai nomol zum wasserfall leke leke traut, dasmol hemmer de weg gfunde aber leider hets voll afoh schiffe womer acho sind, und mer hettend aber no 15min müesse abelaufe. aber mier hends gmacht🙈 es het sich soo glohnt - de wasserfall isch unglaublich gsi und mitem rege dazue no e mega bsundrigi atmosphäre & kai lüt.. warum wohl..?🙈

de dschungleweg simmer nocher wieder ufegrannt willmer angst kah hend vor blitz ⚡️⛈️ dobe simmer seehr dreckig gsi und hend üs kurz chöne wäsche bimene strasseresto und denn hemmer üs uf de weg gmacht richtig hotel öppe 1.5h. dött hemmer duscht und üs chli erholt :)
geg de obig simmer zumene resti gloffe womer denkt hend er isch guet, s het aber gstunke, de sprite fo de romana het nach plastik gschmöckt und portione sind wiinzig gsi.. d fleischbälleli vom bakso hend no knochestükli drin kah.. iihh.. zum glück hets nur im 1 CHF kosted hahah. guet nacht. Czytaj więcej