Rice Terrace, Tis Cafe, Tempel, Ubud

hüt mol wieder vom „kicker“ gweckt worde.. aber am 2 am morge scho!!🙈 de het eifach null zitgfühl. recht schnell hemmer üs uf de weg gmacht zfuess (20min) zu de riisterrassene, denn simmer dött im tis cafe gsesse und hend die hammer ussicht uf de terrassene gnosse mitere bowl wo üs jetzt würkli paar täg gfehlt het🥰 dött simmer paar stund bliebe, wills eh gregnet het (mol wieder ganz anders als uf de wetter app..) aber isch super entspannt gsi, hend denn au wieder üses nögste hotel für ab morn uf nusa lembongan buecht! am mittag simmer denn mitem grab taxi zum pura titra tempel.

bi dem tempel hemmer müesse üsi bei bedecke, und das tüechli het soo gstunke (wird wahrschindli nie gwäsche🙈) naja, was willsch mache. mer sind denn durch de tempel gloffe und denn hets dött sone tradition geh, dassme es extra grüens tüechli kriegt und denn mit dem im wasser chan go bete. es het öppe 9 wasser fontäne kah und bi jedem hetme müesse 3 gebet ufsäge, sich 3 mol am oberkörper wäsche und denn 3 mol über de kopf. hemmer aber nid gmacht🙈 romana het aber sust mol betet :) am schluss hends üs durchs exit zu so ständ/markt fo einheimischi durregfüehrt und mier sind fast wahnsinnig worde. was die probierend sache verkaufe und einem fast afönnd belästige. sie sind zwar sehr arm aber mier sind extreeem gnervt gsi und froh womer dött durre sind. überall probierend halt dier sache ufdrehe & sache zverkaufe.. mier sind denn mitem grab richtig ubud und mit dem taxifahrer simmer fast ihgschlofe & er selber au😂 in ubud acho hemmer üs kaffee & kuchen und e massage gönnt:) am schluss simmer denn go thai esse und denn richtig hotel, packt willmer am nögste tag früeh scho mit de fähre nach nusa lembongan wennd:)Læs mere