Kuta - Uluwatu, Padang-Padang Beach

d romana het leider nomol e nacht nüd gschlofe.. 🙈 mer hend en grab taxi grüefe zum richtig uluwatu fahre, die app hemmer dött nonid so guet kennt und zum erste mol richtig usprobiert, am flughafe het das nämli öppert anders für üs gmacht. mer sind denn uf e falschi taste cho, oder besser gseit zschnell und denn hets gheisse, ou, in 3 minute isch üse taxi do😂 mer hend vollgas packt und denn richtig uluwatu gfahre. ide erste stroSe hemmer denkt oh shit wo simmer no glandet. aber gege schluss ischs denn chli touristischer worde und wunderschön - mit sehr viel cafes ade strossesite:) mier sind denn zum butternuts und hend e bowl und en avo toast gesse. gwartet hemmer echli lang:) willmer nonid hend chöne zum check-in hemmer üses backpack chöne dött loh und sind denn zum padang padang beach gloffe. es isch en berüehmte strand für surfer, und mier sind würkli s erste mol jetzt schöön am strand mit sunne gsi🥰ah und uf dem weg hemmer müesse durch en wald laufe mit affe, bitz angst hemmer kah😄 ufsmol hets gheisse iher müend chli ufd siite, ws git en zeremonie! es het sich drum ghandlet, das new moon isch und sie das nur 2x im johr machend. natürli hemmer das welle aluege, hend denn aber leider fast 3h gwartet bises ahgfange het. es isch sehr speziell gsi, mit hüehner und musik sinds umenand gloffe. aber ehrlich gseit würremer für sowas nüm 3h warte. 😂 geg obig simmer denn üsi backpacks go abhole und denn zum check-in. hend dött eini ahtroffe wo de check-out gmacht het will ihres zimmer richtig stinkt - ohje was hemmer do buecht! üses zimmer isch aber denn oke gsi, nur s badzimmer het chli gmufflet. und viel moskitos hemmer kah, mit de klimaahlag ischs denn aber besser gsi. am obig simmer denn zersta mol zum the loft, was üses lieblingsresti worde isch! d romana het soooo en guete burger gesse und alissa chicken parmigiana und brownie choko cake mit ice cream, alles so guet! d romana het denn e ganzkörpermassage kriegt ide hoffnig, dass sie denn vtl. mol schlofe kann - es het sich glohnt!!Meer informatie